JOHN 3:16 - Thuhun Thah (BSI)

¹⁶ Ajiahchu Pathian in khovel a lungsiat mahmah a, huchi'n a Tapa tangkhat neihsun a pia, koipouh amah gingta in a beimang louh a, kumtuang hinna a neih zawh na diingin.

JOHN 3:16 Iomraidhean Croise

MATTHAI 9:13

Hizongleh chiah unla, Kithoihna deihlouin zahngaihna ka deih hi, chih umdan va zil un; ajiahchu midihtatte kou diing a hung ka hi sih a, misualte kisiihsah diing a kou a hung ka hizaw hi, a chi hi.

MARK 12:6

Huleh ama’n tapa deihtah khat a neih nahlai jiahin, Ka tapa chu a zahtaat diing uh, chi'n a nunungpen in amah zong a kawmvah a sawlta hi.

LUKE 2:14

Tungnungpen ah Pathian loupitahin um henla, leitung a a kipaahpih mihingte lahah lemthu leeng heh, chi'n.

JOHN 1:14

Huleh Thu chu sa ahung suaah a, i lahah a um hi, (Pa ta khat neih loupi bangin a loupi jia i mu uh) hehpihna leh thutah a dim.

JOHN 1:18

Kuama’n bangchihmahin Pathian a mu ngei sih; Tapa tang neihsun, Pa aangsunga umpa, amahin a tanchin a phuangta hi, chi in.

JOHN 1:29

A jingni’n John in Jesu a kawm lama hungin a mu a, En un Pathian Belaamnou, khovel sualna pomangpa chu,

JOHN 10:28

Huleh keima’n a kawmvah kumtuang hinna ka pia hi, kumtuang in a mangthai sih diing va, koima’n ka khut apat ahung laahsah thei sih diing uh;

JOHN 3:15

Koipouh amah gingta in a beimang louh a, kumtuang hinna a neih zawh na diingin.

JOHN 3:18

Amah gingta chu siamlouhtansah in a um sih; hizongleh a gingta lou chu siamlouhtansah zoh ahita, Pathian Tapa tangkhat neihsun min a gintaat louh jiahin.

JOHN 3:36

Koipouh Tapa gingta in kumtuang hinna a neita, koipouh Tapa gingta louin hinna a mu sih diing a, hizongleh Pathian lungthahna a tungah a um zing hi, a chi hi.

JOHN 6:40

Huleh hichu ahung sawlpa deihzawng ahi, Koipouh Tapa mu a, gingta in kumtuang hinna a neih a, huleh ke’n ni tawpni chianga amah ka kaihthoh chu, a chi a.

ROMETE 5:10

Ajiahchu meelma i hih laia bawn a Tapa sihna jiaha Pathian toh kilemta i hih unchu, kilema i um zohnung un a hinna jiahin hutdam in i um ngei diing uhi.

ROMETE 5:8

Hizongleh misualte i hihlaia Khrist i luang a ahung sihna ah Pathian in ahung lungsiatna chu phattuaahin a langsahta hi.

ROMETE 8:32

Amah tapa ngei zong hawi loua, i bawnva diing a hung pepa in bang diingin sil zousiah a thawnin amah toh ahung pekhawm lou diai?

EPHESITE 2:4

Hizongleh Pathian, khotuahna haupa’n, a lungsiatna nasatah a eite ahung lungsiatna jiahin,

THESSALONIKATE II 2:16

Tuin i Lalpa uh Jesu Khrist ngei leh, Pathian, i Pa uh ngei, eite hung lungsiat a, hehpihna jala kumtuang hamuanna leh kinepna hoih hung pepa’n,

TITA 3:4

Hizongleh mihing tunga i Hundampa uh Pathian chitna leh lungsiatna ahung kilat nungin,

HEBRAITE 2:9

Hizongleh Jesu chu, Pathian hehpihna jiaha michin a diinga sihna a chep theihna diing a, sihna thuaahna diing jiah a angelte sanga themkhat nuaizaw a bawl a um a, loupina leh paahtawina khuhsah a um in i mu zaw uhi.

JOHN I 3:1

Ngai un, bangchilawma lungsiatna Pa in eiuh hung pia a ta’imah, Pathian tate chih a i um jiang uh! hujiahin khovel in ahung he lou uh ahi, amah a heet louh jiahun.

JOHN I 4:19

Ama’n eiuh ahung lungsiat masat jiahin, eiun amah i lungsiat uh ahi.

THUPHUANDOH 1:5

Huleh heetpihtu ginum, misi laha piang masapen leh, leia kumpipate vaihawmtu Jesu Khrist a kipan, hehpihna leh hamuanna na kawmvah um hen. Amah ei hung lungsiat a, i sualna apat amah ngei sisana hung silsiangtu leh,