KOLOSSITE 1:13 - Thuhun Thah (BSI)

¹³ Ama’n chu mial silbawltheihna a kipanin ahung hundoh a, a Tapa deihtah gam ah ahung luutsahta hi.

KOLOSSITE 1:13 Iomraidhean Croise

MATTHAI 17:5

A soi laitahin, ngai in, mei vaahtahin amahuh ahung khuhta a; huleh, ngai in, hu mei lah apatin aw khat in, Hichu ka Tapa deihtah ahi, amah ah ka kipaah mahmah hi; amah thu ngai un, a chi a.

MATTHAI 25:34

Huchiangin Kumpipa in chu a jiatlamate kawmah, Nanguh ka Pa deihsahte, hung unla, khovel siam chiil apata nanguh diing a kibawl gam chu luah un;

MATTHAI 3:17

Huleh ngai in, vaan a kipanin aw in, "Hi ka Tapa deihtah, ka kipaahna mahmah ahi, a chi hi.

LUKE 13:24

Kot jim ah luut tum teitei un; ajiahchu ka hung hilh ahi, mi tampi’n luut a tum diing a, a luut thei sih diing uh;

LUKE 22:53

Na kawmva ni china Pathian biahinn a ka um laiin lah ka tungah khut na ha hial sih va; hizongleh tu hi na hun uh ahi, huleh mial thuneihna toh, a chi a.

JOHN 17:24

Pa, nang kei na hung piahte zong ka umna a kei toh um diingin ka deih hi; na hung piah loupina a muh theihna diingun; ajiahchu nang leilung siam ma pehin kei na hung lungsiat hi.

JOHN 3:35

Pain Tapa a lungsiat a, a khutah sil zousi ah a peta hi.

JOHN 5:24

Chihtahzetin chihtahzetin ka hung hilh ahi, Koipouh ka thu ja a, ahung sawlpa gingta in kumtuang hinna a neita; siamlouhtangin a um sih diing a, hizongleh sihna apat hinna ah a luut zawta ahi.

SILBAWLTE 26:18

A mit uh suvaah diing leh mial apat vaahlam ngatsah diingin, huleh, Setan thuneihna apat Pathian lama a kihei theihna diing uleh sual ngaihdamna a muhna diingun, huleh kei ahung gintaat jiah va kisusiangte laha gou a luah theihna diingun.

ROMETE 14:17

Bang jiahin ahiai i chih leh Pathian gam chu neeh leh dawn thu ahi sih a; himahleh dihtatnate, kilepnate, huleh Hagau Siangthou a kipaahna bang ahi zaw hi.

KORINTHTE II 11:14

Huleh hichu a limdang sih; ajiahchu Setan ngei zong vaah sawllehin ana kibawlthuh hi.

KORINTHTE II 4:4

Pathian lim batpih, Khrist tanchinpha loupina vaahin amahuh a salhvaah theih louhna diingin, hute ah hi khovel Pathian in a gingta loute lungsim a suhmialsahta hi.

EPHESITE 1:6

A hehpihna loupidan paahtawi diingin, hu hehpihna a’chu a lungsiat mahmahpa ah deihtaah in ahung siamta hi.

EPHESITE 4:18

A heetsiamna uh suhmial a um in, a sungva heetlouhna uh jalin Pathian hinna apat khen in a um uh, a lungtang uh ngon jiahin.

EPHESITE 5:5

Ajiahchu kingaihhaat leh, mithanghuai leh, mihuaiham in (huchu milim bia ahi), Khrist leh Pathian gam ah tan mawngmawng a nei sih uh chih na he uhi.

EPHESITE 5:8

Bang jiahin ahiai i chih leh, nanguh tumalai in mial na hi va, tuin chu Lalpa ah vaah na hita uh; vaah tate bangin um un.

EPHESITE 6:12

Bang jiahin ahiai i chih leh i dou uh chu tahsa leh sisan ahi sih a, lalnate, thuneihnate, hi khovel mial tunga vaihawmtute leh, vaan mun a hagau gilou umte ahi zaw uhi.

THESSALONIKATE I 2:12

A lalgam leh a loupina a nanguh hung kouluutpa Pathian mi hitaah a na um theihna diingun.

HEBRAITE 2:14

Huchi'n naupangte chu tahsa leh sisan tangkhawm ahih jiahun, amah ngei in zong hubangmah ahung tang hi; sihna jala sihna thuneitu, diabol, a suhmang theihna diingin leh;

PETER I 2:9

Hizongleh a vaahna limdangtah a luut diing a mial a kipana nanguh hung koudohpa paahtawina na suhlat theihna diingun nanguh chu chi teel, lal siampu, nam siangthou, Pathian mituamte na hi uhi;

PETER II 1:11

Ajiahchu, huchi'n Jesu Khrist i Lalpa uleh Hundampa kumtuang gam a luutna nanguh kawmah ahung musah na sa mahmah diing hi.

JOHN I 2:8

Huchiangleh thupiah thah na kawmvah ka hung gial ahi, huchu amah leh nanguh ah dihtahin a um hi; ajiahchu mial a beita a, tuin vaah dihtah ahung vaahta hi,

JOHN I 3:14

Unaute i lungsiat jiahin sihna apat hinna ah i luutta hi chi'n i he uhi. Mi koipouh a unau lungsiat lou chu sihna ah a um zing ahi.

JOHN I 3:8

Sual bawl mi chu diabol a kuan ahi, ajiahchu diabol in a chiil apatin sual a bawl zing hi. Ajiahchu Pathian Tapa hung kilatnasan chu diabol silbawlte suse diingin ahi.