JOHN 7:16 - Thuhun Thah (BSI)

¹⁶ Huin Jesu’n amahuh a dawng a, Ka thuhilh chu keimaha hung kuan ahi sih a, ahung sawlpa a hung kuan a hizaw hi.

JOHN 7:16 Iomraidhean Croise

JOHN 14:10

Kei Pa ah ka um a, huleh Pa keiah a um chih gingta lou na hiai mah? Na kawmva ka thusoite, keimah thuin ka soi sih a, hizongleh Pa keia um in, ama’n sil a bawl veu hi.

JOHN 14:24

Koipouh ahung lungsiat lou in ka thusoite a jui sih; thu na jahte uh keimah a, ahi sih a, Pa ahung sawlpa a ahi zaw hi.

JOHN 17:14

Na thu Amahuh ka peta a, khovel in amahuh a hua hi; kei khovel a ka hih louh mahbanga amah uh khovel a ahih louh jiahun.

JOHN 17:8

Ajiahchu nang thu na hung piahte a kawmvah ka peta a, amahun zong a pomta uh; huleh tahzetin nanga kipana pawt ka hi chih a heta va, na hung sawl ahi chih a gingtata uhi.

JOHN 3:11

Chihtahzetin, chihtahzetin ka hung hilh ahi, Kei unchu ka heet uh ka soi va, ka muh uh ka hesah uh; ahihvangin nangun ka thu heetsah uh na awi sih uh.

JOHN 3:31

Tunglama kipana hung chu mi zousiah tunga ahi a; leia piang chu leimi ahi, huleh lei thu a soi veu; vaan akipana hung chu mi zousiah tunga ahi.

JOHN 5:30

Ke’n ka thuin bangmah ka bawl thei sih; ka jah bangin vai ka hawm veu hi; huleh ka vaihawm chu a dih hi, ajiahchu keimah deihzawng hawl lou in, Pa ahung sawlpa deihzawng ka bawl zaw hi.

JOHN 6:44

Pa ahung sawlpa’n a hiip louhleh koimah ka kawmah ahung thei sih; huleh ke’n amah nitawp ni chiangin ka kaithou diing.

JOHN 8:28

Huin Jesu’n a kawmvah, Mihing Tapa na khaikaang zoh chiangun amah ka hi chih leh, keimah thu in bangmah ka bawl sih a, hizongleh ka Pa’n ahung hilh bangin hi thute ka soi zaw ahi, chih na he diing uh.

JOHN II 1:9

Mi koipouh daan bohsia leh, Khrist thuhilhna daan a um zing louin Pathian a nei sih hi, Khrist thuhilhna daan a um zing mi’n chu Pa leh Tapa a nih in a neikhawm hi.

THUPHUANDOH 1:1

Jesu Khrist thuphuandoh, Pathian in a kawma, sil hung tungpah ngei diingte a suaahte a heetsah diing a, a piah chu; ama’n huchu a suaah John kawmah a angel sawl in chiamchihna in a hesahta hi.