JOHN 17:3 - Thuhun Thah (BSI)

³ Huleh hichu ahi kumtuang hinna, Nang Pathian tah chauh leh na sawl Jesu Khrist a heet uh.

JOHN 17:3 Iomraidhean Croise

MARK 9:37

Mi koipouh ka mina hitobang naupang neutakhat sang chu kei hung sang ahi; huleh mi koipouh kei hung sang chu, kei hung sang hilouin ahung sawlpa sang ahi zaw hi, a chi hi.

LUKE 9:48

A kawmvah, Koipouh ka mina hi naupang kipaahpih chu kei hung kipaahpih ahi; huleh kei hung kipaahpih chu ahung sawlpa kipaahpih ahi; na bawnva laha neupen chu a lianpen diing hi, a chi a.

JOHN 10:36

Pa in a guat, khovel a, a sawlpa tungah, Pathian Tapa ka hi ka chih jiahin Pathian na soisia na hung chi uh ahi maw?

JOHN 11:42

Huleh na hung ngaikhe zingzing chih zong ka he hi, hizongleh ka kiima diing mipite jiahin hikhu ka chi ahi, Nangma'n na hung sawl chih a gintaat na diingun, a chi a.

JOHN 14:26

Hizongleh Hamuantu, Hagau Siangthou, Pa in ka min a ahung sawl diingin, ama’n sil zousiah nanguh ahung hilh diing a, huleh thu na kawmva ka soisa photmah nanguh ahung hedohsah diing hi.

JOHN 17:18

Kei khovel a na hung sawl mahbangin, ke’n zong amahuh khovel ah ka sawl hi.

JOHN 17:21

Pumkhat ahih theihna diingun; Pa, nang keimah a na um a, kei nangmah a ka um banga amah u’zong eimaha pumkhat ahihtheihna diingun; huleh nang na hung sawl chih khovel in a gintaat theihna diingun.

JOHN 17:23

Kei amahuh ah, Nang keiah, pumkhat a amahuh suhbukima a um theihna diingun; huleh nang na hung sawl a, kei na hung lungsiat bangin amahuh na lungsiat chih khovel in a heet na diingun.

JOHN 17:25

Aw Pa dihtat, khovel in nang ahung he sih a, hizongleh ke'n chu ka hung he hi; huleh nang na hung sawl chih hite’n a heta uhi.

JOHN 17:8

Ajiahchu nang thu na hung piahte a kawmvah ka peta a, amahun zong a pomta uh; huleh tahzetin nanga kipana pawt ka hi chih a heta va, na hung sawl ahi chih a gingtata uhi.

JOHN 3:17

Khovel siamlouhtangsah diingin Pathian in a Tapa khovel ah a sawl sih, khovel amah jala hutdam ahihtheihna diingin a sawl zaw hi.

JOHN 3:34

Ajiahchu Pathian sawlin Pathian thu a soi veu; Pathian in laha kawmah Hagau teh detdetin a pe sih.

JOHN 5:44

Nanguh, khat leh khat kipaahtawituahna ngaina a, Pathian chauh a kipan a hung pawt paahtawina hawl loute’n bangchi’n na gingta thei diviai?

JOHN 6:57

Pa hingin ahung sawl a, huleh Pa jiaha ka hin bangmahin koipouh kei hung ne chu kei jiahin amah zong a hing diing.

JOHN 7:29

Hizongleh ke’n amah ka he hi; ajiahchu amah a kuana hung ka hi a, huleh amah hung sawl ka hi, a chi a.

JOHN 8:19

Huin amahun, a kawmah, Na Pa khoiah a um ei? a chi va Jesu’n a dawng a, Nangun kei lah na hung he sih va, ka Pa lah na he sih uh; kei hung he hile uchin ka Pa zong na he diing uh, a chi a.

KORINTHTE I 15:34

Dihtatna lamah halh unla, sual sih un; ajiahchu khenkhat in Pathian heetna a nei sih uhi; hichu na zahtaat na diing va ka soi ahi.

KORINTHTE I 8:4

Hujiahin milem biahna kithoihna silte neeh lam thu ahihleh, khovelah milem kichi bangmah ahi sih a, huleh khat chauh loungal Pathian dang a um sih chih i he uhi.

KORINTHTE II 4:6

Ajiahchu, Jesu Khrist meel a Pathian loupina heetna vaah hung pe diingin, mial laha kipana vaah hung vaahdoh diing a thupetu Pathian in ka lungtang uh a salhvaahta hi.

PHILIPPITE 3:10

Huchia, a sihna toh kituaahtou jel a, amah leh, a thohkiitna silbawltheihna leh, a gimthuaahna kikoppihna bang ka heet theihna diingin.

PHILIPPITE 3:8

Ahi, tahzetin, Khrist Jesu, ka Lalpa heetna hoih jiahin sil zousiah chu manna giapin ka ngai ahi; amah jiahin sil zousiah ka taanta a, huleh hute chu eeh bang giapin ka ngai hi, Khrist ka tan theihna diingin,

THESSALONIKATE I 1:9

Ajiahchu amahuh ngei in na lahva bangtobang luutna aha ka muh uh, ka tanchin uleh, Pathian hing leh dih be diing a milimte a kipana Pathian lam na ngatdan bang uh ahung hesah uhi.

THESSALONIKATE II 1:8

Mei kuang a ahung kilaah chiangin, Pathian heloute leh i Lalpa uh Jesu Khrist tanchinpha awiloute tunga phuba la in;

HEBRAITE 3:1

Huchihjiahin, unau siangthou, vaan kouhna tangte haw, i thugin uh Sawlleh leh Siampu Lal, Khrist Jesu chu ngaihtuah un;

PETER II 1:2

Pathian leh i Lalpa Jesu heetna jiahin, na tungvah hehpihna leh hamuanna suhpung in um hen;

PETER II 1:3

Amah loupina leh hoihna a ei hung koupa heetna jiahin a Pathian silbawltheihna bangin hinna leh Pathian ngaihsahna lam thu ah sil zousiah ahung pia hi.

PETER II 1:8

Ajiahchu hite nanguh a, a um a, a khan jel leh, i Lalpa Jesu Khrist heetna lamah chiing leh gahlou a um louin ahung bawl diing uhi.

JOHN I 1:2

(Hu hinna chu a kilangta a, huchu ka muta va, ka heetpih uh, huleh hu kumtuang hinna Pa kawma um, ka kawmva suhlata um chu na kawmvah ka hung hilh uhi).

JOHN I 1:3

Hu ka muhsa uleh ka jahsa u’chu na kawmvah ka hung hilh uhi, nangun zong na hung kipawlkhawmpih theihna diingun; huleh tahzetin eiuh kipawlkhawmna chu Pa toh, a Tapa Jesu Khrist toh ahi.

JOHN I 2:23

Mi koipouh Tapa awilou inchu Pa a nei sih a; hizongleh Tapa pom photmah inchu Pa zong a nei hi.

JOHN I 4:6

Ei u’chu Pathian a kuan i hi a, Pathian he photin i thu a ngaikhe veu hi; Pathian a kuan hilouin i thu a ngaikhe sih hi. Hikhu ah hagau dih leh dihlou i he uhi.

JOHN I 5:20

Huleh Pathian Tapa chu a hungta a, amah Midihtah chu i heet theihna diingin heetsiamna ahung peta chih i he uhi; huleh eihaw chu amah Midihtah, a Tapa Jesu Khrist ngei ah i um uhi. Amah chu Pathian dihtah leh kumtuang hinna ahi.