KOLOSSITE 1:6 - Thuhun Thah (BSI)

⁶ Hu tanchinpha chu khovel pumpi a gah a, a khan jel mahbangin, na jah va, thutah a Pathian hehpihna na hung heet ni vapat in na lahvah gah a pung jelin na kawmvah ahung tungta hi.

KOLOSSITE 1:6 Iomraidhean Croise

MATTHAI 24:14

Huleh hi lalgam Tanchinpha chu nam zousiah heetsahna diingin khovel pumpi ah soi in a um diing; huzohchiangin a tawpna chu ahung tung diing hi.

MATTHAI 28:19

Hujiahin chiah unla, nam chin a mi nungjui in siam unla, Pa leh Tapa leh Hagau Siangthou min in baptis un;

MARK 16:15

Huin ama’n a kawmvah, khovel zousiah ah chiah unla, silsiam chinteng kawmah Tanchinpha soi un.

MARK 4:8

Huleh a dang chu lei hoih ah a tu a, huleh pouin a khangpahta a, huleh a leh sawmthum bang, sawmgup bang, huleh zakhat bangin ahung pungta hi, a chi a.

JOHN 15:16

Nangun kei na hung teel sih va, ke’n nanguh ka hung teel zaw hi; huleh chiah a gah diing leh, na gah uh um zing diingin, huleh ka mina Pa kawma na nget photmah uh ahung piah theihna diingin nanguh ka hung guat hi.

JOHN 17:19

Amahuh jiahin ka kisusiangthou hi, thutah jala amah u’zong suhsiangthou a, a um theihna diingun.

JOHN 4:23

Hizongleh ahun tung diing ahita, tuin zong a tung zing ahi, hu hun chiangin a be tahtahte’n Pa chu hagau leh thu tahin a be diing uhi, ajiahchu Pa’n huchibang mi amah be diingin a hawl ahi.

SILBAWLTE 11:18

Hu thu chu a jah tahun a sipta va, Huchi ahihleh, Pathian in Jentelte zong hing diingin a kisiih uh phal ahita ve, chi'n Pathian a phatta uhi.

SILBAWLTE 12:24

Hizongleh Pathian thu chu a dalh a, a pung jel hi.

SILBAWLTE 16:14

Huleh, numei khat a min Lidia, puan sandup zuah, Thyatira khua a um Pathian bemi in ka thu uh a ja a; Paul thusoi jui diingin Lalpa in a lungtang a suhvaahsah hi.

SILBAWLTE 26:18

A mit uh suvaah diing leh mial apat vaahlam ngatsah diingin, huleh, Setan thuneihna apat Pathian lama a kihei theihna diing uleh sual ngaihdamna a muhna diingun, huleh kei ahung gintaat jiah va kisusiangte laha gou a luah theihna diingun.

ROMETE 1:13

Huleh unaute, Jentel dangte kawma ka tohgimna gah ka muh taah mahbanga nang u’laha zong ka muh theihna diingin na kawmvah tampi vei hung ka tumta (huleh tu dongin daalin ka um zing) chih na heet louh uh ka deih sih hi.

ROMETE 15:19

Chiamchihna leh silmahte in Pathian Hagau silbawltheihna in; huchi'n Jerusalem khua leh a kimvel gam a kipan Illirikam gam tanphain Khrist tanchinpha kimtahin ka soi zouta hi.

ROMETE 15:28

Hujiahin hi ka bawl zoh a, gah zong chiantaha ka muhsah zoh chiangin nanguh hung tawnin Spain gam ah ka chiah diing hi.

ROMETE 16:26

Hizongleh tua kumtuang Pathian thupiah dungjuia zawlneite lehkhathu in, ginna thumanna diinga nam zousiah kawma a suhlat leh heetsaha um dungjui a nanguh hung sukip theipa,

KORINTHTE II 10:14

Bang jiahin ahiai i chih leh kei un nanguh hung baanpha lou bangin, ka tehna kal val un ka kizankhe sih uhi; ajiahchu Khrist tanchinpha soi in nanguh kawm tanphain ka hung uhi.

KORINTHTE II 6:1

Huleh keiuh amah toh tongkhawmte hi in, Pathian hehpihna chu phattuamna bei a na muh louhna diingun ka hung ngen uhi.

EPHESITE 3:2

Nang u’diing a Pathian hehpihna kepna nna piah ka hih na jata ngei diing va;

EPHESITE 4:21

Jesu a um, thutah dungjuia amah thu ja a amah thuhilh a um na hih photmah uleh,

EPHESITE 4:23

Na lungsim hagau vah a thah in hung um un,

EPHESITE 5:9

(Ajiahchu, Hagau gah ahihleh hoihna chinteng leh dihtatna leh thutah ah ahi).

PHILIPPITE 1:11

Pathian loupina leh paahtawina diinga Jesu Khrist a um dihtatna gah a dim in.

PHILIPPITE 4:17

Silpiah ka deih jiah ahi sih a; nanguh diing a gahpung ka bawl ahi zaw hi.

KOLOSSITE 1:10

Huchia Lalpa diinga kilawmtawh leh sil zousiah a deihhuai a na gamtat va, natoh hoih chintenga hung gah a, huleh Pathian heetsiamna lama na hung khantouhna diing uleh;

KOLOSSITE 1:23

Ginna a na um zing va, kingahna nei a na kip va, huleh tanchinpha na jah uh kinepna apat na kitawlmang louh uleh; hu tanchinpha chu vaan nuai a silsiam zousiah kawma taangkoupih ahi a; kei Paul hu thunatongtu diing a siam ka hi.

THESSALONIKATE I 1:5

Ajiahchu ka tanchinpha uh thu mai a na kawm uh tung lou a, silbawltheihna leh Hagau Siangthou leh heetchetna nasatah toh hung tung hi a; nanguh jiahin na lahva mi bangtobang ka hi va chih na heet bangun.

THESSALONIKATE I 2:13

Hi jiahin Pathian kawmah tawplou in kipaahthu ka soi uhi, ajiahchu Pathian thu kei u’a kipana na jah uh na pom laiun, mihing thu banga pom louin, thutah, nanguh a gingtate a zong nasataha natong thei Pathian thu bangin na pom zaw uhi.

THESSALONIKATE II 2:13

Hizongleh unau, Lalpa deihtahte, Hagau suhsiangthouna leh thutah gintaatna jala hutdama um diing a, a tuung a kipat Pathian in nanguh ahung teel jiahin keiuh chu na tung thu vah Pathian kawmah kipaahthu soi zing diing mawng ka hi uhi.

PETER I 5:12

Unaupa ginumtah a ka heet Silvana khut in nanguh hasotna leh, hichu Pathian hehpihna i dinna uh ahi chih hesah kawmin na kawmvah tomtakhat in ka hung gial ahi.