JAKOB 2:1 - Thuhun Thah (BSI)

¹ Ka unaute, i Lalpa uh Jesu Khrist, loupina Lalpa gingta kawmin, mi khentuam nei sih un.

JAKOB 2:1 Iomraidhean Croise

MATTHAI 22:16

Huleh amahun a nungjuite uleh Herod pawlte a kawmah a sawl va, hute’n chu a kawmah, Houtupa, midihtah na hi a, dihtahin Pathian lam thu na hilh a, mi koimah khawhsah tuam na nei sih chih ka he uhi; ajiahchu koimah khentuam na nei sih hi.

SILBAWLTE 10:34

Huin Peter in a soi a, Pathian in mi deihsahtuam a nei sih hi, chih dihtahin ka he hi;

SILBAWLTE 20:21

Judate leh Grikte kawmah zong, Pathian lama lungsim kisiih thu leh, i Lalpa Jesu Khrist lama ginna thu ka hesah jel hi.

SILBAWLTE 24:24

Huleh ni bangzah aha nungin, Felix chu a ji Juda numei Drusilla toh a hung va, Paul a kousah a, Khrist a ginna thu a ngaikhia hi.

SILBAWLTE 7:2

Huin, Stephen in, Mite, unaute leh pate, ngai un; I pu uh Abraham, Haran khua a a um ma a, Mesopotamia gam a a um laiin, Loupina Pathian, chu a kawmah ahung kilaah a,

ROMETE 1:11

Ajiahchu na detna diing va hagaulam silpiah bangaha ka hung piah theihna diingin nanguh hung muh ka ut mahmah hi.

KORINTHTE I 2:8

Huchu hi khovel vaihawmtute mawngmawngin a he sih uh; ajiahchu na he hitaleh uh loupina Lalpa chu ana kilhbeh sih diing uhi.

KOLOSSITE 1:4

Khrist Jesu a na ginna uleh, misiangthoute zousiah tung a lungsiatna na neihdan uh ka jah nungsiah un,

TIMOTHI I 1:19

Ginna leh sialepha heetna hoih chu tukip in; huchu mi khenkhatte’n a paaikhia va, ginna lamah kuang sia bangin a keehgawpta uhi;

TIMOTHI I 5:21

Khentuam nei a bangmah bawllou a, deihsahtuam nei lou a hi thute jui diingin, Pathian leh Lalpa Jesu Khrist leh angel teelte mitmuh ah thu ka hung pia hi.

TITA 1:1

Paul, Pathian suaah leh, Pathian miteelte ginna dungjui leh, Pathian ngaihsahna banga thutah heetna lama Jesu Khrist sawlleh in;

TITA 2:13

Hu kinepna kilawphuaitah, Pathian loupi leh i Hundampa uh Jesu Khrist hung kilatna diing loupitah chu ngaah in i um diing uh ahi chih ahung hilh hi;

HEBRAITE 1:3

Amah chu a loupina vaah leh, a umze kibatpih lim ngei hiin, sil zousiah a silbawltheihna mu a tuding in, amah mah in i sualnate a silsiang zoh nungin, tunglama Loupipen jiatlam ah a touta hi.

HEBRAITE 12:2

I ginna siamtu leh subukimtu Jesu lam en in; ama’n chu a ma a um kipaahna jiahin zumnate zong poisa lou in, kros a gimna a thuaah a, Pathian laltouphah jiatlam ah a va touta hi.

JAKOB 1:16

Ka unau deihtahte, heemin um sih un.

JAKOB 1:19

Huchihjiahin, ka unau deihtahte, michin ngaihkhiah lamah kilawp henla, thusoi lamah kilawp sih henla, lungthah baih sih heh.

JAKOB 2:3

Huchi’n puan hoih silhpa chu na zahbawl va, a kawmah, Nang hi mun hoih ah tou in, na chi va; huleh mizawngpa kawmah chu, Nang hutah ah dingin aha, ahihlouleh, Hiah ka keeng ngahna nuaiah tou in, na chi uhi;

JAKOB 2:9

Hizongleh mi khentuamna neih unchu, sil na hihsual va, huleh daan in bohsetu na hih uh ahung hesah hi.

JAKOB 3:17

Hizongleh tunglam a hung kipan pilna chu a masapenin a siangthou phot a, huzohchiangin kilep a ut a, a nunnem a, a hounuam a, khotuahna leh gah hoih in a dim a, khentuam a nei sih a, a lepchiah sih hi.

PETER II 1:1

Simon Peter, Jesu Khrist suaah leh sawlleh in, Pathian leh i Hundampa Jesu Khrist dihtatna jala ginna manpha i tan bang tangte kawmah:

JUDE 1:16

Hihaw chu phunhaatte, nialhaatte, amahuh ut zawngzawng a gamtaangte ahi uh; a kam un kiuahsahna thu loupi tahtah a soi va, lawhna deih man a mi paahtawi chiingmi ahi uhi.

THUPHUANDOH 14:12

Hi ah Pathian thupiah juite leh, Jesu gingta misiangthoute kuhkalna a kilang hi.