JOHN 10:3 - Thuhun Thah (BSI)

³ Amah chu kotkhaah ngaahpa’n ana honsah a; belaamte’n a aw a ja uh; huleh ama’n a belaamte chu a min un a kou a, a puidoh veu hi.

JOHN 10:3 Iomraidhean Croise

JOHN 10:14

Kei belaampu hoih chu ka hi, huleh ka belaamte ka he a, amahun zong kei ahung he uhi.

JOHN 10:16

Huleh hi belaam huang a lou belaam dang ka nei hi; amah u’zong ka hung pui diing a, ka aw a ja diing uh; huleh hon khat in a um diing va belaampu khat toh.

JOHN 10:4

Huleh a belaamte a pawtdohsah chiangin a ma vah a pai a, belaamte’n a nung a jui uh; a aw a heet jiahun.

JOHN 10:9

Kei kotkhaah chu ka hi; koipouh keimaha a luut leh hutdam in a um diing; huleh luut in a pawt diing a, neeh diing a mu diing hi.

JOHN 6:37

Ka Pa’n ahung piah zousiah ka kawmah ahung diing; huleh ka kawma hung photmah chu bangchi lezong ka nohdoh het sih diing.

JOHN 6:45

Zawlneite lehkhabu ah, Pathian hilhin a um veh diing uh, chih gelh ahi. Hujiahin michin Pa thu ja a, he photmah ka kawmah ahung veu hi.

ROMETE 8:30

Huleh a guatlawhte chu kouh zong a kou a; huleh a kouhte chu siam a tangsah a; huleh siam a tansahte chu a paahtawi hi.

KORINTHTE I 16:9

Ajiahchu kot lianpi leh phatuamtah kei diingin a kihong a, doutute zong tampi a um uhi.

PHILIPPITE 4:3

Huleh nang, ka ngawngkol puaahpih muan um zong ka hung ngen hi, tanchinpha a ka natohpih numei haw le Klement zong, huleh hinna lehkhabu a min tuang, ka natohpih dangte panpih in.

KOLOSSITE 4:3

Ka an a ka umna pen, Khrist thuguuh soi diing a Pathian in keiuh diing a thusoina kot ahung honsah theihna diingin kei uh diingin zong hung haamteisah un.

TIMOTHI II 2:19

Hizongleh Pathian innbulkip chu a ding zinga, hi chiamchihna a nei hi, Lalpa’n amah a hite a he hi. Huleh michin Khrist min lou photmah in giitlouhna paisan heh, chih.

PETER I 1:12

Vaan akipana Hagau Siangthou hung kisawlkhia panpiha na kawmva tanchinpha soitute’n amahuh diing chauh hilou in, eiu diingin tua na kawmva thu kisoisawnte nna a tong uh chih a kawmvah suhlat in a um hi; hu silte chu angelte’n zong etvel a ut uhi.

JOHN I 4:6

Ei u’chu Pathian a kuan i hi a, Pathian he photin i thu a ngaikhe veu hi; Pathian a kuan hilouin i thu a ngaikhe sih hi. Hikhu ah hagau dih leh dihlou i he uhi.

JOHN III 1:14

Himahleh sawtlou kalin ka hung mu diing a, kimaaituah in thu i soi diing chih ka kinem hi.

THUPHUANDOH 20:15

Huleh koipouh hinna lehkhabua kigial kimu lou photmah chu mei diil ah paihluut in a umta uhi.

THUPHUANDOH 3:20

Ngai in, kotkhaah bul a diingin ka kiu hi; mi koipouh in ka aw a jah a, kot a hon inchu a kawmah ka luut diing a, amah toh nitaah an ka ne diing a, huleh ama’n zong kei toh a ne diing hi.

THUPHUANDOH 7:17

Ajiahchu Belaamnou, laltouphah laia um khu in amahuh a vaah diing a, tuihing lui luanna ah amahuh a pui diing a; huleh Pathian in a mit va kipat mittui zousiah a siaah siang diing hi, a chi hi.