JOHN 6:2 - Thuhun Thah (BSI)

² Huleh natna veite tunga a silmah bawlte a muh jiahun mipi nasatahin amah a jui va.

JOHN 6:2 Iomraidhean Croise

MATTHAI 12:15

Hizongleh Jesu’n hichu a heet in, hu apatin, a kihemmangta a; huleh mipi nasatah in amah a jui va, ana sudam veh hi.

MATTHAI 13:2

Huin a kawmah mipi nasatah ahung kikhawm va, hujiahin amah chu kuang khat ah a luut a; huleh mipi zousiah chu luipiau ah a ding va.

MATTHAI 14:14

Huleh Jesu ahung paikhiah in, mipi nasatah a mu a, a hehpih mahmah a, a damloute uh a suhdamsah hi.

MATTHAI 8:1

Huleh taang a kipata ahung paisuh in mipi nasatah in amah a jui va.

MARK 1:45

Hizongleh amah chu a chiahdoh a, hu thu nasatah a taangkoupihin a phuangdalh panta hi; huchi'n Jesu chu a langtangin khopi sungah a luut theita sih a, gamdai munte ah a um zawta a; huleh mun chin a kipanin a kawmah mite ahung uhi.

MARK 6:33

Huleh mipite’n a chiah lai uh a mu va, mi tampi in amah a he va, khopi chin a kipan keeng in ahung tai va, ana makhelh in a kawmah ahung paikhawmta uhi.

JOHN 11:47

Huin siampu lalte leh Pharisaite’n vaihawmtute a koukhawm va, Bang i lohta diai? hipa’n silmah tampi a bawl hi.

JOHN 12:18

Hikhu jiahin mipite’n zong hi silmah a bawl chih a jah jiahun amah ana lamtuah uh ahi.

JOHN 12:37

Hizongleh a ma vah silmah tampi mahmah bawl zongleh amah a gingta tuan sih uhi.

JOHN 2:11

Hi silmah kipatna chu Jesu’n Galili gam a Kana khua a, a bawl ahi a; a loupi daan a sulang hi, huleh a nungjuite’n amah a gingta uhi.

JOHN 2:23

Huchi'n chiahkaan ankuang luina a Jerusalem a, a um laiin a silmah bawlte a muhun mi tampite’n a min a gingta uh.

JOHN 20:30

Huleh hi lehkhabua kigial lou chiamchihna dang tampi Jesu’n a nungjuite ma-ah a bawl hi.

JOHN 3:2

Amah chu janin Jesu kawmah a hung a, a kawmah, Rabbi, Pathian akipana thuhilhtu diing a hung na hi chih ka he uh; ajiahchu Pathian a kawma a um louhleh na silmah bawlte koima’n a bawl thei sih diing, a chi a.

JOHN 6:14

Huin Jesu silmah bawl a muhun hu mipite’n, Tahzetin hipa chu khovel a zawlnei hung diingpa ahi ngei mei, a chi uhi.

JOHN 6:22

A jingni’n diil gaal lehlam a ding mipite’n a nungjuite tuanna loungal kuang dang a um sih chih leh, Jesu a nungjuite toh kuang ah a chiah sih a, a nungjuite a ngen un a chiah uh chih a heta va.

JOHN 6:26

Jesu’n a dawng a, a kawmvah, Chihtahzetin chihtahzetin ka hung hilh ahi, Silmahte na muh jiah va hung hawl na hi sih va, hizongleh tanghou na neeh va, na vah jiahun na hung hawl uh ahi zaw hi.

JOHN 6:30

Hujiahin amahun a kawmah, Ahihleh ka muh va ka hung gintaat theihna diingun bang chiamchihna na hung ensah diai?