KOLOSSITE 1:9 - Thuhun Thah (BSI)

⁹ Hikhu jiahin keiuh zong, hi ka jah ni vapatin, nanguh diing a haamteisah leh, pilna leh hagaulam heetchi ana zousiah a amah deihzawng heetna a na hung dimna diing uh ngetsah ka tawp sih uhi.

KOLOSSITE 1:9 Iomraidhean Croise

JOHN 7:17

Mi koipouh in a deihzawng a bawl inchu thuhilhna chu Pathian a kuan ahiai, ahihlouhleh keimah phuaah thuh ka soi ahiai chih a he diing uh.

SILBAWLTE 12:5

Hujiahin Peter chu suangkul ah a koih tadih a; hizongleh, kouhtuamte’n amah diingin phatuamngaitahin Pathian kawmah a haamteisah zing uhi.

ROMETE 12:2

Hi khovel daan bangin um sih unla; himahleh Pathian deihzawng hoih leh, kipaahpih taah leh, hoih bukim bang ahiai chih na heetchian theihna diingun na lungsim uh a thah a um in hung limdang zawta un.

KORINTHTE I 1:5

Silbangkim ah thusoi theihna chinteng leh, heetna chinteng ah amah vangin suhhauhsat in na um uhi.

EPHESITE 1:8

Hu hehpihna ah ama’n pilna leh lemheetna zousiah in ahung vuh hi.

EPHESITE 5:10

Lalpa deihzawng bang aha chih en chian in.

EPHESITE 5:17

Hujiahin ngol sih unla, Lalpa deihzawng bang ahiai chih hesiam zaw un.

EPHESITE 6:6

Mihing kipaahsah diing a mitmei chauh veeng hilou in, Khrist suaah bang a lungtang a Pathian deihzawng bawl zaw in:

PHILIPPITE 1:4

Na bawnva diing a kipaahtah a hung ngetsah a ka haamteina chinteng ah,

KOLOSSITE 1:6

Hu tanchinpha chu khovel pumpi a gah a, a khan jel mahbangin, na jah va, thutah a Pathian hehpihna na hung heet ni vapat in na lahvah gah a pung jelin na kawmvah ahung tungta hi.

KOLOSSITE 3:16

Khrist thu chu pilna zousiah in nanguh ah tampiin umsah un; phatna la bang, Pathian la bang, huleh hagaulam la bang kizilsah in, kihilhtuah unla, na lungtang va hehpihna nei in Lalpa chu la sahsah un.

KOLOSSITE 4:12

Epaphra, na lahva mi, Khrist suaah in nanguh chibai ahung buuh hi; Pathian deihlam zousiah a hoihkim leh bukim a na dindet theihna diingun amah chu haamteinate ah theihtawp suah in a pang hi.

KOLOSSITE 4:5

Hun lemtaang lei in, polam mite laha pilvaangtahin um un.

THESSALONIKATE I 1:3

I Pathian leh Pa ma ah na ginna natohte uh, lungsiatna natohgimte uh, huleh i Lalpa uh Jesu Khrist a kinepna jiaha na hahkatnate uh bang mangngilh lou a he zing in,

THESSALONIKATE I 5:17

Tawplou in haamtei un.

THESSALONIKATE II 1:11

Hujiahin i Pathian un nang u’chu ahung kouhna toh kiphutawh mawng ahung sah theihna diing leh, hoih utna zousiah leh ginna natoh zousiah a silbawltheihna toh ahung buchinsah theihna diingin, nanguh diingin zong ka haamtei ngiitngeet uhi.

PHILEMON 1:4

Ka haamteinate a na min lou zingzing in ka Pathian kawmah kipaahthu ka soi hi,

PHILEMON 1:6

Na ginna kikoppihna chu Khrist Jesu a nangmah a um sil hoih chinteng heetkimna lama ahung phattuam theihna diingin.

HEBRAITE 10:36

Bang jiahin ahiai i chih leh Pathian deihzawng na bawlzoh va, silchiam chu na muhtheihna diingun na kuhkal uh a ngai hi.

HEBRAITE 13:21

Jesu Khrist jala a mitmuh a, a deihzawng photmah bawl diingin sil hoih chinteng ah nanguh hung subukim hen; amah kawmah loupina kumtuang kumtuang in umta hen. Amen.

JAKOB 1:5

Na lahva koipouh in pilna a taahsap leh, mi zousiah kawma tailou leh it loua petu Pathian kawmah ngen heh; huchi'n a kawmah piah ahi diing hi.

JAKOB 3:17

Hizongleh tunglam a hung kipan pilna chu a masapenin a siangthou phot a, huzohchiangin kilep a ut a, a nunnem a, a hounuam a, khotuahna leh gah hoih in a dim a, khentuam a nei sih a, a lepchiah sih hi.

PETER I 2:15

Ajiahchu na silhoih bawl va mingolte ngolna na suhdaih uh Pathian deihzawng tah ahi.

PETER I 4:2

Ahun umna laiteng tahsa a mihing utna lam banga hingta lou a, Pathian deihzawng a a hinzawh na diingin.

JOHN I 2:17

Khovel chu a utna toh a bei zing ahi; hizongleh Pathian deihzawng bawl mi chu kumtuang in a um zing hi.

JOHN I 5:20

Huleh Pathian Tapa chu a hungta a, amah Midihtah chu i heet theihna diingin heetsiamna ahung peta chih i he uhi; huleh eihaw chu amah Midihtah, a Tapa Jesu Khrist ngei ah i um uhi. Amah chu Pathian dihtah leh kumtuang hinna ahi.