KOLOSSITE 3:10 - Thuhun Thah (BSI)

¹⁰ Mihing thahin na kithuamta va, huchu heetsiamna neia a siamtu batpiha siamthah in a um ahi.

KOLOSSITE 3:10 Iomraidhean Croise

JOHN 17:3

Huleh hichu ahi kumtuang hinna, Nang Pathian tah chauh leh na sawl Jesu Khrist a heet uh.

ROMETE 12:2

Hi khovel daan bangin um sih unla; himahleh Pathian deihzawng hoih leh, kipaahpih taah leh, hoih bukim bang ahiai chih na heetchian theihna diingun na lungsim uh a thah a um in hung limdang zawta un.

ROMETE 13:12

Jan a bei dehdehta a, khua vaah diing ahita hi; hujiahin mial a silbawlte paai in vaah thuam in i kithuam diing uhi,

ROMETE 13:14

Lalpa Jesu Khrist in kithuam unla, na tahsa uh utna supiching diingin bangmah kibawl sih un.

ROMETE 6:4

Hujiahin Pa loupina in misi laha kipan Khrist a kaihthoh banga eihaw zong hinna thah a i hin theihna diingin a sihna ah baptisma in amah toh vui in i um uhi.

ROMETE 8:29

Ajiahchu a heetlawhte chu amah tapa banga um diingin a guatlawh a; a tapa chu unau tampite laha ta masapen ahung hihtheihna diingin.

KORINTHTE II 3:18

Hizongleh ei uchu i bawnun, maai khuhlouh in, limlanga muh banga Lalpa loupina chu en zingin, huto kibang ngei a um diingin Lalpa Hagau in loupina apat loupina ah ahung sulimdang zing hi.

KORINTHTE II 4:16

Hukhu jiahin ka chau sih uh; hizongleh ka polam mihing uh kiam hiaihiai zongleh, ka sunglam mihing u’chu ni china siamthah in a um zing hi.

KORINTHTE II 4:6

Ajiahchu, Jesu Khrist meel a Pathian loupina heetna vaah hung pe diingin, mial laha kipana vaah hung vaahdoh diing a thupetu Pathian in ka lungtang uh a salhvaahta hi.

KORINTHTE II 5:17

Hujiahin mi koipouh Khrist a, a um inchu, silsiamthah ahita hi; sil luite a beita a; ngai un, sil zousiah ahung thah vehta hi.

GALATIATE 3:27

Bang jiahin ahiai i chihleh na lahva Khrist a baptisma tang photmah chu Khrist a kithuam na hita uhi.

GALATIATE 6:15

Ajiahchu Khrist Jesu ah chu, siamthahna loungal, zehtan bangmah a phatuam sih a, zehtan louh zong bangmah a phatuam sih hi.

EPHESITE 2:10

Bang jiahin ahiai i chih leh, Pathian in malai peha i umna diing a ana guatkholh Khrist Jesu a nna hoih tong diing a siam, amah khutsuaah i hi uhi.

EPHESITE 2:15

Biahna silbawlte a thupiah dan umte kimeelmatna chu a tahsa a sumang in, amah ah nihte chu mihing thah khata siam diingin kilemna a bawl hi.

KOLOSSITE 3:12

Hujiahin, Pathian miteel, mi siangthou leh deihtahte bangin lainatna lungtangte, chitnate, kingaihngiamna lungsimte, jaidamnate, huleh thuaahtheihnate in kithuam un;

KOLOSSITE 3:14

Huleh hi silte zousiah tungah lungsiatna silhthuaah un, huchu bukimna kaangawmna ahi.

PHILEMON 1:6

Na ginna kikoppihna chu Khrist Jesu a nangmah a um sil hoih chinteng heetkimna lama ahung phattuam theihna diingin.

HEBRAITE 6:6

A puuh va ahihleh, hute chu kisiih diing a siamthah gual ahi sih uhi; Pathian Tapa chu amahuh tuma kikilhbeh thah leh sumualphou ahihjiahun.

JOHN I 2:3

Huleh a thupiahte i juih a ahihleh, hikhu in amah i he chih i he uhi.

JOHN I 2:5

Hizongleh a thu jui photmah chu, amah ah Pathian lungsiatna a bukim tahzet ahi; hikhuin amah ah i um chih i he hi.

THUPHUANDOH 21:5

Huleh laltouphah tunga toupa’n, Ngai in, sil zousiah ka siam thah hi, a chi a. Huleh ama’n ka kawmah, Gial in; ajiahchu hi thute hi a dih in a ginum ahi, a chi a.