JOHN 16:1 - Thuhun Thah (BSI)

¹ Hihlungkim louh a na um louh na diingun hi thute na kawmvah ka soi ahi.

JOHN 16:1 Iomraidhean Croise

MATTHAI 11:6

Huleh koipouh keimah a lunghihlouhna mu lou chu a hampha hi, a chi a.

MATTHAI 13:21

Ahihvangin amah a zung a neih louh jiahin, tomkhat chauh a um a; thu jiaha gimthuaahna bang, sawina bang ahung um chiangin a puuhpah veu hi.

MATTHAI 13:57

Huchi’n a tungah a lungkimta sih uhi. Hizongleh Jesu’n a kawmvah, zawlnei amah gam sung leh amah inn sung chih louh ah zahbawl louhin a um ngei sih hi, a chi a.

MATTHAI 24:10

Huleh mi tampi a puuh diing va, khat leh khat a kimansah diing va, khat leh khat a kimudah diing uh.

JOHN 15:11

Ka kipaahna nanguh a, a umden theihna diing leh, na kipaahna uh a bukim theihna diingin hi thute na kawmvah ka soi ahi.

JOHN 16:4

Hizongleh ahun ahung tun chianga hute ka hung hilhta chih na heetdohna diingun hi silte nanguh ka hung hilh ahi. Na kawmva ka um jiahin hi thute a chiilin na kawmvah ka soi sih hi.

ROMETE 14:21

Na unau puuhna diing aha, ahihlouhleh lunghihmohna diing aha, ahihlouhleh suhzawngkhalna diing ana hihin chu sa neeh louhte, uain dawn louhte, huleh sil bangmah bawl louh a hoih hi.

PHILIPPITE 1:10

Huchia sil hoih mahmahte na hung heettheih va; Khrist ni tan a, a tahtah leh suhsualbei na hung hihtheihna diingun.

PETER I 2:8

Kipalna suang leh kipuuhna suangpi toh; ajiahchu a thuman louh jiahun thu ah a kipal uh; huchibang diinga guat him zong ahi uhi.