JAKOB 1:27 - Thuhun Thah (BSI)

²⁷ Pathian leh Pa mitmuh a sahkho biah siangthou leh buahbaang lou chu, nubei pabeite leh meithaite a gimthuaah lai va veh leh, khovel a niin baang lou a kikoih zing ahi.

JAKOB 1:27 Iomraidhean Croise

MATTHAI 12:32

Huleh koipouh mihing Tapa kalh chu, a kalhna uh ngaihdamsah ahi diing a, hizongleh koipouh Hagau Siangthou kalh chu, a kalhna uh hi khovel ah zong, huleh khovel hung um kiit diing ah zong ngaihdamsah ahi sih diing hi.

MATTHAI 5:8

Lungsima siangthoute a hampha uhi; Pathian mu diing ahih jiahun.

LUKE 1:6

Huleh amahuh geel chu soisel beiin Lalpa thupiah leh a daan zousiah juiin Pathian mitmuh in dihtattahin a um uhi.

ROMETE 12:2

Hi khovel daan bangin um sih unla; himahleh Pathian deihzawng hoih leh, kipaahpih taah leh, hoih bukim bang ahiai chih na heetchian theihna diingun na lungsim uh a thah a um in hung limdang zawta un.

ROMETE 2:13

(Ajiahchu daan ja mi hih chauh chu Pathian mitmuh in midih ahi sih a; hizongleh daan banga gamta chu midih ahi diing uhi.

GALATIATE 1:4

Amah chu Pathian leh i Pa uh deihdan dungjuiin tulai khovel giloutah lah akipan ahung suahtaatsah theihna diingin i sualnate luang in a kipeta hi.

GALATIATE 3:11

Hizongleh Pathian mitmuh in koimah daan a siamtang a um sih uh chih a lang chian hi; ajiahchu, Midihtat chu ginna in a hing diing, chih ahi.

GALATIATE 5:6

Bang jiahin ahiai i chihleh Jesu Khrist ah zehtan bangmah a phatuam sih a, zehtan louh zong bangmah a phatuam sih hi; lungsiatna a tong ginna chu a phatuam hi.

GALATIATE 6:14

Hizongleh ke’n chu i Lalpa uh Jesu Khrist kros loungal ka suang het sih diing hi; amah jiahin khovel kei diingin kilhbeh ahita a, kei khovel diingin kilhbeh ka hita hi.

EPHESITE 2:2

Hu a chu, tumalaiin hi khovel daan bangin na um va, huihkhua a thuneitu lal, tu a thumanglou tate sunga tong zingtu hagau daan bangin;

TIMOTHI I 1:5

Huleh thupiah kipiahnasan chu, lungtang siangthou leh, sialepha heetna hoih leh, ginna dihtah akipan lungsiatna neih ahi.

TIMOTHI I 5:4

Hizongleh meithai koipouh in tate aha, tute aha a neih inchu, amahun innsungah Pathian ngaihsah dan leh a nulepate uh zahdan zil masa u’heh; ajiahchu Pathian muh in huchu a hoih a, huleh a pomtaah hi.

TITA 2:12

Hu inchu Pathian ngaihsah louhna leh khovel utnate tawpsan a, hi tulai khovel a lungsim siang leh, dihtattah leh, Pathian ngaihsaha um in;

JAKOB 3:17

Hizongleh tunglam a hung kipan pilna chu a masapenin a siangthou phot a, huzohchiangin kilep a ut a, a nunnem a, a hounuam a, khotuahna leh gah hoih in a dim a, khentuam a nei sih a, a lepchiah sih hi.

JAKOB 3:9

Hukhuin Pathian leh Pa ngei chu i phat va; huleh humahin Pathian batpih a siam mihingte i haamsiat jel uhi.

JAKOB 4:4

Nanguh aangkawmpate leh aangkawmnute, khovel lawm hihna chu Pathian toh kimeelmaatna ahi chih he lou na hi uh maw? hujiahin koipouh khovel lawm hih ut chu Pathian meelma ahi.

PETER II 1:4

Hujiahin thuchiam manpha leh loupi mahmah chu ahung pia hi: huchi'n utna jiaha khovela siatna um chu taikhiahsan in Pathian hinna kikoppihte na hung hi thei diing uhi.

PETER II 2:20

Ajiahchu Lalpa leh Hundampa Jesu Khrist heetna jiah a, khovel thanghuainate a nuutsiatsan nung va, humaha a taan kiit va, zoh a a um uleh, a umdan nunung u’chu a chiil a sangin a sezaw hi.

PETER II 3:14

Hujiahin deihtahte, hu silte kineppih na hi uh chih he in, niin baang lou leh dembei a, hamuangtah a ana um a muh na hih heetna diingun thanop suahun.

JOHN I 5:18

Koipouh Pathian a piang chu a sual zing sih chih i he hi; hizongleh Pathian a piangpa in amah a kikola migiloupa’n a khoihkha sih hi.