JAKOB 3:2 - Thuhun Thah (BSI)

² Ajiahchu sil tampi ah i bawnun i gilou uhi. Mi koipouh thusoi lama a giitlouh louh leh, hu mi chu piching ahi a, a sapum veeng thei mi zong ahi.

JAKOB 3:2 Iomraidhean Croise

MATTHAI 12:34

Guul suante haw, na giitlouhna pum va bangchia thu hoih soi thei diing na hi viai? lungtang dolh val chu kam in a soi veu ahi ngal a.

MATTHAI 12:37

Ajiahchu na thu in siamtansah in na um diing a, na thu mahin siamlouh tansah in na um diing hi, a chi hi.

ROMETE 3:10

Hichia gelh bangin, Koimah midihtat mawngmawng a um sih, khatmah zong a um sih.

ROMETE 7:21

Huchi'n hi daan ka hung hedohta, silhoih ka bawl ut laiin giitlouhna ka kawmah ahung um veu ahi.

KORINTHTE I 9:27

Hizongleh ka sapum ka sawi a, ka thu nuaiah ka koih hi; huchilouin chu midangte kawma tanchinpha ka soi zoh nungin keimah houh paihkhiah in ka umkha diing hi.

GALATIATE 3:22

Hizongleh Jesu Khrist gin jiaha thuchiam chu a gingtate a kipiah theihna diingin, Pathian lehkhathu in mi zousiah sualna nuaiah a khaahkhumta hi.

GALATIATE 5:17

Ajiahchu tahsa in Hagau a dou a, Hagau in tahsa a dou hi; sil na bawltumte uh na bawl theih louhna diingun, hite chu a kikalhtuah veu uh ahi.

KOLOSSITE 1:28

Mi chin Khrist Jesu a hoih bukima ka piah theihna diing va mi chin kiveeng diing a hilh a, pilna chinteng a zilsah a, a tanchin ka soi pa uh ahi.

KOLOSSITE 4:12

Epaphra, na lahva mi, Khrist suaah in nanguh chibai ahung buuh hi; Pathian deihlam zousiah a hoihkim leh bukim a na dindet theihna diingun amah chu haamteinate ah theihtawp suah in a pang hi.

HEBRAITE 13:21

Jesu Khrist jala a mitmuh a, a deihzawng photmah bawl diingin sil hoih chinteng ah nanguh hung subukim hen; amah kawmah loupina kumtuang kumtuang in umta hen. Amen.

JAKOB 1:26

Na lahva mi koipouh sahkhomitah bang a um a, a lei veeng hoih loua, amah lungtang kihem zaw chu, hu mi sahkho biah chu a thawn ahi.

JAKOB 1:4

Hizongleh, bangmah tasamlou a, na pum va na bukim theihna diingun kuhkalna in tong bukim heh.

JAKOB 2:10

Ajiahchu mi koipouh in daan jui kim henla, mun khatah khialta leh, a bawn a mohtangin a um ahi.

PETER I 3:10

Bang jiahin ahiai i chih leh, hinna deih leh, ni hoihte muh ut in gilou apat a lei veeng henla, a muuh zong heemthu soilou diingin veeng hen.

PETER I 5:10

Hizongleh Khrist Jesu mang a kumtuang loupina tang diing a eiuh hung koupa, hehpihna Pathian in, tomkhat sung na thuaah nungun nanguh ahung hoihbukimsah in, ahung sukip in, ahung suhaat in, ahung umdetsah diing hi.