JOHN 14:3 - Thuhun Thah (BSI)

³ Huleh ka chiah a, nanguh diing a mun ka bawl leh ka hung kiit diing a, ka kawmah nanguh ka hung la diing; ka umna a nanguh zong na um theihna diingun.

JOHN 14:3 Iomraidhean Croise

JOHN 12:26

Koipouhin ka nna a toh leh hung jui heh; ka umna ah ka suaahpa zong a um diing ahi; mi koipouh in ka nna a tohleh ka Pain amah a kipaahpih diing hi.

JOHN 14:28

Ka chiahmang diing a, na kawmvah ka hung kiit diing, chia na kawmva ka soi na zata uh. Kei na hung lungsiat unchu Pa kawmah ka chiah diing ka chih jiahin na nuam diing uh; ajiahchu ka Pa kei sangin a lianzaw hi.

JOHN 14:4

Khoia ka chiah diing na he va, a lampi zong na he uh, a chi a.

JOHN 17:24

Pa, nang kei na hung piahte zong ka umna a kei toh um diingin ka deih hi; na hung piah loupina a muh theihna diingun; ajiahchu nang leilung siam ma pehin kei na hung lungsiat hi.

SILBAWLTE 1:11

Hute’n chu, Nanguh Galili gam a mite, bang diinga vaan lam en zing a diing na hi viai? Hi Jesu, na kawm vapata vaan a puitouh a um hi, vaan a, a chiah na muh mahbangun, Amah ngei a hung kiit diing hi, a chi uhi.

ROMETE 8:17

Huleh tate i hih inchu, gouluahtute i hi uh; a kawma paahtawi a i um theihna diing a amah i thuaahpih tahzet inchu Pathian gouluahtute, Khrist luahpihtute i hi uhi.

PHILIPPITE 1:23

Ajiahchu nih saikaah in chih diing zosaang he lou in ka um hi; chiahmang a Khrist kawma um utna ka nei a; huchu a hoihzaw mahmah a;

THESSALONIKATE II 1:12

I Pathian uleh Lalpa Jesu Khrist hehpihna dungjui a, i Lalpa uh Jesu min chu nanguh a, huleh nanguh amah a suhloupia a um theihna diingin.

TIMOTHI II 2:12

I thuaah leh amah toh vai i hawm khawm diing a; amah i kiheetmohbawl leh ama’n zong ahung kiheetmohbawl diing;

HEBRAITE 9:28

Huchimahbangin Khrist zong mi tampite sualna pomang diing a khatvei lat in a um a; huleh amah na ngaahtute kawmah sualna tellouin hutdamna mu diingin a nihveina ahung kilang kiit diing hi.

THUPHUANDOH 3:21

A gualzoupa chu ka kawmah ka laltouphah ah ka tousah diing, kei zong ka gualzoh a, ka Pa toh a laltouphaha ka tou mahbangin.