KOLOSSITE 3:8 - Thuhun Thah (BSI)

⁸ Hizongleh tuin chu nangun zong lungthahnate, thangtawmnate, huatnate, soisiatnate, houlimna thanghuaite, hihaw zousiah na kam vapat koihmang un.

KOLOSSITE 3:8 Iomraidhean Croise

MATTHAI 5:22

Hizongleh ke’n chu na kawmvah ka soi ahi, Koipouh a jiah bei a, a unau tunga lungthah chu vaihawmkhumna lauthawnghuaitah ah a um diing; huleh koipouh a unau kawma, 'Raka (Man louh),' chi chu vaihawmtute vaihawmkhumna lauhuaitah ah a um diing; huleh koipouh, 'Nang mingol,' chitu chu gawtmun mei diila paih lauthawnghuaitah ah a um diing uhi.

MARK 7:22

Guuhtaatnate, huaihamnate, giitlouhnate, heemhaatnate, bevennate, kimitsiipnate, soisiatnate, kiletsahnate, leh ngolhuainate bang ahung pawt veu hi;

ROMETE 13:13

Suuna um bangin dihtahin i um diingun; huhel leh zukham buai a um louin, huuh leh kingaihhaat a um louin, huleh kihau leh kithangsiat a um louin.

KORINTHTE I 3:3

Ajiahchu nanguh na tahsami nalai uhi; bang jiahin ahiai i chih leh na lahva kithangsiatna leh, kinialna leh, kipawlkhenna a um zing jiahin tahsami hi nalaiin, mihing bang a um nalai hilou na hi u'maw?

KORINTHTE II 12:20

Bang jiahin ahiai i chih leh ka hung chianga nanguh ka hung muh diing banga ka hung muh louhkha diing leh, kei na hung muh louh diing bang va na hung muh khaah diing ka lau hi; huchilou inchu kinialnate, kithangsiatnate, lungthahnate, kikhinnate, kisoisiatnate, kiguuhhounate, uanghaamnate, huleh buainate ahung umkha diing hi.

GALATIATE 5:15

Hizongleh na kikeih va, na kineehtuah uleh na kisuhmang louhna diingun pilvaang un.

GALATIATE 5:20

Milimbiahna, bumna, muhdahna, kihauna, thangsiatna, lungthahna, kilanna, kikhinna, gintuamna,

GALATIATE 5:26

Khat leh khat kilang leh kithangsiat a um louin, a mawh a kiloupisah i tum sih diing uhi.

EPHESITE 4:22

Na nidanglai umdan va mihing lui, heemna duhgawlna banga hoihlou deuhdeuh chu hawhkhia unla.

EPHESITE 4:25

Huchi'n zuau soi tawpsan in, mi chinin a veengte kawmah thutah soi chiat un; ajiahchu eihaw khat leh khat kihiangtuah chiat i hi uhi.

EPHESITE 4:26

Lungthah unla, sual chu sual sih un; na lungthahna uh ni in tumkhum sih heh.

EPHESITE 4:29

Na kam vapat thusia pawt sih henla, hizongleh a ngaikhetute kawma hehpihna a piah theihna diingin, bawl hoihna diingin thu hoih pawt zaw heh.

EPHESITE 5:4

Zahmohthute, thu ngolhuai a houlimte, chiamnuih thute bang zong kilawm lou ahi; hute sangin kipaahthu soi zaw un.

KOLOSSITE 3:5

Hujiahin na tahsa hiang uh lei a umte sulum un; kingaihnate, bolhhohnate, kietlahna hoihloute, utna giloute, huleh duhaamnate, (duhaamna chu milembiahna ahi),

KOLOSSITE 3:9

Mihing lui chu a silbawlte toh na hawhkheta uh chih he in, khat leh khat kihemtuah sih un.

TIMOTHI I 1:13

Tumalaiin Pathian soisetu leh suduhdahtu leh sunatu ka na hi a; hizongleh khotuahna ka muta hi, ginlouhna a he lou a na bawl ka hih jiahin.

TIMOTHI I 1:20

Amahuh lahah Himena leh Alexander ahi uh; Pathian soisiat louh a zil theihna diingun amahuh chu Setan kawmah ka peta hi.

HEBRAITE 12:1

Huchihjiahin eiuh zong heetpihtu meipi nasatah uum kiimvel a i um uh he in, ahung gihsah photmah leh, sual eimaha belh zing chu i koihkhe diing va, i ma a kitaidemna um ah kuhkaltahin i tai diing uh,

JAKOB 2:7

Amahun na kikouhna uh min zahumtah chu a soise sih viai mah?

PETER I 2:1

Huchihjiahin giitlouhna zousiahte, heembawlna zousiahte, lepchiahnate, kithangsiatnate, huleh kisoisiatna zousiahte tawpsan unla.

PETER II 2:18

Ajiahchu thuloi lou chiaahjen a soi in, gilou a umte apat a suaahta zoute chu tahsa utna ah huuhna in a heempuuh veu uhi.

PETER II 2:7

Huleh migiloute umdan thanghuaitah jiah a lungsim na mahmah Lot midih chu a hunkheta hi.

JUDE 1:13

Amahuh mah zumna kiphotuoh tawm, tui khang lian kinawh von von, aahsi leeng lehleh, kumtuanga mialna vombehboh a diing a siitte ahi uhi.

JUDE 1:8

Huchibang mahin, hi mang kihdahhuai mante’n zong tahsa a suthanghuai va, thuneihna a musit va, lalnate a soise veu uhi.

THUPHUANDOH 16:9

Huleh mite chu mei sataha haaigawp in a um va, huleh hi bawlgimna tunga thuneitu Pathian min a soisia va; huleh amah kawma loupina pe diingin a kisiih sih uhi.