JAKOB 5:16 - Thuhun Thah (BSI)

¹⁶ Suhdam a na um theihna diingun, na khelhnate uh thupha kitawituah unla, khat leh khat kihaamteisah un. Midihtat guntuhtaha haamteina chu a phatuam mahmah hi.

JAKOB 5:16 Iomraidhean Croise

MATTHAI 21:22

Huleh bangkim gingta a haamteia na nget u’chu na mu diing uhi, a chi hi.

MATTHAI 3:6

A sualte uh thupha tawi in Jordan lui ah amah baptisma tansah in a umta uhi.

MARK 1:5

Huleh Judia gam mi zousiah leh Jerusalem a umte chu a pawt va, a kawmah a chiah va, a sualte uh thuphatawi in Jordan lui ah baptisma a tang chiat uhi.

LUKE 9:6

Huin a chiahta va, tanchinpha soi kawm leh mun china mite sudam in akhua akhua ah a chiahta uhi.

JOHN 9:31

Pathian in misualte thu a ngaikhe ngei sih chih i he uh; hizongleh mi koipouh Pathian ngaihsah a, a deihzawng bawl chu Pathian in a ngaikhe veu hi.

SILBAWLTE 10:38

Nazareth Jesu tungtaang thu, Pathian in Amah chu Hagau Siangthou leh silbawltheihna a, a thopdan; Amah chu mi tunga silhoih bawl leh diabol suhduhdah zousiah sudam in a vaah leh a; Pathian a kawma a um jiahin.

SILBAWLTE 19:18

Huleh a gingtate zong tamtah a hung va, a silbawlte uh thupha a tawi va, a kiphuangta uhi.

SILBAWLTE 8:24

Huin, Simon in a dawng a, Na sil soite uh bangmah ka tunga a tun louhna diingin nangun Lalpa kawmah hung haamteisah un, a chi a.

ROMETE 3:10

Hichia gelh bangin, Koimah midihtat mawngmawng a um sih, khatmah zong a um sih.

ROMETE 5:19

Ajiahchu mi khat thuman louh jiaha mi tampite misual a kihihsah mahbangin, mi khat thuman jiahin mi tampite midihtat hihsah ahi diing uhi.

KOLOSSITE 1:9

Hikhu jiahin keiuh zong, hi ka jah ni vapatin, nanguh diing a haamteisah leh, pilna leh hagaulam heetchi ana zousiah a amah deihzawng heetna a na hung dimna diing uh ngetsah ka tawp sih uhi.

THESSALONIKATE I 5:17

Tawplou in haamtei un.

THESSALONIKATE I 5:23

Huleh hamuan na Pathian ngei in napumun hung susiangthou heh; huleh na hagau uleh, na lungsim uleh, na tahsa uh i Lalpa uh Jesu Khrist hung chiang a soiselbei diingin humbit in um hen.

THESSALONIKATE I 5:25

Unaute, hung haamteisah un.

HEBRAITE 11:4

Ginna in Abel in Kaina sangin kithoihna hoihzaw Pathian kawmah a laan a, hukhu jiahin midihtat ahi chih heetsahna a loh a, Pathian in a silpiah thu ah a heetpih a; hukhu jiahin sita hinapi in thu a soi nalai hi.

HEBRAITE 11:7

Ginna in Noah chu sil muh nailouhte thu Pathian hilh a na um in, a lau a, a innkuanpihte hutdamna diingin kuang a bawl a; hukhuin khovel siamlouh a tangsahta a, ginna jiaha um dihtatna gouluahtu ahung hita hi.

HEBRAITE 12:13

Huleh na keengte uh diingin lampi tang siam un, huchilou inchu keengbaite lampi apat a peetmangkha diinguh; hizongleh hute chu sudam zaw un.

HEBRAITE 13:18

Keiuh diingin hung haamteisah un; ajiahchu sil bangkimah dihtaha gamtat utin sialepha heetna hoihtah ka nei uh chih ka gingta uhi.

PETER I 2:24

Eiuh sual lama si a, hizongleh dihtatna lama i hin theihna diingin ama’n amah sapum ah i sualnate sing dawnah a pua a; amah kivuah hualte ah suhdam in na umta uhi.

JOHN I 3:22

Huleh a thupiahte i juih a, a mitmuh a sil kipaahhuaite i bawl jiahin i nget photmah amah apat i mu hi.