JOHN 3:2 - Thuhun Thah (BSI)

² Amah chu janin Jesu kawmah a hung a, a kawmah, Rabbi, Pathian akipana thuhilhtu diing a hung na hi chih ka he uh; ajiahchu Pathian a kawma a um louhleh na silmah bawlte koima’n a bawl thei sih diing, a chi a.

JOHN 3:2 Iomraidhean Croise

MATTHAI 22:16

Huleh amahun a nungjuite uleh Herod pawlte a kawmah a sawl va, hute’n chu a kawmah, Houtupa, midihtah na hi a, dihtahin Pathian lam thu na hilh a, mi koimah khawhsah tuam na nei sih chih ka he uhi; ajiahchu koimah khentuam na nei sih hi.

MATTHAI 23:7

Huleh dawlmun a mi’n chibai a buuh uh bang, Rabbi, Rabbi, chia a kouh uh bang a ut uhi.

MATTHAI 23:8

Hizongleh nanguh chu Rabbi chihin um sih un; ajiahchu na Houtupa uh khat a um, Khrist ngei chu; huleh nanguh na bawnun unau na hi uhi.

MARK 12:14

Huleh amahun ahung tunun, a kawmah, Houtupa, nang hi midihtah na hi a, mi koimah na giing sih hi; ajiahchu mi maaizahtuam na nei sih a, dihtahin Pathian lampi thu na hilh jel, chih ka he uh; Kaisar kawma siah tawi dih ahiai, dihlou?

JOHN 1:38

Huin Jesu a kihei a, ahung juih uh a muh in a kawmvah, Bang ahiai na hawl uh? a chi a. Amahun a kawmah, Rabbi, (huchu, Houtupa chihna ahi) khoiah ahiai na teen? a chi va.

JOHN 10:38

Hizongleh ka toh a ahihleh, kei hung gingta sih mah zong leh u’chin natohte beeh gingta un; Pa keimah ah a um a, kei amah ah ka uhi chih na heet va, na gintaat theihna diingun, a chi a.

JOHN 12:37

Hizongleh a ma vah silmah tampi mahmah bawl zongleh amah a gingta tuan sih uhi.

JOHN 14:10

Kei Pa ah ka um a, huleh Pa keiah a um chih gingta lou na hiai mah? Na kawmva ka thusoite, keimah thuin ka soi sih a, hizongleh Pa keia um in, ama’n sil a bawl veu hi.

JOHN 15:24

Mi dang koimah bawl ngei louh nna a lahva bawllou hileng sualna nei lou diing hi va, hizongleh tuin chu muh zong ahung muta va, huleh kei leh ka Pa ka nih un hua zong ahung hua uhi.

JOHN 2:11

Hi silmah kipatna chu Jesu’n Galili gam a Kana khua a, a bawl ahi a; a loupi daan a sulang hi, huleh a nungjuite’n amah a gingta uhi.

JOHN 20:16

Jesu’n a kawmah, Mari, a chi a. Amahnu chu a kihei a, a kawmah, Rabboni, a chi a; huchu, Houtupa chihna ahi.

JOHN 3:26

Amah u’chu John kawmah a hung va, a kawmah, Rabbi, Jordan gaala na kawma um, a tanchin na heetpihpa’n, ngai in, hupa’n baptisma a bawl a, mi zousiah a kawmah ahung uh, a chi va.

JOHN 4:31

Huchihlaiin a nungjuite’n, Houtupa, an ne in, chi'n a sawl va.

JOHN 5:36

Hizongleh John a sang a heetpihna lian zaw ka nei hi; ka Pa’n ka toh zoh diing a ahung piah ka natohte mahin Pain ahung sawl chih ka tanchin ahung heetpih hi.

JOHN 6:2

Huleh natna veite tunga a silmah bawlte a muh jiahun mipi nasatahin amah a jui va.

JOHN 7:31

Huleh mipi tam tahin amah a gingta va, Khrist ahung chiangin hipa bawl sanga tamzaw silmah a bawl diai? a chi uh.

JOHN 9:16

Hujiahin Pharisaite khenkhat in, Hipa Pathian a hung kuan ahi sih; ajiahchu khawlni a tang sih hi, a chi va a dangte’n, Bangchi'n misualin hitobang silmah a bawl thei diai? a chi va. Huin a lahvah kikhen na a umta hi.

SILBAWLTE 10:38

Nazareth Jesu tungtaang thu, Pathian in Amah chu Hagau Siangthou leh silbawltheihna a, a thopdan; Amah chu mi tunga silhoih bawl leh diabol suhduhdah zousiah sudam in a vaah leh a; Pathian a kawma a um jiahin.

SILBAWLTE 2:22

Nanguh Israel mite, hi thute ngai un, Nazareth Jesu chu Pathian in Amah zang a na lahva, silmahte, silloupite leh chiamtehnate a bawlte apatin Pathian mi deih ahi chih a hesah a, huchu nangun zong na he uhi.

PHILIPPITE 1:14

Huleh Lalpa a unau tamtahin ka kolbuh jiaha gingkip in, Pathian thu lau lou a soi diingin a haangsan deuhdeuhta uhi.