JAKOB 5:13 - Thuhun Thah (BSI)

¹³ Na lahva hahsatna thuaah a um ei? haamtei heh. Kipaah a um ei? phatna la sa heh.

JAKOB 5:13 Iomraidhean Croise

MATTHAI 26:30

Huleh la khat a sah zou un a pawt va, Olive taang ah a chiahta uhi.

LUKE 22:44

Huin amah chu a gim mahmah a, phatuam ngai josemin a haamtei a; huleh a khosa chu sisan khal liantah bangin leiah ava kheta a.

LUKE 23:42

Huin ama’n Jesu kawmah, Lalpa, na gam na tun chiangin hung he zing in, a chi a.

KORINTHTE I 14:15

Ahihleh bangchi'n ahita diai? Hagau in ka haamtei diing a, heetna in zong ka haamtei diing hi; hagau in la ka sa diing a, heetna in zong ka sa diing hi.

KORINTHTE I 14:26

Bangchih diing ahita diai, unaute? na hung kikhop chiangun mi chinin phatna la bang, thukihilhna bang, haam heet louh bang kilaahna bang, haam letdohna bang na nei chiat uh. Sil zousiah chu siamhoihna diing a bawl hi heh.

EPHESITE 5:19

Phatna late, Pathian late, huleh hagaulam late a nang uleh nanguh kihou in, na lungtang vah Lalpa diingin kituaahtah leh kilawmtahin la sa un.

HEBRAITE 5:7

Ama’n chu tahsa a a um lai nitein, sihna laha amah huuhhing theipa kawmah naahpitaha kap leh mittui luang pum a haamteina leh ngetnate a lat nungin, Pathian laudan a siam jiahin ngaihkhiah in a um hi.

JAKOB 5:10

Ka unaute, Lalpa mina thusoi zawlneite chu gimthuaahna leh kuhkalna lama etton diingin zang un.

THUPHUANDOH 14:3

Huleh amahun laltouphah ma leh, silhing lite leh upate ma ah la thah hileh kilawm a sa va; leitung apat a tatdoh hu nuai khat le siing li leh saang lite chih louh koima’n hu la chu a he thei sih hi.

THUPHUANDOH 7:10

Huleh amahuh chu aw ngaihtahin a kikou va, Hutdamna chu laltouphah tunga tou i Pathian uleh Belaamnou a ahi, chi’n.