JOHN 1:18 - Thuhun Thah (BSI)

¹⁸ Kuama’n bangchihmahin Pathian a mu ngei sih; Tapa tang neihsun, Pa aangsunga umpa, amahin a tanchin a phuangta hi, chi in.

JOHN 1:18 Iomraidhean Croise

MATTHAI 11:27

Ka pa’n sil zousiah ka kawmah ahung pekheta hi; huleh, Pa lou in koima’n Tapa chu a he sih uh; huleh Tapa leh, Tapa’n a kawma a phuan nuamnate chihlouh in koima'n Pa a he sih hi.

LUKE 10:22

Sil zousiah ka Pa’n kei ahung pekheta hi; Tapa koi ahih chih Pa loungal koima’n a he sih; huleh Pa koi ahih Tapa leh a kawmva Tapa’n a phuan nuamnate loungal koima’n a he sih, a chi a.

JOHN 1:14

Huleh Thu chu sa ahung suaah a, i lahah a um hi, (Pa ta khat neih loupi bangin a loupi jia i mu uh) hehpihna leh thutah a dim.

JOHN 12:41

Hi thute chu Isaiah in a loupina a muh laia a soi ahi a, huleh a tungtaang thu a soi na ahi.

JOHN 13:23

Huleh a nungjuite laha khat Jesu’n a lungsiatpa chu Jesu aang a kingai in a um a.

JOHN 14:9

Jesu’n a kawmah, Hitanveipi na kawmah ka um a, huchi'n zong na hung he nai sih maw, Philip? koipouh kei hung muin Pa a mu ahi; bangchidan a, Pa chu kei uh hung musah in, na chih ahiai mah?

JOHN 17:26

Huleh a kawmvah na min ka hesahta a, ka hesah jel diing; keimah na hung lungsiatna a kawmva a um theihna diing leh, kei amah va ka um theihna diingin, a chi hi.

JOHN 17:6

Khovel a kipana na hung piahte kawmah na min ka sulangta hi; amahuh nanga ahi a, nang kei na hung piah ahi; huleh na thu a juita uh.

JOHN 3:11

Chihtahzetin, chihtahzetin ka hung hilh ahi, Kei unchu ka heet uh ka soi va, ka muh uh ka hesah uh; ahihvangin nangun ka thu heetsah uh na awi sih uh.

JOHN 6:46

Mi koimah in Pa a mu ngei sih, Pathian a kipana hungpa loungal; ama’n chu Pa a muta hi.

KORINTHTE II 4:4

Pathian lim batpih, Khrist tanchinpha loupina vaahin amahuh a salhvaah theih louhna diingin, hute ah hi khovel Pathian in a gingta loute lungsim a suhmialsahta hi.

KOLOSSITE 1:15

Amah chu muhtheihlouh Pathian meelpua, silsiam zousiah laha piang masapen ahi;

TIMOTHI I 1:17

Tuin kumtuang kumpipa si thei lou, muhtheihlouh, Pathian pil chauh kawmah zahna leh loupina um zingta hen. Amen.

TIMOTHI I 6:16

Amah chauh in sihtheih louhna a nei a, koimah naih theih louh vaah ah a um a, amah chu koima’n a mu ngei sih a, mu zong a muthei sih hi; amah kawmah kumtuang loupina leh silbawltheihna um hen. Amen.

JOHN I 4:12

Mi koimah in bangchihmahin Pathian a mu ngei sih hi. Eihaw khat leh khat i kilungsiat leh Pathian eimah ah a um zing a, a lungsiatna zong eimah ah a bukim ahi.

JOHN I 4:20

Mi’n Pathian ka lungsiat, chi ngal a, a unau a muhdah inchu, mizuau ahi; ajiahchu a muh gegu a unau bawn lungsiat loupi’n a muh louh Pathian bangchi’n a lungsiat thei diai?

JOHN I 4:9

Hikhu ah Pathian in eiuh ahung lungsiatna a kilangta, amah jala i hin theihna diing a Pathian in a Tapa neihsun khovel a ahung sawl jiahin.

JOHN I 5:20

Huleh Pathian Tapa chu a hungta a, amah Midihtah chu i heet theihna diingin heetsiamna ahung peta chih i he uhi; huleh eihaw chu amah Midihtah, a Tapa Jesu Khrist ngei ah i um uhi. Amah chu Pathian dihtah leh kumtuang hinna ahi.