JAKOB 1:4 - Thuhun Thah (BSI)

⁴ Hizongleh, bangmah tasamlou a, na pum va na bukim theihna diingun kuhkalna in tong bukim heh.

JAKOB 1:4 Iomraidhean Croise

MATTHAI 10:22

Huleh ka min jiahin mi zousiah huat na hi diing uhi; hizongleh a tawp donga thuaah mualsuaah chu hutdam in a um diing uh.

MATTHAI 19:20

Tangvalpa'n chu a kawmah, Hite zousiah chu ka neu apat ka jui zingta hi; bang ka sam na lai ei? a chi a.

MATTHAI 5:48

Hujiahin vaan a um na Pa uh a hoihbukim mah bangin nanguh zong hoihbukim un.

MARK 10:21

Huin Jesu’n amah a en a, a lungsiat a, a kawmah, sil khat na sam nalai hi; chiah inla, na neih photmah zuah inla, migentheite kawmah pia in, huchi'n vaan ah gou na nei diing; huleh hung inla, kros pua in hung jui in, a chi a.

LUKE 18:22

Jesu’n hi thute a jah tahin, a kawmah, Sil khat na sam nalai hi, na neih zousiah zuah inla mi zawngte kawmah hawmin, huchi'n vaan ah gou na nei diing; huleh hung inla, hung jui in, a chi a.

LUKE 21:19

Na kuhkalna vah na hinna uh na humbit diing uhi.

LUKE 8:15

Hizongleh lei hoiha tute chu hichibangte ahi uh; lungtang siangthou leh hoihin thu chu a ja va, a pom va, huleh kuhkaltahin gah a suang uhi.

JOHN 17:23

Kei amahuh ah, Nang keiah, pumkhat a amahuh suhbukima a um theihna diingun; huleh nang na hung sawl a, kei na hung lungsiat bangin amahuh na lungsiat chih khovel in a heet na diingun.

KORINTHTE I 2:6

Ahiinlah pichingte lahah chu pilna thu zong ka soi jel uhi, ahihvangin hi khovel pilna thu ahi sih a, hi khovel vaihawmtu mangthai diingte pilna thu zong ahi sih hi.

GALATIATE 6:9

Huleh sil hoih bawl i chimtaah sih diing uh; ajiahchu i lungkiah louhleh a hun tahin i aat diing uhi.

KOLOSSITE 4:12

Epaphra, na lahva mi, Khrist suaah in nanguh chibai ahung buuh hi; Pathian deihlam zousiah a hoihkim leh bukim a na dindet theihna diingun amah chu haamteinate ah theihtawp suah in a pang hi.

THESSALONIKATE I 5:23

Huleh hamuan na Pathian ngei in napumun hung susiangthou heh; huleh na hagau uleh, na lungsim uleh, na tahsa uh i Lalpa uh Jesu Khrist hung chiang a soiselbei diingin humbit in um hen.

TIMOTHI II 3:17

Pathian mi chu na hoih zousiah tong diing a kimtaha kithuama a bukim theihna diingin.

HEBRAITE 13:21

Jesu Khrist jala a mitmuh a, a deihzawng photmah bawl diingin sil hoih chinteng ah nanguh hung subukim hen; amah kawmah loupina kumtuang kumtuang in umta hen. Amen.

JAKOB 1:5

Na lahva koipouh in pilna a taahsap leh, mi zousiah kawma tailou leh it loua petu Pathian kawmah ngen heh; huchi'n a kawmah piah ahi diing hi.

JAKOB 3:2

Ajiahchu sil tampi ah i bawnun i gilou uhi. Mi koipouh thusoi lama a giitlouh louh leh, hu mi chu piching ahi a, a sapum veeng thei mi zong ahi.

PETER I 5:10

Hizongleh Khrist Jesu mang a kumtuang loupina tang diing a eiuh hung koupa, hehpihna Pathian in, tomkhat sung na thuaah nungun nanguh ahung hoihbukimsah in, ahung sukip in, ahung suhaat in, ahung umdetsah diing hi.

PETER II 1:9

Hizongleh hi silte nei lou chu mittaw ahi a, gamlapi a mu thei sih a, huleh a nidanglai sualte apata silsiang a a umna zong a mangngilhta hi.