JAKOB 3:17 - Thuhun Thah (BSI)

¹⁷ Hizongleh tunglam a hung kipan pilna chu a masapenin a siangthou phot a, huzohchiangin kilep a ut a, a nunnem a, a hounuam a, khotuahna leh gah hoih in a dim a, khentuam a nei sih a, a lepchiah sih hi.

JAKOB 3:17 Iomraidhean Croise

MATTHAI 23:28

Hutobangmahin nanguh zong polama mihing mitmuh in, dihtat bangin na lang va, hizongleh na sunglam uh chu lepchiahna leh giitlouhna in a dim hi.

MATTHAI 5:8

Lungsima siangthoute a hampha uhi; Pathian mu diing ahih jiahun.

MATTHAI 5:9

Lemna siamtute a hampha uhi; Pathian tate chih a um diing ahih jiahun.

LUKE 21:15

Ajiahchu na meelma zousiahun ahung dou va, ahung soisel theih louh diinguh kam leh pilna ka hung pe diing hi.

LUKE 6:36

Hujiahin na Pa uh mi hehpih a siam bangin nanguh zong mi hehpih siam un.

JOHN 1:14

Huleh Thu chu sa ahung suaah a, i lahah a um hi, (Pa ta khat neih loupi bangin a loupi jia i mu uh) hehpihna leh thutah a dim.

JOHN 1:47

Jesu in Nathanael a kawm zuana chiah a mu a, a kawmah, En un, giitlouhna nei lou, Israel mitah chu, a chi a.

SILBAWLTE 11:24

Ajiahchu amah chu mi hoihtah ahi a, Hagau Siangthou leh ginna a dim ahi a, huleh, mi tamtah Lalpa kawmah a telbehta uhi.

SILBAWLTE 9:36

Huleh, Joppa khua ah a min Tabitha kichi nungjui khat a um a, (Tabitha umzia chu Dorka ahi) hi numei in silbawl hoih leh silpiah a hau mahmah hi.

ROMETE 12:18

Ahihtheih inchu, na thu va ahihtheih laisiah mi zousiah toh kituaahin um un.

ROMETE 12:9

Lungsiatna chu heembawlna tel louin hi heh; Gilou photmah hua unla, hoihlam photmah tu tinten un.

ROMETE 15:14

Huleh ka unaute, nanguh chu hoihna in na dim va, pilna kim nei in na kihasuantuah thei uh chih kei mahmah in zong ka he hi:

KORINTHTE I 12:8

Ajiahchu mi khat kawmah Hagau in pilna thu piah ahi a; midang kawmah hu Hagau mahin heetna thu piah ahi;

KORINTHTE II 10:1

Huleh na lahva thunuaigolhtaha um a, na umlouhna va nanguh lama hahkat, kei Paul in, Khrist jaidamna leh nunnemna in ka hung ngen ahi;

KORINTHTE II 6:6

Sianthouna in, heetna in, thuaahtheihna in, chitna in, Hagau Siangthou in, lungsiatna dihtahin,

KORINTHTE II 7:11

Bang jiahin ahiai i chih leh ngai un, Pathian deihlam banga hi na lungkhamna uh ngei in bangchituha nanguh a pil va ana bawldoh a taimah; ahi, nanguh kisuhsiangnate, ahi, lungthahnate, ahi, launate, ahi, lunggulhnate, ahi, phatuamngaihnate, ahi, phubalahnate! hi silte zousiah ah na siang uh chih na muchiansahta uhi.

KORINTHTE II 9:10

Huleh a thehtupa kawma haichi petu in na neeh diinguh tanghou ahung pia a, na haichi theh uh a pungsah a, huleh na dihtatna gah uh zong a khang sah hi; )

EPHESITE 5:9

(Ajiahchu, Hagau gah ahihleh hoihna chinteng leh dihtatna leh thutah ah ahi).

PHILIPPITE 1:11

Pathian loupina leh paahtawina diinga Jesu Khrist a um dihtatna gah a dim in.

PHILIPPITE 4:8

A tawppen in, unaute, thutah photmah, sil zahum photmah, sil dih photmah, sil siangthou photmah, sil hoih photmah, a thang kilawm photmah; hoihna bang a um a, paahtawina bang a um leh, hi silte ngaihtuah un.

KOLOSSITE 1:10

Huchia Lalpa diinga kilawmtawh leh sil zousiah a deihhuai a na gamtat va, natoh hoih chintenga hung gah a, huleh Pathian heetsiamna lama na hung khantouhna diing uleh;

THESSALONIKATE I 2:7

Nuin a tate a duatbawl bangin na lahvah jaidamtahin ka um zaw uhi.

TIMOTHI I 5:21

Khentuam nei a bangmah bawllou a, deihsahtuam nei lou a hi thute jui diingin, Pathian leh Lalpa Jesu Khrist leh angel teelte mitmuh ah thu ka hung pia hi.

TIMOTHI II 2:24

Lalpa suaah inchu a khing diing ahi sih a, hizongleh mi zousiah tung a jaidam, thuhilh siam, thuaahthei ahi zo diing ahi.

TITA 1:15

Mi siangthou a diingin sil zousiah a siangthou hi; hizongleh mi bolhhoh leh gingloute a diingin bangmah a siang a um sih hi; a lungsim uleh a sialepha heetna nasan uh sianglou ahita hi.

TITA 3:2

Mi koimah soise lou diingin, thupawt bawl lou diingin, nunnem a, mi zousiah kawma thunuailuutna ensah zaw diingin hilh pha in.

HEBRAITE 12:11

Sawina chu a kithuah laiin kipaahhuai a bang sih a, hasiat a huai zaw hi; himahleh a nung chiangin chu huchia soihzoi a umte diingin dihtatna gah hamuan umtah a suah veu hi.

HEBRAITE 12:14

Mi zousiah toh kituaahna leh siangthouna delh un, hu siangthouna lou inchu kuama’n Lalpa a mu sih diing hi.

JAKOB 1:17

Silpiah hoih leh silpiah bukim photmah chu tunglam a kipan ahi a, vaahte Pa kawm apat hungsuh ahi, amah ah chu lamdanna leh kiheina liim mawngmawng a um sih hi.

JAKOB 1:5

Na lahva koipouh in pilna a taahsap leh, mi zousiah kawma tailou leh it loua petu Pathian kawmah ngen heh; huchi'n a kawmah piah ahi diing hi.

JAKOB 2:13

Ajiahchu khotuahna nei lou mi chu khotuahna bei a vaihawmsah in a um diing hi; huleh khotuahna chu vaihawmna ah a kisathei veu hi.

JAKOB 2:4

Huchi'n na lungsim vah khentuam nei a, ngaihtuahna gilou a soiseltute hilou diing na hi viai mah?

JAKOB 3:15

Hutobang pilna chu tunglam a kipan ahi sih a, khovel leh, sapum utna leh, dawi a hung kipan ahi.

JAKOB 4:8

Pathian naih un, huchi'n ama’n ahung naih diing hi. Misualte, na khut uh silsiang un; lungsim mumal neiloute na lungtang uh susiangthou un.

PETER I 1:22

Unaute tunga lungsiatna daai lou nei diing khopa Hagau jala thutah jui a na hagau uh na suhsiangthou taah jiahun, phatuamngaitahin khat leh khat lungtang siangthou in kilungsiattuah un.

PETER I 2:1

Huchihjiahin giitlouhna zousiahte, heembawlna zousiahte, lepchiahnate, kithangsiatnate, huleh kisoisiatna zousiahte tawpsan unla.

PETER I 2:18

Suaahte, laudan siamin na pute uh kawmah kituluut un; a hoihte leh a jainemte kawm chauh ah hilou in, lungtang khauhte kawmah zong.

JOHN I 3:18

Ka tate haw, thu chauh in i lungsiat sih diing a, kam chauh in zong i lungsiat sih diing uh; hizongleh silbawl leh thutah in hizaw hen.

JOHN I 3:3

Huleh michin amah a hi kinepna nei photmah chu amah a sianthou bangin a kisusiangthou veu hi.