KOLOSSITE 3:5 - Thuhun Thah (BSI)

⁵ Hujiahin na tahsa hiang uh lei a umte sulum un; kingaihnate, bolhhohnate, kietlahna hoihloute, utna giloute, huleh duhaamnate, (duhaamna chu milembiahna ahi),

KOLOSSITE 3:5 Iomraidhean Croise

MATTHAI 15:19

Ajiahchu lungtang a kipatin ngaihtuahna giloute, tualthahnate, aangkawmnate, kingaihnate, guuhtaatnate, a tahlou heetpihnate, soisiatnate ahung pawt veu hi.

ROMETE 1:26

Hukhu jiahin Pathian in zumhuaitaha a huuh uh phalin a umsanta hi; ajiahchu a numeite uh nasanin zong a pianpih umdan ngeina uh daan lou banga um diingin a kibawl limdang veu uhi.

ROMETE 1:29

Dihtat louhna zousiah, kingaihna zousiah, giitlouhna zousiah, duhaamna zousiah, kimuhdahna zousiaha dim in: thangsiatnate, tualthahnate, kinialnate, kihemnate, mi siatna diing ngaihtuahnate in a dim va,

ROMETE 6:13

Na sapum hiangte uh zong dihtatlouhna vanzat diingin sual kawmah pephal sih un; ahihvangin misi laha kipana hing kiit bangin Pathian kawmah kipia unla, na sapum hiangte u’zong dihtatna vanzat diingin Pathian kawmah pe phal zaw un.

ROMETE 6:6

Hikhu he leh uchin, sualna sapum suhmangthaia a um theihna diingin, tu apat a sual natonga i um nawn louhna diingin i mihing lui uh amah toh kilhbehin a umta hi, chih.

ROMETE 7:23

Hizongleh ka tahsa hiangte ah daan tuam khat a um chih ka he hi; hukhuin ka lungsim daan a dou a, huleh ka tahsa hiangte a um sualna daan kawmah suaah in ahung pui veu hi.

ROMETE 7:5

Ajiahchu tahsa a i um laiin daan jiaha sualna utna hung suahdohte’n i tahsa hiangte ah sihna khop gah suang diingin a tong veu hi.

ROMETE 8:13

Bang jiahin ahiai i chih leh tahsa daan a na um unchu na si diing uhi; himahleh sapum silbawlte Hagau a na suhlup jel unchu na hing diing uhi.

KORINTHTE I 5:1

Na lahvah kingaih a um chih a thang vengvung hi, huchibang kingaih Jentelte laha zong um ngeilou, mi khat in a pa ji a kiteenpih, chih.

KORINTHTE I 6:11

Huleh na lahva khenkhat huchibang nana hi uh; hizongleh Lalpa Jesu Khrist min leh, i Pathian uh Hagaua silsiang na hita uh, suhsiangthou na hita uh, siamtansah na hita uhi.

KORINTHTE I 6:13

Ante chu gilpi a diing ahi a, huleh gilpi zong an a diing ahi; hizongleh a nihin Pathian in a sumang diing hi. Huleh sapum chu kingaihna diing ahi sih a, Lalpa a diing ahi zaw hi; huleh Lalpa chu sapum a diing ahi.

KORINTHTE I 6:18

Kingaih taisan un. Mihing sualna zousiah chu sapum polam ahi; hizongleh kingaihna sual bawl in chu amah sapum tungah sil a bawl sual ahi.

KORINTHTE II 12:21

Huleh ka hung kiit chiangin ka Pathian in na lahvah hung sumualphou in, tuma a na sualta sa, hizongleh si an louhna leh kingaihna leh huuhnate ana bawltaah vapat kisiih lou mi tampite ka kahkhumkha diing hi.

GALATIATE 5:24

Huleh Khrist a hi mite’n tahsa chu a lunggulhna leh a duhgawlna toh a kilhbehta uhi.

EPHESITE 4:19

Amahun heettheihna mawngmawng a neih nawn louh jiahun sil sianglou chinteng huaihamtah a bawl diingin huuhna ah a kipumpiahta uhi.

KOLOSSITE 2:11

Amah ah nanguh chu khut a tan hilou a, tahsa sualna sapum paikhia a Khrist zehtanna a zehtan na hi uhi.

THESSALONIKATE I 4:3

Bang jiahin ahiai i chih leh Pathian deihzawng, na sianthouna diing u’chu hi ahi, kingaih tawpsan un;

THESSALONIKATE I 4:5

Pathian he lou Jentelte banga huuhna lama kipe lou in;

TIMOTHI I 6:10

Ajiahchu sum ngaihnat hi gilou zousiah bulpi ahi; huchu khenkhat in a deihgoh va, ginna a paimangsan uh, huleh amahuh leh amahuh lungkhamna tampi in a kisunlet uhi.

HEBRAITE 12:16

Khatvei neeh mana a ta upa hihna zuahpa Esau bang a kingaihhaat aha, Pathian jahlou mi aha a umkha diing hi.

HEBRAITE 13:4

Mi zousiah lahah kiteenna chu zahbawl in um henla, huleh lupna zong suhbuah louh in um heh; himahleh tohuuhte leh aangkawmte chu Pathian in vai a hawmsah diing hi.

HEBRAITE 13:5

Na umdan u’chu sumngaihnatna tellou hi heh; na sil neih tungvah lungkim un; ajiahchu ama’n, Bangma chihin ka hung nuse sih diing a, tai zong ka hung taisan sih diing hi, a chi hi.

JAKOB 4:1

Na lahva kidounate leh kisualnate khoia kipana hung kuan ahiai? na sapum hiangte va kidou veu, na tahsa utnate va kipana hung pawt hilou ahi maw?

PETER I 2:11

Deih mahmahte, mikhual leh khualzin bang na hih jiahun hagau doudaal zing tahsa utnate tawpsan diingin ka hung ngen hi;

THUPHUANDOH 21:8

Hizongleh meidawite leh, gingtaloute leh, kihdahumte leh, tualthatte leh, tohuuhte leh, bumhaatte leh, milimbete leh, zuau haatte zousiah tan diing chu mei leh kaat a kaang diil ahi a; huchu sih nihna ahi.

THUPHUANDOH 22:15

Ajiahchu polamah uite, bumhaatte, tohuuhte, tualthatte, milem bete, huleh koipouh zuau ngaina leh bawlte a um uhi.