JAKOB 3:13 - Thuhun Thah (BSI)

¹³ Na lahva koi ahiai pila thu hethei um? thunuaigolhtah leh piltahin a silbawlte chu umdan hoih in ensah heh.

JAKOB 3:13 Iomraidhean Croise

MATTHAI 11:29

Ka ngawngkol pua unla, ka kawmah zil un, ajiahchu jainemtah leh lungtang a kingaingiamtah ka hi; huchi’n na hagau diingun khawldamna na mu diing uhi.

MATTHAI 21:5

Zion tanu chu hilh inla, Ngai in, na Kumpipa chu kingaingiam tahin sabiltung tungah, sabiltung nou tunga tuangin na kawmah a hung hi, chi'n, a chih chu.

MATTHAI 5:5

Thunuaigolhte a hampha uhi; Leigou luah diing ahih jiahun.

MATTHAI 7:24

Hujiahin koipouh hi ka thusoite za a, jui chu mipil suangpi tunga inn bawl toh ka tehkhin diing hi;

KORINTHTE I 6:5

Na zumna diingun ka soi ahi. Na lahvah mipil khatbeeh um lou ahiai mah? khat beeh a unaute kikala vaihawm thei um lou ahiai mah?

KORINTHTE II 10:1

Huleh na lahva thunuaigolhtaha um a, na umlouhna va nanguh lama hahkat, kei Paul in, Khrist jaidamna leh nunnemna in ka hung ngen ahi;

KORINTHTE II 8:24

Hujiahin amahuh kawm leh kouhtuam pawlte ma-ah na lungsiatna uh heetchi ana leh nanguh ka hung suanna u’chu ensah un.

GALATIATE 5:23

Thunuaigolhna, kisuumtheihna, ahi; hichibangte kalhin daan a um sih hi.

GALATIATE 6:1

Unaute, mi kua aha a suhkhelhna a matdoha a um leh, nanguh hagau mite’n, nangmah ngei zong heemna na tuaahkha diing chih ngaihtuah in, huchibang mi chu thunuaigolhtahin tung diing kiit un.

GALATIATE 6:4

Hizongleh mi chinin amah natoh kietchian chiat zaw heh, huchi'n midang tung hilou in, amah chauh tungah suan diing a nei diing hi.

EPHESITE 4:2

Kingaihngiamna leh thunuaigolhna zousiah, thuaahtheihna toh, lungsiatna a kithuahzoutuah chiat in;

PHILIPPITE 1:27

Na umdan uleh Khrist tanchinpha kituaahsah phot un; hunga nanguh ka hung muh ahiai, ahihlouhleh ka um louha zong na tanchin uh, hagau khat a na dinkipdan uleh, lungsim khat nei a, tanchinpha thuginna a na pandan uh ka jah theihna diingin;

KOLOSSITE 3:12

Hujiahin, Pathian miteel, mi siangthou leh deihtahte bangin lainatna lungtangte, chitnate, kingaihngiamna lungsimte, jaidamnate, huleh thuaahtheihnate in kithuam un;

TIMOTHI I 4:12

Na naupanna koimah in musit sih heh; hizongleh haam kamsuaah ah, gamtatdan ah, lungsiatna lam thu ah, hagaulam thu ah, ginna thu ah, sianthouna lam thu ah, gingtute etton diing hizaw in.

TIMOTHI I 6:11

Hizongleh, Aw nang Pathian mipa, hi silte taisan inla, dihtatna bang, Pathian ngaihsahna bang, ginna bang, lungsiatna bang, dohtheihna bang, thunuaigolhna bang delh zaw in.

TIMOTHI II 2:25

Pathian in thutah a heetna diing va kisiihna a piah khaahleh chi'n a kalhtute chu thunuaigolhtahin a thuhilh diing ahi;

TITA 3:2

Mi koimah soise lou diingin, thupawt bawl lou diingin, nunnem a, mi zousiah kawma thunuailuutna ensah zaw diingin hilh pha in.

HEBRAITE 13:5

Na umdan u’chu sumngaihnatna tellou hi heh; na sil neih tungvah lungkim un; ajiahchu ama’n, Bangma chihin ka hung nuse sih diing a, tai zong ka hung taisan sih diing hi, a chi hi.

JAKOB 1:21

Huchihjiahin bolhhoh zousiah leh giitlouhna dimlet chu koihmang unla, na hinna uh hundam thei thu kipsa chu thunuailuuttahin pom un.

JAKOB 2:18

Ahi, mi khat in, Nang ginna na nei a, ke’n natoh ka nei ahi; na ginna chu natoh tel lou in hung ensah inla, ke’n ka ginna ka natohin ka hung ensah diing,

JAKOB 3:1

Ka unaute, mohtanna lianzaw tang diing i hi uh chih he in, mi tampi houtu in hung pang sih un.

JAKOB 3:17

Hizongleh tunglam a hung kipan pilna chu a masapenin a siangthou phot a, huzohchiangin kilep a ut a, a nunnem a, a hounuam a, khotuahna leh gah hoih in a dim a, khentuam a nei sih a, a lepchiah sih hi.

PETER I 1:15

Hizongleh nanguh hung koupa a sianthou bangin nanguh zong na gamtatdan zousiah vah siangthou un:

PETER I 2:12

Sil gilou bawlte bang a ahung soisiat chiang va, na natoh hoih uh a muhte uh jiaha veha a um ni chiang va Pathian a paahtawi theihna diingun, Jentelte lahah na gamtatdan uh kilawmtahin um un.

PETER I 2:9

Hizongleh a vaahna limdangtah a luut diing a mial a kipana nanguh hung koudohpa paahtawina na suhlat theihna diingun nanguh chu chi teel, lal siampu, nam siangthou, Pathian mituamte na hi uhi;

PETER I 3:4

Lungtang a mihing thuguuh, lungsim thunuaigolh leh nunnem puansilh sethei lou hi heh, huchu Pathian mitmuh in a manpha mahmah hi.