JOHN 13:3 - Thuhun Thah (BSI)

³ Jesu’n Pain sil bangkim a khutah a peta chih leh, Pathian a kipana hunga, Pathian kawma chiah kiit diing a hihdan he in,

JOHN 13:3 Iomraidhean Croise

MATTHAI 11:27

Ka pa’n sil zousiah ka kawmah ahung pekheta hi; huleh, Pa lou in koima’n Tapa chu a he sih uh; huleh Tapa leh, Tapa’n a kawma a phuan nuamnate chihlouh in koima'n Pa a he sih hi.

MATTHAI 28:18

Huin Jesu chu a kawmva hung in amahuh a houpih a, Vaan leh lei a thuneihna zousiah ka kawmah piah ahita.

LUKE 10:22

Sil zousiah ka Pa’n kei ahung pekheta hi; Tapa koi ahih chih Pa loungal koima’n a he sih; huleh Pa koi ahih Tapa leh a kawmva Tapa’n a phuan nuamnate loungal koima’n a he sih, a chi a.

JOHN 1:18

Kuama’n bangchihmahin Pathian a mu ngei sih; Tapa tang neihsun, Pa aangsunga umpa, amahin a tanchin a phuangta hi, chi in.

JOHN 13:1

Huleh chiahkaan ankuang lui ma in, Jesu’n hi khovel apat paimanga Pa kawma a chiah diing hun ahung tungta chih a he a; khovel a um a mite chu ana lungsiatta in, amahuh chu a tawptanin a lungsiat hi.

JOHN 17:2

Huchia nangma’n a kawma na piah photmahte kumtuang hinna a piah theihna diing a mi zousiah tunga thuneihna na piah bangin.

JOHN 3:13

Vaan apata hung kumsuh mihing Tapa vaan a um chih louh kuamah vaan ah a kal ngei nai sih hi.

JOHN 3:35

Pain Tapa a lungsiat a, a khutah sil zousi ah a peta hi.

JOHN 7:29

Hizongleh ke’n amah ka he hi; ajiahchu amah a kuana hung ka hi a, huleh amah hung sawl ka hi, a chi a.

JOHN 7:33

Jesu’n a kawmvah, Tomchakhat na kawmvah ka um diing a, huzohchian ahung sawlpa kawmah ka chiah diing hi.

JOHN 8:14

Jesu’n a dawng a, a kawmvah, Keimah leh keimah thu kiheetsah hizongleh ka thu heetsah a dih hi; ajiahchu khoi a kuan a hung ka hih leh, khoi a chiah diing ka hih ka he hi; hizongleng nangun khoi a kuan a hung ka hih leh, khoi a chiah diing ka hih na he sih uh.

JOHN 8:42

Jesu’n a kawmvah, Pathian na Pa uh hile chu keimah na hung lungsiat diing uh; ajiahchu Pathian a kipana hung pawt ka hi a; keimah thu in ka hung sih a, ama’n ahung sawl zaw ahi.

SILBAWLTE 2:36

Hujiahin, Jesu na kilhbeh ngei uh chu Pathian in Lalpa leh Khrist hikhawm in a bawlta chih, Israel nam zousiah in chiantahin he uheh, a chi hi.

KORINTHTE I 15:27

Ajiahchu ama’n sil zousiah a keeng nuaiah a koihta hi. Hizongleh sil zousiah a thunuaiah a koih a chihin, a thunuaia sil zousiah koihpa chu a huam sih chih a kilang hi.

HEBRAITE 1:2

Hi ni nunungte ah a Tapa in i kawmah thu a soita hi, amah chu sil zousiah luahtu diingin a guat a, khovelte zong amah mah in a siam hi;