LUKE 1:32 - Thuhun Thah (BSI)

³² Amah chu mi lian ahi diing a, Tungnungpen Tapa a kichi diing; huleh Lalpa Pathian in a kawmah a pa David laltouphah a pe diing a;

LUKE 1:32 Iomraidhean Croise

MATTHAI 1:1

Abraham tapa, David tapa, Jesu Khrist khanggui thu bu.

MATTHAI 12:42

Huleh simlam kumpinu chu vaihawmna ah tulai khang thahte toh ahung thoukhawm diing a, siamlouh a tangsah diing: Solomon pilna ngaikhe diingin bawn kawlmong apat ahung ngal a; huleh en un, Solomon sanga loupizaw hi-ah a um hi.

MATTHAI 28:18

Huin Jesu chu a kawmva hung in amahuh a houpih a, Vaan leh lei a thuneihna zousiah ka kawmah piah ahita.

MATTHAI 3:11

Ke'n chu kisiihna diingin tui in ka hung baptis ngei a; hizongleh ka nunga hungpa chu kei sangin a loupizaw a, A keengtophah tawi taah zong ka hi sih hi; Ama’n chu Hagau Siangthou leh mei in nanguh ahung baptis diing hi.

MARK 14:61

Hizongleh amah chu a sip bihbeh a, bangmahin a dawng sih hi siampu lalpen in, Nang Hampha Tapa, Khrist chu na hi maw? chi'n a dong kiit a.

MARK 5:7

Huleh aw ngaihtaha kikouin, Jesu, Pathian Tungnungpen Tapa, nang toh kizolhna bang ahiai ka neih? hung sugim lou diingin Pathian minin ka hung ngen hi, a chi a.

LUKE 1:15

Ajiahchu Lalpa ngaih in amah mi lian ahi diing a, uain aha, ahihlouhleh khamtheih zu mawngmawng a dawn sih diing; huleh a nu sunga kipan ngei in Hagau Siangthou in a dim diing hi.

LUKE 1:35

Huleh angel in a dawng a, a kawmah, Hagau Siangthou na tungah ahung tung diing a, Tungnungpen silbawltheihna in ahung liahkhuh diing; hujiahin mi siangthou nang a hung piang diing zong Pathian Tapa chih ahi diing hi.

LUKE 1:76

Huleh nang, naungeeh, Tungnungpen zawlnei ahung kichi diing hi; ajiahchu a lampite bawl diingin Lalpa ma ah na pai diing hi.

LUKE 3:16

John in a dawng a, a kawmvah, Ke'n chu tui in ka hung baptis ngei a; hizongleh kei sanga loupizaw, a keengtophah khau zong suut taah ka hih louh mi khat ahung diing; ama’n chu Hagau Siangthou leh mei in nanguh ahung baptis diing;

LUKE 6:35

Hizongleh nangun chu na meelmate uh lungsiat unla, hoih bawl un, bangmah muh kiit kinem louin thunglaahsah un; huchi leh na kipaahman uh a loupi diing a, Tungnungpen tate na hi diing uhi; ajiahchu ama’n kipaahnadan heloute leh migiloute a hehpih veu hi.

JOHN 12:34

Mipite’n amah a dawng va, Khrist chu kumtuang in a um zing diing chih ka daan vapat ka ja uh, bang chidan a nangin, Mihing Tapa khaisanga a um ngei diing ahi, na chih ahiai? hi mihing Tapa chu koi ahiai? a chi va.

JOHN 6:69

Huleh nang chu hu Pathian hing Tapa, Khrist chu na hi chih ka gingta va, he zong ka he uhi, a chi a.

SILBAWLTE 16:17

Hu mi in chu Paul leh keiuh ahung jui a, kikou in, Hi mite, hutdamna lampi hung hilhte hi tungnungpen Pathian suaahte ahi uh, a chi a.

SILBAWLTE 2:30

Hujiahin amah chu zawlnei ahi a, sa dana, a khaalbe a kipanin a laltouphah a tou diing, Khrist, ka hung tungdoh diing chih, Pathian in kichiam in a soi hi chih a he a;

SILBAWLTE 2:36

Hujiahin, Jesu na kilhbeh ngei uh chu Pathian in Lalpa leh Khrist hikhawm in a bawlta chih, Israel nam zousiah in chiantahin he uheh, a chi hi.

SILBAWLTE 7:48

Ahihvangin, Tungnungpen chu khuta bawl inn bangah a um sih hi; zawlnei in,

ROMETE 1:4

Huleh sianthouna hagaulam daan a misi laha kipan a thohkiitna in silbawltheihna toh Pathian Tapa ahih a kilatsah tungtaang;

THUPHUANDOH 3:7

Huleh Philedelphia khua a kouhtuam angel kawmah hichi'n gial in; Amah siangthou leh dih, amah David chabi neipa, a hon chianga koima’n a khaah theih louh, huleh a khaah chiang a koima’n a hon theih louhpa’n hi thute a soi hi;