JAKOB 2:5 - Thuhun Thah (BSI)

⁵ Ngai un, ka unau deihtahte, Pathian in hi khovela mizawngte chu ginna a hausa diing leh, amah lungsiatte a chiam lalgam luah diing a teel hilou ahiai mah?

JAKOB 2:5 Iomraidhean Croise

MATTHAI 11:5

Mittawte mit ahung vaahta a, keengbaite a chiah theita va, phaahte ahung siangthouta va, bilngongte’n khua a ja theita va, misite kaihthoh in a umta va, huleh migentheite’n tanchinpha soi a dongta uhi.

MATTHAI 25:34

Huchiangin Kumpipa in chu a jiatlamate kawmah, Nanguh ka Pa deihsahte, hung unla, khovel siam chiil apata nanguh diing a kibawl gam chu luah un;

MATTHAI 5:3

Hagau a gentheite a hampha uhi: vaan lalgam amahuh diing ahih jiahin.

MARK 7:14

Huin ama’n mipi zousiah a kawmah a kou a, a kawmvah, Na bawnun ka thu ngaikhia unla, hesiam un;

LUKE 12:21

Amah chauh diing a gou kikhol a, Pathian lama hausa lou chu huchi ahi veu hi, a chi hi.

LUKE 12:32

Pawl tawmte, lau sih un; bang jiahin i chih leh na kawmva lalgam piah chu na Pa uh kipaahna zawngtah ahi.

LUKE 16:22

Huleh hichi ahung hi a, hu khutdohpa chu a si a, angelte’n Abraham aangsungah a pui va; huleh mi hausapa zong a si a, vui in a umta a.

LUKE 16:25

Hizongleh Abraham in, Tapa, nangma’n na dam laiin sil hoihte na kimuh a, huchibangin Lazar in sil hoihloute a mu chih geeldoh in; hizongleh tu’n chu amah hamuanin a um a, nang gimthuaahsah in na um ahi,

LUKE 22:29

Huleh ka Pa’n kei gam ahung guatsah bangin nanguh diingin gam ka hung guatsah hi.

LUKE 6:20

Huin amah chu a khodaah a, a nungjuite a en a, Nanguh migentheite na hampha uh; ajiahchu Pathian gam nanguh a ahi.

JOHN 7:48

Vaihawmtute leh Pharisaite lahah amah gingta mi a umkha ta’imah?

SILBAWLTE 7:2

Huin, Stephen in, Mite, unaute leh pate, ngai un; I pu uh Abraham, Haran khua a a um ma a, Mesopotamia gam a a um laiin, Loupina Pathian, chu a kawmah ahung kilaah a,

ROMETE 8:17

Huleh tate i hih inchu, gouluahtute i hi uh; a kawma paahtawi a i um theihna diing a amah i thuaahpih tahzet inchu Pathian gouluahtute, Khrist luahpihtute i hi uhi.

KORINTHTE I 2:9

Hizongleh, Mit a muh ngei louh, bil a jah ngei louh, huleh mihing lungtang a zong luut ngei lou, Pathian in amah lungsiatte diing a, a bawlsah silte chu, chia gelh bangin.

KORINTHTE II 4:15

Bang jiahin ahiai i chih leh Pathian loupina diing a mi tampite kipaahthu soina jala hehpihna a punsem theihna diingin sil zousiah nanguh diing jiaha um veh ahi.

KORINTHTE II 6:10

Lungkhamtah bangin, kipaah zing ngal in; genthei bangin, mi tampi hausah ngal in; bangmah nei lou bangin, sil zousiah nei ngal in.

KORINTHTE II 8:9

Ajiahchu i Lalpa uh Jesu Khrist hehpihna chu na he uh; a gentheihna jiaha na hung hauhsat theihna diingun, amah chu hausa mah zongleh, nang u’ jiahin ahung gentheita hi.

EPHESITE 1:18

Na lungsim mitte uh suhvaah a hung um a, a kouhna kinepna bang, misiangthoute a, a goutan diing loupina hauhzia bang,

EPHESITE 3:8

Jentelte kawma Khrist hauhsatdan hawldoh seeng guallouh thute soi diing a kei misiangthoute zousiah laha neupen sanga neuzaw kawmah hi hehpihna chu piah ahi.

THESSALONIKATE I 2:12

A lalgam leh a loupina a nanguh hung kouluutpa Pathian mi hitaah a na um theihna diingun.

THESSALONIKATE II 1:5

Hichu Pathian gam mi hitaah a guat na hihtheihna diing va Pathian vaihawmna dihtah chiamchihna chiantah ahi, hu diing maha zong thuaah na hi uhi;

TIMOTHI I 6:18

Sil hoih bawl diingin, silhoih bawl hau diingin, silphal diingin, kihop ut diingin;

TIMOTHI II 4:18

Huleh Lalpa’n migilou chinteng laha kipanin ahung suahtasah diing a, a vaangam ah bittahin ahung tut diing hi; a kawmah kumtuang kumtuang in loupina umta hen. Amen.

TIMOTHI II 4:8

Tuin chu dihtatna lallukhuh kei diingin koih in a umta, huchu Lalpa vaihawmtu dihtahin hu ni chiangin ahung pe diing hi; huleh kei kawmah chauh hilouin, amah kilaahna ngaina photmahte kawma zong a pe diing hi.

HEBRAITE 11:26

Khrist kimuhsitna chu Aigupta gam goute sanga hauhsatna loupizaw a ngaiin; ajiahchu a kipaahman muh diing lam chu a en zing hi.

JAKOB 1:12

Ze-etna thuaah teitei mi chu a hampha hi, bang jiahin ahiai i chih leh etkhiah a a um zoh chiangin Lalpa’n amah lungsiattute kawma piah a chiam, hinna lallukhuh chu a mu diing hi.

JAKOB 1:16

Ka unau deihtahte, heemin um sih un.

JAKOB 1:19

Huchihjiahin, ka unau deihtahte, michin ngaihkhiah lamah kilawp henla, thusoi lamah kilawp sih henla, lungthah baih sih heh.

JAKOB 1:9

Daikawmkal a um unau chu paahtawi a, a um jiahin kipaah heh;

PETER I 1:4

Goutan sethei lou, huleh tuaithei lou, vaan a nanguh diinga siit mu diingin,

PETER II 1:11

Ajiahchu, huchi'n Jesu Khrist i Lalpa uleh Hundampa kumtuang gam a luutna nanguh kawmah ahung musah na sa mahmah diing hi.

THUPHUANDOH 2:9

Na natohte leh, gimthuaahte leh, na zawndan (hizongleh na hausa hi) ka he hi, huleh Judami hiloupi a ka hi uh chi, Setan kikhopna inn hingal, hute Pathian soisiatna ka he hi.

THUPHUANDOH 21:7

A gualzoutu in chu sil zousiah a luah diing a; huleh a Pathian ka hi diing a, amah zong ka ta ahi diing hi.

THUPHUANDOH 3:18

Na hung hauhsat theihna diingin sana mei a haalchiim leh, na saguah zumhuaina a kilat louhna diing a na silh diing puanvaam leh, na muhtheihna diing a na mit na nuh diing mitna lou ka kawma apat lei diingin ka hung deihsah hi.