KOLOSSITE 3:9 - Thuhun Thah (BSI)

⁹ Mihing lui chu a silbawlte toh na hawhkheta uh chih he in, khat leh khat kihemtuah sih un.

KOLOSSITE 3:9 Iomraidhean Croise

JOHN 8:44

Nang u’chu na pa uh diabol a hung kuan na hi uh, huleh na pa uh deihzawng na bawl ut uhi. Amah chu a chiila kipana tualthat ahi a, huleh thutah ah a um sih, amaha thutah a um louh jiahin. Juau a soi inzong amah a ngei a soi ahi; bang jiahin ahiai i chih leh amah mi zuau ahi a, huleh zuau pa zong ahi.

ROMETE 6:6

Hikhu he leh uchin, sualna sapum suhmangthaia a um theihna diingin, tu apat a sual natonga i um nawn louhna diingin i mihing lui uh amah toh kilhbehin a umta hi, chih.

EPHESITE 4:22

Na nidanglai umdan va mihing lui, heemna duhgawlna banga hoihlou deuhdeuh chu hawhkhia unla.

EPHESITE 4:25

Huchi'n zuau soi tawpsan in, mi chinin a veengte kawmah thutah soi chiat un; ajiahchu eihaw khat leh khat kihiangtuah chiat i hi uhi.

KOLOSSITE 3:8

Hizongleh tuin chu nangun zong lungthahnate, thangtawmnate, huatnate, soisiatnate, houlimna thanghuaite, hihaw zousiah na kam vapat koihmang un.

TIMOTHI I 1:10

Kingaih haatte a diing, pasal kisubuahtuahte a diing, mihing gute a diing, zuau haatte a, diing, zuau a kihaahsialte a diing, huleh thugin dih toh kikalh sildang a um leh, hute a diingin ahi;

THUPHUANDOH 21:27

Huleh hu sung a’chu bangchihmahin silbolhhoh leh, kihdahhuai bawl leh, zuau bawl himhim a luut sih diing a; hizongleh Belaamnou hinna lehkhabu a min tuangte chauh a luut diing uhi.

THUPHUANDOH 21:8

Hizongleh meidawite leh, gingtaloute leh, kihdahumte leh, tualthatte leh, tohuuhte leh, bumhaatte leh, milimbete leh, zuau haatte zousiah tan diing chu mei leh kaat a kaang diil ahi a; huchu sih nihna ahi.

THUPHUANDOH 22:15

Ajiahchu polamah uite, bumhaatte, tohuuhte, tualthatte, milem bete, huleh koipouh zuau ngaina leh bawlte a um uhi.