JAKOB 4:11 - Thuhun Thah (BSI)

¹¹ Unaute, khat leh khat kisoisetuah sih un. Mi a unau soisia a, huleh a unau soisel chu daan soisia a, daan vaihawmkhum ahi; hizongleh daan na soisel inchu, daan juitu na hi sih a, vaihawmtu na hi zaw ahi.

JAKOB 4:11 Iomraidhean Croise

LUKE 6:37

Soisel sih un, huchi'n soiselin na um sih diing uh; mohpaih sih un, huchi'n mohpaihin na um sih diing uh; huleh ngaidam un, huchi'n ngaihdamin na um diing uhi.

ROMETE 2:1

Hujiahin, Aw mihing, mi soisel haat koi hita zonglechin suanlam diing himhim nei lou na hi; ajiahchu midang na soiselna tah ah nangmah siamlouh na kitangsah ahi; nang a soiseltu’n zong hutobang silte na bawl thou jiahin.

ROMETE 2:13

(Ajiahchu daan ja mi hih chauh chu Pathian mitmuh in midih ahi sih a; hizongleh daan banga gamta chu midih ahi diing uhi.

ROMETE 7:7

Ahihleh bang i soita diai? Daan chu sualna hi adiai? Hilou hial. Himahleh daan jiahin hilouleh sual kichi he lou diing hinga; ajiahchu daan in, Eeng sin, na chi sih leh een kichi he lou diing ka hi.

KORINTHTE I 4:5

Hujiahin a hun ma in, Lalpa hung masiahin, bangmah enkhe sih un, ama’n chu mial a sil kiphualte vaah ah ahung podoh diing a, huleh lungtang a ngaihtuahte zong ahung sulang diing hi; hu hun chiangin michin in Pathian phatna a tang chiat diing uhi.

KORINTHTE II 12:20

Bang jiahin ahiai i chih leh ka hung chianga nanguh ka hung muh diing banga ka hung muh louhkha diing leh, kei na hung muh louh diing bang va na hung muh khaah diing ka lau hi; huchilou inchu kinialnate, kithangsiatnate, lungthahnate, kikhinnate, kisoisiatnate, kiguuhhounate, uanghaamnate, huleh buainate ahung umkha diing hi.

EPHESITE 4:31

Khaatnate, lungthahnate, hehnate, haanate, kisoisiatnate, hite zousiah na lah vapat koihmang in umta heh, giitlouhna zousiah toh;

TIMOTHI I 3:11

Huchimahbangin a jite u’zong mi zahum ahih ngei diing uh ahi, kamtam lou, kisuumthei, sil zousiah a ginum ahi diing uh ahi.

TIMOTHI II 3:3

Itna pianpih neiloute, buaina bawlte, zuau a miheehte, kideehthei loute, mi huhamte, hoih mawngmawng deihloute,

TITA 2:3

Piteehte zong huchibangmah in siangthouna toh kilawma gamta diing leh, dihloutaha miheeh haat leh uain haite hilou a, sil hoih hilhtute hi diingin hilh in.

JAKOB 1:16

Ka unau deihtahte, heemin um sih un.

JAKOB 1:19

Huchihjiahin, ka unau deihtahte, michin ngaihkhiah lamah kilawp henla, thusoi lamah kilawp sih henla, lungthah baih sih heh.

JAKOB 1:25

Hizongleh koipouh zalenna daan bukim en a, hu a um zing a, mangngilhhaat thungaikhia hilou a, thu tongtu hizaw chu, hu mi chu a natoh ah vangpiah in a um diing hi.

JAKOB 2:8

Pathian lehkhathu dungjui a, Nangmah na kilungsiat banga na innveengte na lungsiat diing ahi, chih lal daan na zop uleh na bawl hoih uhi.

JAKOB 5:10

Ka unaute, Lalpa mina thusoi zawlneite chu gimthuaahna leh kuhkalna lama etton diingin zang un.

JAKOB 5:7

Hujiahin unaute, Lalpa hung masiah in kuhkaltahin um un. Ngai un, lounei mi’n lei gah luultah chu a ngaah a, guah masa leh guah nunung a muh masiah kuhkaltahin a ngaah veu hi.

JAKOB 5:9

Unaute, khat leh khat kiphunsan sih un, siamlouh tansah in na umkha diing uhi; ngai un, vaihawmtu chu kotkhaah bulah a um ahi.

PETER I 2:1

Huchihjiahin giitlouhna zousiahte, heembawlna zousiahte, lepchiahnate, kithangsiatnate, huleh kisoisiatna zousiahte tawpsan unla.