KOLOSSITE 2:7 - Thuhun Thah (BSI)

⁷ Amah ah zungha leh lamtouh a um in, ahung kihilhta mahbanga ginna a kipaahtaha um in, huah chu kipaahthu soina a dimin um un.

KOLOSSITE 2:7 Iomraidhean Croise

LUKE 6:48

Amah chu innbawlmi, thuuhtaha tou a, suangpi tunga innbul lem toh kibang ahi; huleh tui ahung letin tuikhauhin hu inn chu ahung khoh a, a suliing but sih hi; suangpi tunga bawl ahih jiahin.

ROMETE 16:25

Tuin amah, ka tanchinpha leh Jesu Khrist thu kitaangkoupihna banga, thuguuh kiphual kiphuandohna dungjui a, hu thuguuh kiphual chu khovel siam chiil akipana phual a um,

KORINTHTE I 1:8

Ama’n i Lalpa uh Jesu Khrist ni chianga soiselbei a na um theihna diingun a tawp dongin zong ahung sukip diing hi.

KORINTHTE I 15:58

Hujiahin, ka unau deihtahte, dettahin, suhliing guallouh in, Lalpa natoh phatuamngaitaha tong ngiitngeet in um un; na tohgimna uh chu Lalpa ah a thawn sih diing chih na he ngal va.

KORINTHTE II 1:21

Huleh Khrist a nang u’toh hung sukiptu leh, keiuh thau hung nuhtu chu Pathian ahi.

EPHESITE 3:17

Khrist chu ginna a na lungtang va a teen theihna diingin; nanguh lungsiatna a zungha leh kiptah a um a,

EPHESITE 4:21

Jesu a um, thutah dungjuia amah thu ja a amah thuhilh a um na hih photmah uleh,

EPHESITE 5:20

Bangkim tungah i Lalpa uh Jesu Khrist minin Pathian leh Pa kawmah kipaahthu soi ngiitngeet un.

KOLOSSITE 1:23

Ginna a na um zing va, kingahna nei a na kip va, huleh tanchinpha na jah uh kinepna apat na kitawlmang louh uleh; hu tanchinpha chu vaan nuai a silsiam zousiah kawma taangkoupih ahi a; kei Paul hu thunatongtu diing a siam ka hi.

KOLOSSITE 3:17

Huleh na bawl photmah uh, thusoi in hileh natohin hileh, a bawnin Lalpa Jesu minin, amah jiaha Pa Pathian kawma kipaahthu soi kawmin bawl veh un.

THESSALONIKATE I 5:18

Sil bangkimah kipaahthu soi zing un; ajiahchu nanguh lam thu ah Khrist Jesu ah hichu Pathian deihzawng ahi.

THESSALONIKATE II 2:17

Na lungtang uh suhamuang in, thusoi leh natoh hoih chintengah hung sukipta hen.

HEBRAITE 13:15

Hujiahin amah vangin paahtawina kithoihna chu Pathian kawmah tawplou in i laan diing uhi, huchu a mina i kipaahna phuandohna muuh gahte ahi.

HEBRAITE 13:9

Thugin tuamtuam leh limdangte tohmangin um sih un. Ajiahchu lungtang hehpihna a suhkip chu a hoih ahi; neeh diing a suhkip diing ahi sih, huchibang lungkhamte’n hute ah phattuamna a mu tuan sih ahi.

PETER I 5:10

Hizongleh Khrist Jesu mang a kumtuang loupina tang diing a eiuh hung koupa, hehpihna Pathian in, tomkhat sung na thuaah nungun nanguh ahung hoihbukimsah in, ahung sukip in, ahung suhaat in, ahung umdetsah diing hi.

JUDE 1:12

Hite chu na lungsiatna gual vaahna va nang u’toh an a neeh chiang va tuitup suang mong hiam, launa taang he lou a amahuh ki vaahte ahi uh; amahuh chu tui polou meilum huih muutleeng lehlehte, sing a gah vuaita, gah nei lou, nihvei sita, a zung a kiphungkalhte;

JUDE 1:20

Hizongleh deihtahte, nang u’chu na ginna siangthou pen uh tunga kilamtou in, Hagau siangthou a haamtei in,

JUDE 1:24

Huchi'n na puuh louhna diing va nangu hung veengbit thei leh, a loupina ma a nasataha nuamsa a soiselbei a nanguh hung koih theipa,