KOLOSSITE 2:2 - Thuhun Thah (BSI)

² Pathian leh, Pa leh, Khrist thuguuh hedoh diing a heetsiamna kichiantah hauhsatna zousiah lama lungsiatna a khuikhawma a um va, a lungtangte uh hamuangtah a, a um theihna diingin.

KOLOSSITE 2:2 Iomraidhean Croise

MATTHAI 11:25

Huchihlaiin Jesu’n a dawng a, Aw, Pa, vaan leh lei Lalpa, nang mipil leh misiamte kawmah hi thute na iim a, naupangte kawma na phuan jiahin ka hung phat ahi.

MATTHAI 11:27

Ka pa’n sil zousiah ka kawmah ahung pekheta hi; huleh, Pa lou in koima’n Tapa chu a he sih uh; huleh Tapa leh, Tapa’n a kawma a phuan nuamnate chihlouh in koima'n Pa a he sih hi.

MATTHAI 13:11

Ama’n a dawng a, a kawmvah, Ajiahchu vaan lalgam thuguuh chu nanguh heet diing a phal ahi a, hizongleh amahuh heet chu phal ahi sih.

LUKE 1:1

I lahva chiantaha gintaat a um hu silte, mi tampite’n a phuanjahna diing ngaihtuah a gelh ana tup uh;

JOHN 10:30

Kei leh ka Pa khat ka hi uh, a chi a.

JOHN 10:38

Hizongleh ka toh a ahihleh, kei hung gingta sih mah zong leh u’chin natohte beeh gingta un; Pa keimah ah a um a, kei amah ah ka uhi chih na heet va, na gintaat theihna diingun, a chi a.

JOHN 16:15

Pa sil neih zousiah keia ahi; hujiahin keimaha a la diing a, nanguh ahung musah diing, ka chi ahi.

JOHN 17:3

Huleh hichu ahi kumtuang hinna, Nang Pathian tah chauh leh na sawl Jesu Khrist a heet uh.

JOHN 5:17

Hizongleh Jesu’n amahuh a dawng a, Ka Pain tutanin nna a tong zinga, huleh ke’n zong ka tong zing, a chi a.

JOHN 5:23

Pa a zahbawl bang va mi zousiah in Tapa zong a zahbawl na diingun. Koipouh Tapa zahbawl lou in Pa amah sawlpa zong a zahbawl lou ahi.

JOHN 6:69

Huleh nang chu hu Pathian hing Tapa, Khrist chu na hi chih ka gingta va, he zong ka he uhi, a chi a.

SILBAWLTE 4:32

Huleh, a gingta mipite chu, lungsim munkhat leh ngaihtuah munkhat in awm va; a lahva khat in zong a sil neih chu kei a tuam ahi, a chi sih a; sil zousiah a kikop jel zaw uhi.

ROMETE 15:13

Hagau Siangthou silbawltheihna jiaha kinepna na hauh theihna diingun kinepna Pathian in ginna a kipaahna leh hamuanna chintengin hung sudim hen.

ROMETE 16:25

Tuin amah, ka tanchinpha leh Jesu Khrist thu kitaangkoupihna banga, thuguuh kiphual kiphuandohna dungjui a, hu thuguuh kiphual chu khovel siam chiil akipana phual a um,

ROMETE 2:4

Ahihlouhleh Pathian hoihna in kisiih diingin nang ahung pui chih he louin, a hoihna hauhdan leh jaidohdan leh thuaahtheihdante simmoh na hiaimah?

KORINTHTE I 14:31

Ajiahchu mi zousiah in a heet a, mi zousiah hamuang a, a um theihna diingin, na bawnun khatkhat in thu na soi thei uhi.

KORINTHTE I 2:12

Huchi'n Pathian in a thawn a ahung piah silte i heettheihna diingin, ei unchu khovel hagau hilou in, Pathiana kuan Hagau chu i tang uh ahi.

GALATIATE 3:28

Huah chu Judami, Grik mi a um nawn sih; saltaang leh zalen zong a um nawn sih; huleh pasal leh numei zong a um nawn sih hi; ajiahchu na bawnun Khrist Jesu ah pumkhat na hita uhi.

EPHESITE 1:7

Amah ah a sisan jalin tatkhiahna i nei a, a hehpihna hauhdan dungjui a i sualnate ngaihdamna.

EPHESITE 3:16

A loupina hauhdan bang jel a, a Hagau jiaha mihing sungnung lama silbawltheihna a suhhaat a ahung umsah theihna diingin;

EPHESITE 3:3

Huchia kilaahna a thuguuh kiphual ka kawma ahung heetsah, (tuma a tomtakhat a ka gelh thute bang.

EPHESITE 6:22

Ka tanchin uh na heetna diing uleh, na lungtang uh a hamuan theihna diing chi a amah na kawmva ka hung sawl ahi.

PHILIPPITE 2:1

Hujiahin Khrist a kihehnepna bang, kilungsiatna hamuanna bang, Hagau a kipawlkhawmna bang, huleh kilainatna leh kikhotuahna bang a um leh,

PHILIPPITE 3:8

Ahi, tahzetin, Khrist Jesu, ka Lalpa heetna hoih jiahin sil zousiah chu manna giapin ka ngai ahi; amah jiahin sil zousiah ka taanta a, huleh hute chu eeh bang giapin ka ngai hi, Khrist ka tan theihna diingin,

KOLOSSITE 1:26

Hu Pathian thu chu kumtuang a a khang a khang a thuguuh kiphual ana hi a, hizongleh tuin chu a misiangthoute kawmah suhlat in a umta hi.

KOLOSSITE 1:27

Hute kawmah Pathian in Jentelte laha hu thuguuh loupina hauhdan a hesah nuam mawng ahi; huchu, nanguh a Khrist um, loupina kinepna chu ahi.

KOLOSSITE 1:9

Hikhu jiahin keiuh zong, hi ka jah ni vapatin, nanguh diing a haamteisah leh, pilna leh hagaulam heetchi ana zousiah a amah deihzawng heetna a na hung dimna diing uh ngetsah ka tawp sih uhi.

KOLOSSITE 2:19

Huleh tahsa zousiah in kivaah khang na nei a, kizopkhawm leh kikaankhawm a nna tong a, huleh kihuuikhawm a Pathian khanna a, a khanletna lutang chu a tudet sih hi.

KOLOSSITE 3:14

Huleh hi silte zousiah tungah lungsiatna silhthuaah un, huchu bukimna kaangawmna ahi.

KOLOSSITE 4:3

Ka an a ka umna pen, Khrist thuguuh soi diing a Pathian in keiuh diing a thusoina kot ahung honsah theihna diingin kei uh diingin zong hung haamteisah un.

KOLOSSITE 4:8

Hu diing mahin amah chu na kawmvah ka hung sawl ahi, na tanchin uh a heet a, huleh na lungtang uh a suhhamuan theihna diingin;

THESSALONIKATE I 1:5

Ajiahchu ka tanchinpha uh thu mai a na kawm uh tung lou a, silbawltheihna leh Hagau Siangthou leh heetchetna nasatah toh hung tung hi a; nanguh jiahin na lahva mi bangtobang ka hi va chih na heet bangun.

THESSALONIKATE I 3:2

Huleh i unaupa uh Timothi, Pathian natongtu, Khrist tanchinpha lama ka tohpih uh, nanguh hung sukip diing leh na ginna lam va hung hamuan diingin ka hung sawl uhi.

THESSALONIKATE I 5:14

Tuin unaute, ka hung hasot uhi, daan banglou a umte hilh unla, lungkete hamuan unla, haatloute panpih unla, mi zousiah lamah thuaahzoutahin um un.

TIMOTHI I 3:16

Huleh Pathian ngaihsahna thuguuh chu nial guallouh in a loupi ahi; Pathian chu tahsa in ahung kilang a, Hagau in siam a tang a, angelte’n a mu va, Jentelte kawma taangkoupih in a um a, khovel a gintaat in a um a, loupina a puitouh in a umta hi.

HEBRAITE 10:22

Sialepha heetna hoihlou apat i lungtang uh thehsiang a um in, i sapum u’zong tui chiima sil a um in, huleh ginna heetchi ana lungtang dihtah toh i naih diing uhi.

HEBRAITE 6:11

Huleh nanguh kuapouh in, kinepna heetchi ana kim tang diingin, a tawp dongin thanop suah chiat leh u’chin ka hung deih mahmah uhi.

PETER II 1:10

Hujiahin unaute, nanguh hung kikouhna leh teelna suchian diingin thanop hung suah un: ajiahchu hite na bawl uleh chu na puuh ngei himhim sih diing uhi:

PETER II 1:3

Amah loupina leh hoihna a ei hung koupa heetna jiahin a Pathian silbawltheihna bangin hinna leh Pathian ngaihsahna lam thu ah sil zousiah ahung pia hi.

PETER II 3:18

Hizongleh i Lalpa leh Hundampa uh Jesu Khrist hehpihna leh heetna ah hung khang lian un. Amah kawmah tu leh kumtuang in loupina um hen. Amen.

JOHN I 3:19

Hikhu ah thutah a kuan i hi uh chih i he a, huleh amah ma ah i lungtang uh i muangsah thei diing uhi.

JOHN I 5:7

Ajiahchu vaan ah heetpihtu thum a um hi, Pa, Thu, huleh Hagau Siangthou; huleh hi thumte chu khat ahi.