KOLOSSITE 3:16 - Thuhun Thah (BSI)

¹⁶ Khrist thu chu pilna zousiah in nanguh ah tampiin umsah un; phatna la bang, Pathian la bang, huleh hagaulam la bang kizilsah in, kihilhtuah unla, na lungtang va hehpihna nei in Lalpa chu la sahsah un.

KOLOSSITE 3:16 Iomraidhean Croise

MATTHAI 26:30

Huleh la khat a sah zou un a pawt va, Olive taang ah a chiahta uhi.

LUKE 2:51

Huin amah uh a juisuh a, Nazareth khua a tungva, a thuthu un a um a; hizongleh a nuin hi sil kisoi zousiah chu a lungtangah a vom zing hi.

JOHN 15:7

Keimaha na um ngiitngeet va, huleh ka thu zong nanguh a, a um ngiitngeet inchu na utut uh na ngen diing va, huchu ahung kibawlsah diing hi.

ROMETE 10:17

Huchi'n ginna chu jahna jiahin ahung um a, huleh jahna chu Pathian thu jiahin ahung um hi.

ROMETE 15:14

Huleh ka unaute, nanguh chu hoihna in na dim va, pilna kim nei in na kihasuantuah thei uh chih kei mahmah in zong ka he hi:

KORINTHTE I 14:15

Ahihleh bangchi'n ahita diai? Hagau in ka haamtei diing a, heetna in zong ka haamtei diing hi; hagau in la ka sa diing a, heetna in zong ka sa diing hi.

KORINTHTE I 14:26

Bangchih diing ahita diai, unaute? na hung kikhop chiangun mi chinin phatna la bang, thukihilhna bang, haam heet louh bang kilaahna bang, haam letdohna bang na nei chiat uh. Sil zousiah chu siamhoihna diing a bawl hi heh.

EPHESITE 1:17

I Lalpa uh Jesu Khrist Pathian, loupina Pa in amah heetna lam thu a pilna leh kilaahna hagau nanguh ahung piah theihna diingin;

EPHESITE 5:17

Hujiahin ngol sih unla, Lalpa deihzawng bang ahiai chih hesiam zaw un.

EPHESITE 5:19

Phatna late, Pathian late, huleh hagaulam late a nang uleh nanguh kihou in, na lungtang vah Lalpa diingin kituaahtah leh kilawmtahin la sa un.

EPHESITE 5:26

Amah u’chu tui a sil a, thu a, a suhsianga a sawpsiang theihna diingin,

KOLOSSITE 1:28

Mi chin Khrist Jesu a hoih bukima ka piah theihna diing va mi chin kiveeng diing a hilh a, pilna chinteng a zilsah a, a tanchin ka soi pa uh ahi.

KOLOSSITE 1:9

Hikhu jiahin keiuh zong, hi ka jah ni vapatin, nanguh diing a haamteisah leh, pilna leh hagaulam heetchi ana zousiah a amah deihzawng heetna a na hung dimna diing uh ngetsah ka tawp sih uhi.

KOLOSSITE 4:6

Mi chin bangchibang a dawn but diing ahiai chih na heet theihna diingun na haam kamsuaah uh chu hehpihna tel, chi kisoh hi zing hen.

THESSALONIKATE I 1:8

Bang jiahin ahiai i chih leh nanguh a kipanin Lalpa thu chu a thang kheta a, Makedonia leh Akaia gam chauh ah hilou in, mun chinah Pathian lam a na gindan uh a thangta hi; kei un bangmah ka soi uh a ngai nawn sih hi.

THESSALONIKATE I 4:18

Huchihjiahin hi thutein kihamuantuah chiat un.

THESSALONIKATE II 3:15

Ahihvangin chu meelma bangin bawl sih unla, unau bangin hilh zaw un.

TIMOTHI I 6:17

Hi khovel a mihausate chu kisathei lou diing leh, hauhsatna kiplou a muanna nga loua, sil zousiah i kipaahna diing a kichingtah mei a hung petu Pathian tunga nga zaw diingin;

TIMOTHI II 3:15

Huleh nang chu na naupan lai apat, Khrist Jesu a ginna jiaha hutdamna mu khopa nang hung hilhpilthei lehkha siangthou he na hita hi.

TITA 3:6

Hu Hagau Siangthou chu Jesu Khrist i Hundampa uh jalin i tungvah naahpitahin ahung leihbua hi.

JAKOB 1:5

Na lahva koipouh in pilna a taahsap leh, mi zousiah kawma tailou leh it loua petu Pathian kawmah ngen heh; huchi'n a kawmah piah ahi diing hi.

JAKOB 3:17

Hizongleh tunglam a hung kipan pilna chu a masapenin a siangthou phot a, huzohchiangin kilep a ut a, a nunnem a, a hounuam a, khotuahna leh gah hoih in a dim a, khentuam a nei sih a, a lepchiah sih hi.

JAKOB 5:13

Na lahva hahsatna thuaah a um ei? haamtei heh. Kipaah a um ei? phatna la sa heh.

JOHN I 2:14

Pate haw, a chiil apat a um, amah na heet taah jiahun na kawmvah ka gial ahi. Tangvalte haw, na haat va, Pathian thu nanguh a a um zing a, huleh giloupa chu na zoh taah jiahun na kawmvah ka gial ahi.

JOHN I 2:24

Hujiahin a chiil apat a na jah u’chu nanguh ah umsah zing un. Hu a chiil apat a na jah uh nanguh a a um zing inchu, nanguh zong Tapa ah leh Pa ah na um zing diing uhi.

JOHN I 2:27

Hizongleh amah apat a thaunuhna na tan uh nanguh ah a um zing a, koimah hung hilh na kiphamoh sih uhi; hizongleh hu thaunuhna mahin sil zousiah nanguh ahung hilh bangin, thutah ahi a, zuau ahi sih a, huin nanguh ahung hilh bang ngei in, amah ah na um diing uhi.

JOHN II 1:2

Ei u’a um, huleh kumtuang a zong i kawma um diing thutah jiahin.

THUPHUANDOH 14:3

Huleh amahun laltouphah ma leh, silhing lite leh upate ma ah la thah hileh kilawm a sa va; leitung apat a tatdoh hu nuai khat le siing li leh saang lite chih louh koima’n hu la chu a he thei sih hi.

THUPHUANDOH 15:3

Huleh amahun Pathian suaah Mosi leh Belaamnou la a sa va, Na silbawlte a loupi in a thumah hi, Lalpa Pathian Bangkimbawlthei; na lampite chu a dih in a tah hi, nang misiangthoute Kumpipa,

THUPHUANDOH 19:10

Huleh amah be diingin a keengbulah ka puuh a. Huin ama’n ka kawmah, Hung be hial sin; kei chu na suaah tanpih leh Jesu heetpihna thu nei, na unaute laha ka hi; Pathian bia in; ajiahchu Jesu heetpihna chu thusoitheihna hagau ahi, a chi hi.

THUPHUANDOH 5:9

Huleh amahun la thah khat a sa va, Nang chu lehkhabu la a, hua chiam chihnate phel taah na hi; ajiahchu thah in na um a, chi chin, haam chin, michin leh nam chin apat mite na sisanin Pathian a diingin na hung tanta a;