KOLOSSITE 3:3 - Thuhun Thah (BSI)

³ Ajiahchu, na sita va, na hinna uh Khrist toh Pathian ah phual ahita hi.

KOLOSSITE 3:3 Iomraidhean Croise

MATTHAI 11:25

Huchihlaiin Jesu’n a dawng a, Aw, Pa, vaan leh lei Lalpa, nang mipil leh misiamte kawmah hi thute na iim a, naupangte kawma na phuan jiahin ka hung phat ahi.

JOHN 14:19

Tomchakhat nungin khovel in kei ahung mu nawn sih diing; hizongleh nangun chu na hung mu diing uh; ajiahchu kei ka hing a, nanguh zong na hing diing uh.

JOHN 3:16

Ajiahchu Pathian in khovel a lungsiat mahmah a, huchi'n a Tapa tangkhat neihsun a pia, koipouh amah gingta in a beimang louh a, kumtuang hinna a neih zawh na diingin.

JOHN 4:14

Hizongleh ke’n a kawma ka piah diing tui dawn photmah chu bangchih tanin a dangtaah sih diing uh; a kawmva ka piah diing tui chu a sung vah tuitohdoh in ahung um diing a, kumtuang hinna phain a kikhohdoh diing, a chi a.

JOHN 5:21

Pain misite a kaihthoh a, a suhhing mah bangin Tapa in zong a ut pouhmah a suhing veu hi.

JOHN 5:24

Chihtahzetin chihtahzetin ka hung hilh ahi, Koipouh ka thu ja a, ahung sawlpa gingta in kumtuang hinna a neita; siamlouhtangin a um sih diing a, hizongleh sihna apat hinna ah a luut zawta ahi.

JOHN 5:40

Hizongleh hinna na neihna diingun ka kawmah na hung nuam sih uh.

ROMETE 5:10

Ajiahchu meelma i hih laia bawn a Tapa sihna jiaha Pathian toh kilemta i hih unchu, kilema i um zohnung un a hinna jiahin hutdam in i um ngei diing uhi.

ROMETE 5:21

Sualin sihna a vai a hawm mahbang a, hehpihna in dihtatna jala kumtuang hinna tanna diing khop a i Lalpa uh Jesu Khrist jiaha vai a hawm theihna diingin.

ROMETE 6:11

Huchimahbangin nanguh zong sual lam thu ah sisa in kingai unla, hizongleh Pathian lamah chu i Lalpa uh Jesu Khrist jalin hingin kingai un.

ROMETE 6:2

Um zing lou hial diing. Eiuh sual lama sisate bangchi’n sual ah i hing thei nalai lai diai?

ROMETE 8:2

Bang jiahin ahiai i chih leh Khrist Jesu a um hinna Hagau daan in sual leh sihna daan a kipan ahung zalensahta hi.

KORINTHTE I 15:45

Huchi'n, Mi masa Adam chu hinna nei mi a siam ahi, chih gelh ahi; Adam nunung chu hinna petu Hagau ahi.

KORINTHTE I 2:14

Hizongleh khovel mi’n chu Pathian Hagau lam silte a pom thei sih hi, ajiahchu amah ngaihin hute chu ngolhuai ahi; Hagaua heet ahihjiahin he zong a he thei sih hi.

KORINTHTE II 5:14

Khrist lungsiatna in ahung sawl teitei hi; ajiahchu hichi'n ka ngaihtuah uhi, mi zousiah sih luang a mi khat a sih inchu, mi zousiah si ahita hi.

KORINTHTE II 5:7

(Ajiahchu muhtheiha pailou in, ginna in i paizaw uhi).

GALATIATE 2:20

Khrist toh kilhbeh in ka um hi; hizongleh ka hing ahi; keimah hing hi nawn louin, Khrist keimah ah a hing ahi zaw hi; huleh tu a tahsa a ka hin chu, ahung lungsiat a ka luang a kipepa Pathian tapa ginna a hing ka hi.

EPHESITE 3:9

Kumtuanga kipana Jesu Khrist mang a sil zousiah siamtu Pathian a phual a um thuguuh kiphual kipawlkhawmna chu mi zousiah musah diingin;

PHILIPPITE 4:7

Huchi'n Pathian hamuanna heetphaah guallouh in, Khrist Jesu jalin na lungtangte uleh na lungsimte uh ahung veensah diing hi.

KOLOSSITE 1:5

Vaan a nanguh diinga kinepna hung kikoihsah jiahin, hu kinepna thu chu tanchinpha thutah thu ah tumalaiin na zata uhi;

KOLOSSITE 2:20

Huchih jiahin khovel thubulte apat Khrist toh si na hih taah uleh bang diinga khovel a hing banga daan thupiahte nuaia kituluut na hi viai?

KOLOSSITE 2:3

Hu Khrist ah pilna leh heetna gou zousiah phual in a um hi.

KOLOSSITE 3:4

Khrist, i hinna uh ahung kilat chiangin nanguh zong amah toh loupiin na kilang diing uhi.

HEBRAITE 7:25

Huchi'n amah a Pathian kawm a hungte chu, amahuh diing a ngetsah diing a, a hin zing jiahin, a tawpkhawh tanin a hundam thei hi.

PETER I 3:4

Lungtang a mihing thuguuh, lungsim thunuaigolh leh nunnem puansilh sethei lou hi heh, huchu Pathian mitmuh in a manpha mahmah hi.

PETER I 4:2

Ahun umna laiteng tahsa a mihing utna lam banga hingta lou a, Pathian deihzawng a a hinzawh na diingin.

JOHN I 3:2

Deihtahte, tuin Pathian tate i hi a, huleh bangtobangin ahiai i um diing chihchu a kilang nai tadih sih hi; hizongleh amah ahung kilat chiangin amah bangin i um diing uh chihchu i he uhi; amah chu a um bangbang a mu diing i hih jiahin.

THUPHUANDOH 2:17

Bil nei taphot in kouhtuamte kawma Hagau thusoi chu ja heh. A gualzoupa kawmah manna phualguuh a neeh diing ka pe diing a, suang kaang khat, hu suang tung a minthah, a tangtu loungal midang koima’n a heet louh kigial ka pe diing hi, chi'n.