KOLOSSITE 4:8 - Thuhun Thah (BSI)

⁸ Hu diing mahin amah chu na kawmvah ka hung sawl ahi, na tanchin uh a heet a, huleh na lungtang uh a suhhamuan theihna diingin;

KOLOSSITE 4:8 Iomraidhean Croise

KORINTHTE I 4:17

Hikhu diing jiahin Lalpa a ka ta deihtah leh ginum. Timothi na kawmvah ka hung sawl hi; ama’n chu gam china kouhtuamte ka hilh veu bangin, Khrist a ka umdante nanguh ahung hedohsah kiit diing hi.

KORINTHTE II 1:4

Pathian in keiuh ahung lungmuanna ngei khu a kei un zong hahsatna photmah a umte ka lungmuan theihna diingun, ama’n ka gimthuaahna zousiah vah ahung lungmuan veu hi.

KORINTHTE II 12:18

Tita chu na kawmva hung diingin kana deih ngei a, huleh amah toh unaupa khat ka hung sawl hi. Tita in nanguh ah punna a siamkha moleh? hagau kibangin ka gamtakhawm sih viai mah? kalsuan kibanga chiah hilou ka hi viai mah?

KORINTHTE II 2:7

Huchi'n na ngaihdam diing va, na hamuan zawh diing uh ahi, huchilou inchu, huchibang mi chu a lungkham taahluatna in a valhzoukha diing hi.

EPHESITE 6:22

Ka tanchin uh na heetna diing uleh, na lungtang uh a hamuan theihna diing chi a amah na kawmva ka hung sawl ahi.

PHILIPPITE 2:28

Hujiahin amah chu khawhsatahin ka hung sawl hi, amah na muh kiit chiang va na kipaah va, huleh kei lungkhamna zong a daih deuhna diingin.

KOLOSSITE 2:2

Pathian leh, Pa leh, Khrist thuguuh hedoh diing a heetsiamna kichiantah hauhsatna zousiah lama lungsiatna a khuikhawma a um va, a lungtangte uh hamuangtah a, a um theihna diingin.

THESSALONIKATE I 2:11

Pain a tate tunga a bawl bangin, nanguh hung hasot in, hung hamuan in, huleh hung hilhin na tungva ka bawldan uh na he uhi.

THESSALONIKATE I 3:2

Huleh i unaupa uh Timothi, Pathian natongtu, Khrist tanchinpha lama ka tohpih uh, nanguh hung sukip diing leh na ginna lam va hung hamuan diingin ka hung sawl uhi.

THESSALONIKATE I 3:5

Hi jiahin ka thuaah zoh nawn louh phetin, heemtu’n nanguh ahung heempuuhkha diing a, ka tohgimna uh a thawnkha diing chi'n na gindan uh he diingin mi ka hung sawl hi.

THESSALONIKATE I 4:18

Huchihjiahin hi thutein kihamuantuah chiat un.

THESSALONIKATE I 5:11

Hujiahin na na hih veu mah bangun kisuhamuang khawm chiat unla, kisuhaattuah chiat un.

THESSALONIKATE I 5:14

Tuin unaute, ka hung hasot uhi, daan banglou a umte hilh unla, lungkete hamuan unla, haatloute panpih unla, mi zousiah lamah thuaahzoutahin um un.

THESSALONIKATE II 2:17

Na lungtang uh suhamuang in, thusoi leh natoh hoih chintengah hung sukipta hen.