JOHN 10:11 - Thuhun Thah (BSI)

¹¹ Kei belaampu hoih chu ka hi; belaampu hoihin a belaamte diing in a hin na a pia hi.

JOHN 10:11 Iomraidhean Croise

MATTHAI 20:28

Mihing Tapa hilhial zong natohsaha um dinga a hung louha, natong diing leh mi tampi tatna diing a a hinna pe diing a a hung zawh mah bangin, a chi hi.

JOHN 10:2

Hizongleh koipouh kotkhaah a luut chu belaampu ahi.

JOHN 15:13

Mi’n a lawmte’ diing a hinna a piah sanga lianzaw lungsiatna koima’n a nei sih hi.

EPHESITE 5:2

Khrist in ahung lungsiat a, ei u’diing a Pathian kawma silpiah leh kithoihna namtui diinga a kipiah bangin, lungsiatna ah um un.

TITA 2:14

Ama’n chu giitlouhna zousiah apat ahung tat theihna diingin leh, amah diing a sil hoih bawl a phatuamngai leh teeltuam hi diing a ahung suhsiangthou theihna diingin i luang in a kipeta hi.

HEBRAITE 13:20

Tuin hamuanna Pathian, i Lalpa uh Jesu Khrist misi laha kipana kaithoupa, kumtuang thuhunna sisan jala Belaampu loupitah in,

PETER I 5:4

Huchi'n Belaampu lianpen ahung kilat chiangin loupina lallukhuh mualtheilou na mu diing uhi.

JOHN I 3:16

Hikhu ah Pathian lungsiatna i hethei uhi, ama’n eiuh diinga a hinna a piahkhiah jiahin; huleh eiun zong unaute diinga i hinna i piah ve diing uh ahi.

THUPHUANDOH 7:17

Ajiahchu Belaamnou, laltouphah laia um khu in amahuh a vaah diing a, tuihing lui luanna ah amahuh a pui diing a; huleh Pathian in a mit va kipat mittui zousiah a siaah siang diing hi, a chi hi.