KOLOSSITE 4:2 - Thuhun Thah (BSI)

² Haamtei zing unla, huah chu kipaahthu soi kawmin kiveeng zing un.

KOLOSSITE 4:2 Iomraidhean Croise

MATTHAI 26:41

Heemna a na luut louhna diingun kiging zingin haamtei un; hagau in chu a peih a, tahsa chu a haat sih hi, a chi a.

MARK 13:33

A hun diing na heet louh jiahun pilvaang unla, kiging zinga um in haamtei un.

LUKE 18:1

Huleh ama’n mihingte’n lungke loua a haamtei zing diing uh ahi chih heetna diingin a kawmvah tehkhinthu khat a soi a;

LUKE 21:36

Hujiahin hi sil hung tung diing zousiahte peel taah leh, mihing Tapa ma-a diing taah diing a guat na hih theihna diingun bangchih laipouhin haamtei unla, ngaihsah zing un, a chi a.

SILBAWLTE 1:14

Hihaw zousiah chu numeite leh, Jesu nu Mari toh, Jesu unaute toh lungsim munkhat in phatuam ngaitaha haamtei in a um zing uhi.

ROMETE 12:12

Kinepna a kipaah zingin; gimthuaahna ah hahkat un; haamteina a kuhkal zingin;

EPHESITE 6:18

Haamteina leh ngetna chintengin bangchihlaipouhin Hagau a haamtei zing a um in, hulam pangah chu misiangthoute zousiah diingin thuaah haatna leh ngetsahna toh ngaihsah zing in um un.

PHILIPPITE 4:6

Bangma ah lungdonna nei sih unla; hizongleh sil bangkimah haamteina leh ngetna in kipaahthusoina toh, na sil deihte uh Pathian kawmah hesah un.

KOLOSSITE 1:9

Hikhu jiahin keiuh zong, hi ka jah ni vapatin, nanguh diing a haamteisah leh, pilna leh hagaulam heetchi ana zousiah a amah deihzawng heetna a na hung dimna diing uh ngetsah ka tawp sih uhi.

KOLOSSITE 2:7

Amah ah zungha leh lamtouh a um in, ahung kihilhta mahbanga ginna a kipaahtaha um in, huah chu kipaahthu soina a dimin um un.

KOLOSSITE 3:15

Huleh Pathian hamuanna na lungtang vah vaihawmsah un, huchibang hi diingin tahsa khat a kouhna hi uhi; huleh kipaahna taang zong he un.

KOLOSSITE 3:17

Huleh na bawl photmah uh, thusoi in hileh natohin hileh, a bawnin Lalpa Jesu minin, amah jiaha Pa Pathian kawma kipaahthu soi kawmin bawl veh un.

KOLOSSITE 4:12

Epaphra, na lahva mi, Khrist suaah in nanguh chibai ahung buuh hi; Pathian deihlam zousiah a hoihkim leh bukim a na dindet theihna diingun amah chu haamteinate ah theihtawp suah in a pang hi.

PETER I 4:7

Hizongleh sil zousiah tawpna diing chu a naita hi; hujiahin lungsim dihtah pua unla, haamtei kawmin pilvaang un.