JOHN 1:34 - Thuhun Thah (BSI)

³⁴ Huchu ka mu a, huleh hipa chu Pathian Tapa ahi chih ka heetpih ahi, a chi a.

JOHN 1:34 Iomraidhean Croise

MATTHAI 11:27

Ka pa’n sil zousiah ka kawmah ahung pekheta hi; huleh, Pa lou in koima’n Tapa chu a he sih uh; huleh Tapa leh, Tapa’n a kawma a phuan nuamnate chihlouh in koima'n Pa a he sih hi.

MATTHAI 16:16

Huin Simon Peter in a dawng a, Khrist, Pathian hing Tapa chu na hi, a chi a.

MATTHAI 17:5

A soi laitahin, ngai in, mei vaahtahin amahuh ahung khuhta a; huleh, ngai in, hu mei lah apatin aw khat in, Hichu ka Tapa deihtah ahi, amah ah ka kipaah mahmah hi; amah thu ngai un, a chi a.

MATTHAI 26:63

Hizongleh Jesu chu a haam keei sih a. Huin siampu lalpen in a kawmah, Pathian hing min in ka hung vau ahi, Pathian Tapa Khrist na hihleh hih louh hung hilh in, a chi a.

MATTHAI 27:40

Nang, Pathian biahinn susia a ni thum sunga bawl kiitpa, nang leh nang kihunkheta’n Pathian Tapa na hih leh kros dawn apat hung kumkhia in, a chi va.

MATTHAI 27:43

Ama’n Pathian a muang vele; Amah deih ahihleh tuin hunkheta hen; Pathian Tapa ka hi, a chi ngal a, a chi va.

MATTHAI 27:54

Huin sepaih zahoutu leh a kawma Jesu veenga umte’n ziilling leh sil hung umte a muh un nasatahin a lauta va, Hichu Pathian Tapa ahi ngei mei, a chi va.

MATTHAI 3:17

Huleh ngai in, vaan a kipanin aw in, "Hi ka Tapa deihtah, ka kipaahna mahmah ahi, a chi hi.

MATTHAI 4:3

Huin heemtu chu a hung a, a kawmah, Pathian Tapa na hih leh hi suang te tanghou suaah diingin thu pia in," a chi a.

MATTHAI 4:6

Huleh a kawmah, Pathian Tapa na hih leh kikekhesah in; ajiahchu hichibanga gelh ahi, Ama’n na tungtaang thu ah a angelte thu a pe diing a, a khut un ahung dom diing uh; huchilou inchu na keeng in suang khat na suikha zenzen diing, a chi a.

MATTHAI 8:29

Huleh, ngai in, amahun, Jesu, nang Pathian Tapa, keiuh leh nang bang ahiai kimatna i neih? hunchiam tunma a keiuh gawt diing a hitaha hung na hi maw? chi’n a kikou va.

MARK 1:1

Pathian Tapa, Jesu Khrist Tanchinpha kipatna;

MARK 1:11

Huleh vaan a kipanin aw khat ahung ging a, Nang ka Tapa deihtah na hi, na tungah ka kipaah mahmah hi, chi'n.

LUKE 1:35

Huleh angel in a dawng a, a kawmah, Hagau Siangthou na tungah ahung tung diing a, Tungnungpen silbawltheihna in ahung liahkhuh diing; hujiahin mi siangthou nang a hung piang diing zong Pathian Tapa chih ahi diing hi.

LUKE 3:22

Huleh Hagau Siangthou chu tahsa nei in vakhu bangin ahung kumsuh a, a tungah a tuta a; huleh vaan apatin aw ahung suaah a, Nang ka Tapa deihtah na hi; na tungah ka kipaah mahmah hi, a chi hi.

JOHN 1:18

Kuama’n bangchihmahin Pathian a mu ngei sih; Tapa tang neihsun, Pa aangsunga umpa, amahin a tanchin a phuangta hi, chi in.

JOHN 1:49

Nathanael in a dawng a, a kawmah, Rabbi, Pathian Tapa na hi; Israelte Kumpipa na hi, a chi a.

JOHN 10:30

Kei leh ka Pa khat ka hi uh, a chi a.

JOHN 10:36

Pa in a guat, khovel a, a sawlpa tungah, Pathian Tapa ka hi ka chih jiahin Pathian na soisia na hung chi uh ahi maw?

JOHN 11:27

Amahnu’n a kawmah, Hi, Lalpa, nang chu Khrist, Pathian Tapa, khovel a hung diingpa chu na hi chih ka gingta hi, a chi a.

JOHN 19:7

Judate’n amah a dawng va, daan khat ka nei uh, Pathian Tapa a, a kibawl jiahin ka daan dungjui un sitaah ahi, a chi va.

JOHN 20:28

Thoma’n a dawng a, a kawmah, Ka Lalpa leh ka Pathian, a chi a.

JOHN 20:31

Hizongleh hite chu nangun Jesu chu Khrist, Pathian Tapa ahi chih na gintaat na diing uleh, na gintaat jiah va a mina hinna na neihna neihna diing va kigial ahi.

JOHN 6:69

Huleh nang chu hu Pathian hing Tapa, Khrist chu na hi chih ka gingta va, he zong ka he uhi, a chi a.

ROMETE 1:4

Huleh sianthouna hagaulam daan a misi laha kipan a thohkiitna in silbawltheihna toh Pathian Tapa ahih a kilatsah tungtaang;

KORINTHTE II 1:19

Bang jiahin ahiai i chih leh na lahva keiuh, keimah ngei leh, Silvana leh Timothi in a thu ka soi uh Pathian Tapa Jesu Khrist chu, ahi leh hilou, chih ahi sih a, amah ah chu ahi chih ahi zaw hi.

HEBRAITE 7:3

Amah chu pa nei lou, nu nei lou, khanggui nei lou, um patni nei lou, hintawp ni zong nei lou; hizongleh Pathian Tapa bang a siam, tawpni nei lou a siampu a um zing ahi.

JOHN I 2:23

Mi koipouh Tapa awilou inchu Pa a nei sih a; hizongleh Tapa pom photmah inchu Pa zong a nei hi.

JOHN I 3:8

Sual bawl mi chu diabol a kuan ahi, ajiahchu diabol in a chiil apatin sual a bawl zing hi. Ajiahchu Pathian Tapa hung kilatnasan chu diabol silbawlte suse diingin ahi.

JOHN I 4:9

Hikhu ah Pathian in eiuh ahung lungsiatna a kilangta, amah jala i hin theihna diing a Pathian in a Tapa neihsun khovel a ahung sawl jiahin.

JOHN I 5:20

Huleh Pathian Tapa chu a hungta a, amah Midihtah chu i heet theihna diingin heetsiamna ahung peta chih i he uhi; huleh eihaw chu amah Midihtah, a Tapa Jesu Khrist ngei ah i um uhi. Amah chu Pathian dihtah leh kumtuang hinna ahi.

JOHN II 1:9

Mi koipouh daan bohsia leh, Khrist thuhilhna daan a um zing louin Pathian a nei sih hi, Khrist thuhilhna daan a um zing mi’n chu Pa leh Tapa a nih in a neikhawm hi.

THUPHUANDOH 2:18

Huleh Thyatira khua a kouhtuam angel kawmah hichi'n gial in; Pathian Tapa, mei kuang bangmai mit nei a, sumeng tobang keeng neipa’n hi thute a soi hi;