JOHN 16:3 - Thuhun Thah (BSI)

³ Huleh hi silte na tungvah a bawl diing uh, Pa leh kei ahung heet louh jiahun.

JOHN 16:3 Iomraidhean Croise

LUKE 10:22

Sil zousiah ka Pa’n kei ahung pekheta hi; Tapa koi ahih chih Pa loungal koima’n a he sih; huleh Pa koi ahih Tapa leh a kawmva Tapa’n a phuan nuamnate loungal koima’n a he sih, a chi a.

JOHN 15:21

Hizongleh ka min jiahin hi silte zousiah na tungvah a bawl diing uh, ahung sawlpa a heet louh jiahun.

JOHN 15:23

Koipouh kei hung huain ka Pa zong a hua ahi.

JOHN 17:25

Aw Pa dihtat, khovel in nang ahung he sih a, hizongleh ke'n chu ka hung he hi; huleh nang na hung sawl chih hite’n a heta uhi.

JOHN 17:3

Huleh hichu ahi kumtuang hinna, Nang Pathian tah chauh leh na sawl Jesu Khrist a heet uh.

JOHN 8:19

Huin amahun, a kawmah, Na Pa khoiah a um ei? a chi va Jesu’n a dawng a, Nangun kei lah na hung he sih va, ka Pa lah na he sih uh; kei hung he hile uchin ka Pa zong na he diing uh, a chi a.

JOHN 8:55

Hizongleh nangun amah na he sih uh; ke’n chu amah ka he hi; amah ka he sih chitaleng nanguh banga mi zuau ka hita diing hi; hizongleh amah ka he a, huleh a thu zong ka zop zing hi.

SILBAWLTE 3:17

Huleh, tuin unaute, na houtute un zong ana bawl bangun, na heet louh jiahun hi na bawl uh ahi chih ka he hi.

KORINTHTE I 2:8

Huchu hi khovel vaihawmtute mawngmawngin a he sih uh; ajiahchu na he hitaleh uh loupina Lalpa chu ana kilhbeh sih diing uhi.

THESSALONIKATE II 1:8

Mei kuang a ahung kilaah chiangin, Pathian heloute leh i Lalpa uh Jesu Khrist tanchinpha awiloute tunga phuba la in;

TIMOTHI I 1:13

Tumalaiin Pathian soisetu leh suduhdahtu leh sunatu ka na hi a; hizongleh khotuahna ka muta hi, ginlouhna a he lou a na bawl ka hih jiahin.

JOHN I 2:23

Mi koipouh Tapa awilou inchu Pa a nei sih a; hizongleh Tapa pom photmah inchu Pa zong a nei hi.

JOHN I 3:1

Ngai un, bangchilawma lungsiatna Pa in eiuh hung pia a ta’imah, Pathian tate chih a i um jiang uh! hujiahin khovel in ahung he lou uh ahi, amah a heet louh jiahun.

JOHN I 4:8

Lungsiatna nei lou mi’n Pathian a he sih; bang jiahin ahiai i chih leh Pathian chu lungsiatna ahi.

JOHN I 5:20

Huleh Pathian Tapa chu a hungta a, amah Midihtah chu i heet theihna diingin heetsiamna ahung peta chih i he uhi; huleh eihaw chu amah Midihtah, a Tapa Jesu Khrist ngei ah i um uhi. Amah chu Pathian dihtah leh kumtuang hinna ahi.