KOLOSSITE 1:10 - Thuhun Thah (BSI)

¹⁰ Huchia Lalpa diinga kilawmtawh leh sil zousiah a deihhuai a na gamtat va, natoh hoih chintenga hung gah a, huleh Pathian heetsiamna lama na hung khantouhna diing uleh;

KOLOSSITE 1:10 Iomraidhean Croise

JOHN 15:16

Nangun kei na hung teel sih va, ke’n nanguh ka hung teel zaw hi; huleh chiah a gah diing leh, na gah uh um zing diingin, huleh ka mina Pa kawma na nget photmah uh ahung piah theihna diingin nanguh ka hung guat hi.

JOHN 15:8

Hikhu ah ka Pa paahtawi in a um hi, tampi a na gah vah; huchi'n ka nungjuite na hi diing uhi.

JOHN 17:3

Huleh hichu ahi kumtuang hinna, Nang Pathian tah chauh leh na sawl Jesu Khrist a heet uh.

ROMETE 1:13

Huleh unaute, Jentel dangte kawma ka tohgimna gah ka muh taah mahbanga nang u’laha zong ka muh theihna diingin na kawmvah tampi vei hung ka tumta (huleh tu dongin daalin ka um zing) chih na heet louh uh ka deih sih hi.

ROMETE 4:12

Huleh zehtan louhte a diing a zehtante pa chauh ahi sih a, i pu uh Abraham zehtan louha a um lai a, a ginna neih banga neite pa zong ahi.

ROMETE 6:4

Hujiahin Pa loupina in misi laha kipan Khrist a kaihthoh banga eihaw zong hinna thah a i hin theihna diingin a sihna ah baptisma in amah toh vui in i um uhi.

KORINTHTE II 2:14

Himahleh Khrist a gualzohna hung pe zingtu leh, keiuh zang a mun chin a amah heetna gimnamtui phuangdohtu Pathian kawmah kipaahthu um heh.

KORINTHTE II 4:6

Ajiahchu, Jesu Khrist meel a Pathian loupina heetna vaah hung pe diingin, mial laha kipana vaah hung vaahdoh diing a thupetu Pathian in ka lungtang uh a salhvaahta hi.

KORINTHTE II 5:9

Huchihjiahin um in um lou zong lehang amah kipaahpih zawng i hihtheihna diingun i tonggim uhi.

KORINTHTE II 9:8

Huleh Pathian in hehpihna zousiah na tungvah ahung vuh thei hi; huchi'n nanguh bangchih laipouhin sil hoih zousiaha buchinga um zingin, natoh hoih chinteng na tong thei diing uhi.

EPHESITE 1:17

I Lalpa uh Jesu Khrist Pathian, loupina Pa in amah heetna lam thu a pilna leh kilaahna hagau nanguh ahung piah theihna diingin;

EPHESITE 2:10

Bang jiahin ahiai i chih leh, Pathian in malai peha i umna diing a ana guatkholh Khrist Jesu a nna hoih tong diing a siam, amah khutsuaah i hi uhi.

EPHESITE 4:1

Hujiahin kei, Lalpa a mitaang in, kouh a na umna utoh kilawm tawh a gamta diingin ka hung ngen hi.

EPHESITE 4:13

Ginna leh Pathian tapa heetna lama kithutuaah a, piching a, Khrist taangchinna dungtan i phaah chiat masiah uh;

EPHESITE 5:10

Lalpa deihzawng bang aha chih en chian in.

EPHESITE 5:15

Huchi'n na umdan uh pilvaang un, mingolte banga um louin, mipilte bangin um un.

EPHESITE 5:2

Khrist in ahung lungsiat a, ei u’diing a Pathian kawma silpiah leh kithoihna namtui diinga a kipiah bangin, lungsiatna ah um un.

PHILIPPITE 1:11

Pathian loupina leh paahtawina diinga Jesu Khrist a um dihtatna gah a dim in.

PHILIPPITE 1:27

Na umdan uleh Khrist tanchinpha kituaahsah phot un; hunga nanguh ka hung muh ahiai, ahihlouhleh ka um louha zong na tanchin uh, hagau khat a na dinkipdan uleh, lungsim khat nei a, tanchinpha thuginna a na pandan uh ka jah theihna diingin;

PHILIPPITE 4:18

Hizongleh sil bangkim ka nei a, ka hau hi; nanguh apat hung kithot silte, gimnamtui, kithoihna deihhuai, Pathian lungkimna chu, Epaphrodita khut apatin ka na muta a, ka kiningchingta hi.

KOLOSSITE 2:19

Huleh tahsa zousiah in kivaah khang na nei a, kizopkhawm leh kikaankhawm a nna tong a, huleh kihuuikhawm a Pathian khanna a, a khanletna lutang chu a tudet sih hi.

KOLOSSITE 2:6

Hujiahin Khrist Jesu, Lalpa chu na pomtaah mahbangun, amah ah um un;

KOLOSSITE 3:20

Tate, sil zousiah ah na nulepate uh thu mang un; huchu Lalpa ah kipaahhuai ahi ngal a.

KOLOSSITE 4:5

Hun lemtaang lei in, polam mite laha pilvaangtahin um un.

THESSALONIKATE I 2:12

A lalgam leh a loupina a nanguh hung kouluutpa Pathian mi hitaah a na um theihna diingun.

THESSALONIKATE I 4:1

Huchi'n unaute, a tawppen in, na umdan diing uleh, Pathian na kipaahsahdan diing uh, ka kawmva kipan a na laah bangun na hauh semna diingun Lalpa Jesu minin ka hung ngen un, ka hung hasot uhi.

TIMOTHI II 2:4

Sepaih hi diing a teelpa a kipaahsah theihna diingin sepaih koimah kidou laiin hi damsung khosahnate in a kisubuai ngei sih hi.

TITA 3:1

Amahuh chu vaihawmtute leh thuneitute kawma kituluut diingin, thukhentute thu mang diingin, sil hoih taphot bawl diing a kigingsa a um diingin,

TITA 3:14

Huleh eimah mite zong gahlou a, a um louhna diingun a poimohna a zat diing sil hoih bawl zing diingin kizilsah in.

HEBRAITE 11:5

Ginna in Enok chu sihna mulou diingin laahmang in a um a; huleh Pathian in a laahmang jiahin muh in a umta sih; laahmang a, a um ma in Pathian a kipaahsah hi chih heetsahna a nei hi.

HEBRAITE 13:16

Hizongleh sil hoih bawl leh silphal chu mangngilh sih un, ajiahchu huchibang kithoihnate ah Pathian a kipaah mahmah hi.

HEBRAITE 13:21

Jesu Khrist jala a mitmuh a, a deihzawng photmah bawl diingin sil hoih chinteng ah nanguh hung subukim hen; amah kawmah loupina kumtuang kumtuang in umta hen. Amen.

PETER II 1:8

Ajiahchu hite nanguh a, a um a, a khan jel leh, i Lalpa Jesu Khrist heetna lamah chiing leh gahlou a um louin ahung bawl diing uhi.

PETER II 3:18

Hizongleh i Lalpa leh Hundampa uh Jesu Khrist hehpihna leh heetna ah hung khang lian un. Amah kawmah tu leh kumtuang in loupina um hen. Amen.

JOHN I 3:22

Huleh a thupiahte i juih a, a mitmuh a sil kipaahhuaite i bawl jiahin i nget photmah amah apat i mu hi.

JOHN I 5:20

Huleh Pathian Tapa chu a hungta a, amah Midihtah chu i heet theihna diingin heetsiamna ahung peta chih i he uhi; huleh eihaw chu amah Midihtah, a Tapa Jesu Khrist ngei ah i um uhi. Amah chu Pathian dihtah leh kumtuang hinna ahi.

JOHN III 1:6

Hute’n chu na lungsiatna kouhtuam ma ah a phuangta uhi; a khualzinna va Pathianmi bangtah a na makaih jel leh na bawl hoih diing hi.