KOLOSSITE 3:12 - Thuhun Thah (BSI)

¹² Hujiahin, Pathian miteel, mi siangthou leh deihtahte bangin lainatna lungtangte, chitnate, kingaihngiamna lungsimte, jaidamnate, huleh thuaahtheihnate in kithuam un;

KOLOSSITE 3:12 Iomraidhean Croise

MATTHAI 24:22

Huleh hu nite chu suhtom hilou hileh mihing mawngmawng hing in a suaahta sih diing; hizongleh teelte jiahin hu nite chu suhtom ahi diing hi.

MATTHAI 24:24

Ajiahchu Khrist tahlou leh zawlnei tahlou ahung pawt diing a, chiamchihna leh silmah loupitahtah ahung ensah diing uhi; huah chu ahihtheihleh teelte ngei zong ahung heem diing uhi.

MATTHAI 24:31

Huleh ama’n a angelte chu pengkuul ging nasatah toh a sawlkhe diing a, huleh amahun a teelte chu lei ning li akipan, vaan tawp akipan a lehlam tawp tanphain a khawm diing uhi.

MARK 13:20

Huleh Lalpa’n hu nite chu sutom sih henla hileh, mi mawngmawng hingin a suahta sih diing uh; hizongleh miteel, a teeltuamte jiahin a nite chu a sutomta hi.

MARK 13:22

Ajiahchu Khrist tahlou leh zawlnei tahlou ahung pawt diing va, hute’n chu chiamchihnate leh silmahte ensah in, hithei lehouh teelte nasan a heemkhe diing uh.

MARK 13:27

Huleh hutah chiangin ama’n a vaansawllehte a sawlkhe diing a, a teelte, kawlmong li a kipan, lei tawp a kipanin vaan tawp dongin a khawmkhawm diing uhi.

LUKE 1:78

I Pathian uh hehpihna nemtah jalin; hujiahin tunglama kipana nisuaah in ahung khohta hi.

LUKE 18:7

A tungvah jaidoh sawt zong mahleh a miteelte, suun leh jana amah koutute phuba chu Pathian in laahsah lou diing ahiai mah?

ROMETE 1:7

Pathian deihtah, misiangthou hi diinga kouh, Rome khua a um zousiahte kawmah; i Pa uh Pathian leh Lalpa Jesu Khrist kawma kipan hehpihna leh hamuanna na kawmvah um hen.

ROMETE 13:14

Lalpa Jesu Khrist in kithuam unla, na tahsa uh utna supiching diingin bangmah kibawl sih un.

ROMETE 9:11

Naupangte chu piang nailou in, silhoih leh silsia zong bawl nailou in, teel lam thu a Pathian thuguat a det theihna diingin, silbawl jiah hi lou a, a koutu deih jiah hizaw in;

KORINTHTE I 13:4

Lungsiatna in a thuaah thei a, huleh a ching a; lungsiatna in a thangse sih a; lungsiatna chu a kiphat sih a, a kiuangsah sih hi,

KORINTHTE II 6:6

Sianthouna in, heetna in, thuaahtheihna in, chitna in, Hagau Siangthou in, lungsiatna dihtahin,

GALATIATE 5:6

Bang jiahin ahiai i chihleh Jesu Khrist ah zehtan bangmah a phatuam sih a, zehtan louh zong bangmah a phatuam sih hi; lungsiatna a tong ginna chu a phatuam hi.

EPHESITE 1:4

A ma a siangthou leh soiselbei a i um theihna diing a leilung pian ma a lungsiatna a Khrist a ahung na teel dungjuiin;

EPHESITE 4:2

Kingaihngiamna leh thunuaigolhna zousiah, thuaahtheihna toh, lungsiatna a kithuahzoutuah chiat in;

EPHESITE 4:24

Mihing thah, dihtatna leh siangthouna tah a Pathian banga siam in kithuam le u’chin, chih.

EPHESITE 4:32

Khat leh khat kingainatuah chiat unla, lungnem unla, Pathian in Khrist jiaha nanguh ahung ngaihdam bangin, nanguh zong kingaidamtuah chiat un.

PHILIPPITE 1:8

Ajiahchu, Jesu Khrist lainatna in nanguh na bawnun ka hung ngai mahmah chih Pathian ahung heetpihtu ahi.

KOLOSSITE 3:10

Mihing thahin na kithuamta va, huchu heetsiamna neia a siamtu batpiha siamthah in a um ahi.

THESSALONIKATE I 5:15

Koimah in koi giitlouh zong giitlouh a thuh lou diingin pilvaang un; hizongleh nang u’lah hiin, mi zousiah lamah hitaleh a hoih taphot jui un.

TIMOTHI II 1:9

Ama’n chu i silbawlte dungjui hilou in, amah guat leh a hehpihna dungjuiin ahung hundam a, kouhna siangthou in ahung kouta hi, huchu leilung pianma a Khrist Jesu a ahung piah ahita hi.

TIMOTHI II 2:10

Hujiahin Khrist Jesu a um hutdamna chu kumtuang a loupina toh a muh ve theihna diingun teelte jiahin sil zousiah ka thuaah ahi.

TITA 1:1

Paul, Pathian suaah leh, Pathian miteelte ginna dungjui leh, Pathian ngaihsahna banga thutah heetna lama Jesu Khrist sawlleh in;

PETER I 1:2

Thumang diing leh, Jesu Khrist sisan theh tang diing a Hagau hihsiangthou jala Pa Pathian heetlawhna dungjui a teelte kawmah Hehpihna leh hamuanna na kawmvah suhkhang in umta hen.

PETER II 1:10

Hujiahin unaute, nanguh hung kikouhna leh teelna suchian diingin thanop hung suah un: ajiahchu hite na bawl uleh chu na puuh ngei himhim sih diing uhi:

JOHN I 4:19

Ama’n eiuh ahung lungsiat masat jiahin, eiun amah i lungsiat uh ahi.

JOHN II 1:13

Teel a um na unaunu tate’n chibai ahung buuh uhi. Amen.

THUPHUANDOH 17:14

Hite’n chu Belaamnou a kidoupih diing va, Belaamnou in amahuh a zou diing hi; ajiahchu amah hi lalpate Lalpa leh kumpipate Kumpipa ahi; huleh amah toh umte chu kouhte, teelte, huleh ginumte ahi uhi, a chi a.