JAKOB 3:6 - Thuhun Thah (BSI)

⁶ Huleh lei chu mei ahi a, i sapum hiangte lah a tatsiatna lompi chu lei ahi; huchi'n leiin sapum a bawnin a subolhhoh a pianpih hinkhua lampi chiah kualvelna chu a kaangsaha; huleh amah chu gawtmun mei in a kaang veu hi.

JAKOB 3:6 Iomraidhean Croise

MATTHAI 12:24

Hizongleh Pharisaite'n hi thu a jah tahun, Hipa’n dawimangpa Beelzebul jiah loungal in dawite a nohdoh sih diing, a chi va.

MATTHAI 5:22

Hizongleh ke’n chu na kawmvah ka soi ahi, Koipouh a jiah bei a, a unau tunga lungthah chu vaihawmkhumna lauthawnghuaitah ah a um diing; huleh koipouh a unau kawma, 'Raka (Man louh),' chi chu vaihawmtute vaihawmkhumna lauhuaitah ah a um diing; huleh koipouh, 'Nang mingol,' chitu chu gawtmun mei diila paih lauthawnghuaitah ah a um diing uhi.

MARK 7:15

Mihing polam apat a, a sunga luut a, amah subuah thei bangmah a um sih; hizongleh amah apat a hung pawt silte, hute ngei chu mihing subuah ahi zaw hi.

LUKE 16:24

Huin a kikou a, Pa, Abraham hung khotuah inla, Lazar chu a khutzung muuh tuia diahkawta ka lei hung suvot diingin hung sawl in; ajiahchu hi mei kuang ah ka gim mahmah hi, a chi a.

SILBAWLTE 20:30

Nanguh lah ngei ah zong nungjui pawlte amahuh lama kaimang diingin thu tuam soi na hung um diing uhi.

SILBAWLTE 5:3

Hizongleh Peter in, Anania, Hagau Siangthou heem diing leh, gam man khenkhat iim diingin, bang diinga setan in na lungsim sudim ahiai?

SILBAWLTE 6:13

Huleh, heetpihtu dihloute a bawl va, hute’n chu, Hipa’n hi mun siangthou leh daan a soise zingzing hi.

TITA 1:11

Hute kam chu hupsah diing ahi, punna niin deih man in thu a hilh louh diing uh a hilh va, mi innkuan sung a tohbuai veu uhi.

JAKOB 2:7

Amahun na kikouhna uh min zahumtah chu a soise sih viai mah?

JAKOB 3:7

Ajiahchu sa namkim, va namkim, guul namkim, tuilianpi a ganhing namkim khawijual theih ahi a, mite’n a khawijual thei uhi.

PETER II 3:3

Hikhu he masa un, ni nununglam ah, simmoh haatte, amahuh utna ngei banga gamta ahung um diing va,

JOHN III 1:10

Huchihjiahin, ka hung lechu, a silbawlte ka hedohsah diing hi; ka tungva thu gilou soi a, a kamtam dan, huleh huzong hun sa louin, amah ngei in unaute a hua a, huleh a deih, nuamte zong a khap a, kouhtuam apat a nohdoh hi.

THUPHUANDOH 12:9

Huleh dragon lian chu paihdoh in a umta a, hu guulpi teeh, Diabol leh Setan kichi, khovel pumpi heemtu chu; amah chu leitung ah paihkhiah in a umta a, a angelte zong amah toh paihkhiah in a um uhi.

THUPHUANDOH 13:14

Hu gamsa mitmuha silmah bawltheihna a kawma piah a umte zangin leitung a umte kawmah, namsaau a saatna maliam nei a hing nalai hu gamsa lim na siam diing uh ahi, chi'n leitung a teengte chu a heemta hi.

THUPHUANDOH 18:23

Huleh thaumei vaah zong na sungah a taang nawn het sih diing a; mou leh mouneitu aw zong a kija nawn het sih diing hi; ajiahchu na sumkawlveitute hi leitung a miliante ahi va; na bumsiamna a nam zousiah heem a a umtaah jiahun;

THUPHUANDOH 19:20

Huleh gamsa chu matin a umta a, huleh zawlnei tahlou, gamsa chiamchihna neite leh, a lim bete a heemna a, a ma a silmah bawltu zong amah toh matkhawm in a umta a; hite geel chu a nihun kaat a kaang mei diilaha hinga paihluut in a umta uhi.