JOHN 4:9 - Thuhun Thah (BSI)

⁹ Huin Samaria numeinu in a kawmah, bangchidana nang Juda mi in kei Samaria numei kawma dawn diing na hung nget ahiai? Judate’n lah Samarimite bangmahin a ngai sih ngal va, a chi a.

JOHN 4:9 Iomraidhean Croise

MATTHAI 10:5

Hi sawmlenihte chu Jesu’n a sawldoh a, amahuh chu thu a pia a, Jentelte lampi ah chiah sih unla, Samarite khopi sungah zong luut hial sih un;

LUKE 10:33

Hizongleh Samarimi khat khualzin lai chu hupa umna mun ahung tunga, amah a muh tahin a lungsiat mahmah a.

JOHN 4:27

Huleh hulai tahin a nungjuite ahung tungva, numeinu a kihoupih limdang a sa mahmah va; hizongleh koima’n, Bang diinga numeinu na kihoupih, a chi keei sih uhi.

JOHN 8:48

Huin Judate’n a dawng va, a kawmah, Samarimi na hi a, huleh dawipaai na hi ka hung chih uh ka chi dih mahmah sih viaimah? a chi va.

SILBAWLTE 1:8

Hizongleh, na tungva Hagau Siangthou ahung tun chiangin silbawltheihna na nei diing uh; huchi'n Jerusalem khua ah zong, Judia gam leh Samaria gam zousiah ah zong, huleh, kawlmong tanphain zong ka thu heetpihtute na hi diing uh, a chi a.

SILBAWLTE 10:28

Huleh a kawmvah, Judami namdang toh kipawl a, a kawmva chiah a si an louhdan na he uh; hizongleh, kuamah sianglou leh niin ka chih diing ahi sih, chih, Pathian in ahung hesah hi.

SILBAWLTE 10:32

Hujiahin Joppa khua ah mi sawl inla, Simon, Peter a chih uh chu na kawmah kouin; amah chu tui khang lian, panga savun bawlpa Simon inn a tung ahi; amah ahung chiangin thu ahung hilh diing hi, a chi a.