JOHN 4:10 - Thuhun Thah (BSI)

¹⁰ Jesu’n a dawng a, a kawmah, Pathian silthawnpiah leh, na kawma, dawn diing hung pia in, chipa koi ahiai chih helechin zaw nang a kawma ngen diing china, ama’n tuihing hung pe diing hiveen, a chi a.

JOHN 4:10 Iomraidhean Croise

LUKE 11:13

Huchia nanguh migilou in bawn na tate uh sil hoih piah na taang na heet uleh, na Pa uh vaan a umin a ngentute kawmah Hagau Siangthou naah piah mahmah lou diing ahiai mah? a chi hi.

JOHN 16:3

Huleh hi silte na tungvah a bawl diing uh, Pa leh kei ahung heet louh jiahun.

JOHN 17:3

Huleh hichu ahi kumtuang hinna, Nang Pathian tah chauh leh na sawl Jesu Khrist a heet uh.

JOHN 3:16

Ajiahchu Pathian in khovel a lungsiat mahmah a, huchi'n a Tapa tangkhat neihsun a pia, koipouh amah gingta in a beimang louh a, kumtuang hinna a neih zawh na diingin.

JOHN 4:14

Hizongleh ke’n a kawma ka piah diing tui dawn photmah chu bangchih tanin a dangtaah sih diing uh; a kawmva ka piah diing tui chu a sung vah tuitohdoh in ahung um diing a, kumtuang hinna phain a kikhohdoh diing, a chi a.

JOHN 6:35

Jesu’n a kawmvah, Kei hinna tanghou chu ka hi; koipouh ka kawma hung chu a gilkial ngei sih diing, huleh koipouh kei hung gingta chu a dangtaah ngei sih diing,

JOHN 6:51

Kei vaan apata tanghou hing hung kumsuh chu ka hi, mi koipouh in hi tanghou a neeh inchu kumtuang in a hing diing uh; huleh ka tanghou piah diing chu khovel hinna diing a ka piah diing ka tahsa ahi, a chi a.

SILBAWLTE 9:11

Huleh, Lalpa’n a kawmah, Thou inla, kotzing-tang a chih vah chiah inla, huleh, Juda inn a um, Tarsa khua a mi, a min Saul kichi kandohin; ajiahchu, ngai in, a haamtei laitah ahi.

ROMETE 8:32

Amah tapa ngei zong hawi loua, i bawnva diing a hung pepa in bang diingin sil zousiah a thawnin amah toh ahung pekhawm lou diai?

KORINTHTE I 1:30

Hizongleh nang u’chu amah vangin Khrist Jesu ah na um uhi, amah chu Pathian apat eiuh diing a pilna, dihtatna, suhsiangthouna, huleh tatdohna diing a bawl ahi;

KORINTHTE I 10:4

Huleh a bawnva hagaulam dawn kibang a dawn chiat uh; ajiahchu amahuh juitu hagaulam suangpi a a dawn chiat uhi; hu suangpi chu Khrist ahi.

KORINTHTE II 9:15

A silthawnpiah soiseeng guallouh jiahin Pathian kawmah kipaahthu um heh.

EPHESITE 2:8

Ajiahchu hehpihna a ginna jala hutdam na hi uh; hu zong nanguh a suaah ahi sih a; Pathian silthawnpiah ahi;

HEBRAITE 6:4

Bang jiahin ahiai i chih leh khatvei suhvaah a um a, vaan silpiah chiamta a, Hagau Siangthou tansah a um a,

JOHN I 5:20

Huleh Pathian Tapa chu a hungta a, amah Midihtah chu i heet theihna diingin heetsiamna ahung peta chih i he uhi; huleh eihaw chu amah Midihtah, a Tapa Jesu Khrist ngei ah i um uhi. Amah chu Pathian dihtah leh kumtuang hinna ahi.

THUPHUANDOH 21:6

Huleh ama’n ka kawmah, bawl zoh ahita. Kei Alpha leh Omega, abul leh atawp ka hi. Dangtaah photmah kawmah hinna tui luikhuuh a, a thawn in ka pe diing hi.

THUPHUANDOH 22:17

Huleh Hagau leh mou in, Hung in, a chi uhi. Huleh a ja taphot in, Hung in, chi heh. Huleh koipouh a dangtaah chu hung heh. Huleh a ut taphot in hinna tui a thawnin la heh.

THUPHUANDOH 7:17

Ajiahchu Belaamnou, laltouphah laia um khu in amahuh a vaah diing a, tuihing lui luanna ah amahuh a pui diing a; huleh Pathian in a mit va kipat mittui zousiah a siaah siang diing hi, a chi hi.