JAKOB 1:25 - Thuhun Thah (BSI)

²⁵ Hizongleh koipouh zalenna daan bukim en a, hu a um zing a, mangngilhhaat thungaikhia hilou a, thu tongtu hizaw chu, hu mi chu a natoh ah vangpiah in a um diing hi.

JAKOB 1:25 Iomraidhean Croise

LUKE 11:28

Hizongleh ama’n chu, Ahi, himahleh Pathian thu ja a juite a hampha zaw uh, a chi a.

JOHN 13:17

Hi silte na heet unchu, bawl leh u’chin mi hampha na hi diing uhi.

JOHN 8:36

Hujiahin Tapa in ahung suaahtaatsah inchu na suaahta tahzet diing uhi.

SILBAWLTE 13:43

Huleh kikhawmte chu a kikhenjah tahun, Judate tamtah leh Juda biahdan jui Pathian ngaihsah laha mi tamtah in Paul leh Barnaba a jui va,amahun amahuh chu ana houpih va, Pathian khotuahna a um zing diingin ana hasot uhi.

SILBAWLTE 2:42

Huleh, sawllehte thuhilh leh kipawlna ah, tanghou balkeeh in haamtei in phatuamngaitahin a um zingzing uhi.

SILBAWLTE 26:22

Pathian akipan panpihna ka muh jiahin, tuni tanin mi neute leh mi liante kawmah thu hesah in ka um nalai hi, zawlneite leh Mosi in hung tung diing a chih uh thu chauh loungal thu dang soi louin.

ROMETE 11:22

Hujiahin Pathian hoihdan leh thukhauhdan en in: a puuhte tungah a thukhauh ahi; nang lamah chu a hoih ahi, a hoihna a na um zing leh; huchi ahih louh inchu nang zong saatkhiahin na um ve diing hi.

ROMETE 2:13

(Ajiahchu daan ja mi hih chauh chu Pathian mitmuh in midih ahi sih a; hizongleh daan banga gamta chu midih ahi diing uhi.

ROMETE 7:12

Huchi ahihjiahin daan chu a siangthou hi, thupiah zong a siangthoua, a dih a, a hoih hi.

ROMETE 8:15

Laua um kiit diingin suaah hihna hagau na mu uh ahi sih a; ta hihna Hagau na mu uh ahi zaw hi, hu Hagau jiahin Abba, Pa, chi'n i kikou hi.

ROMETE 8:2

Bang jiahin ahiai i chih leh Khrist Jesu a um hinna Hagau daan in sual leh sihna daan a kipan ahung zalensahta hi.

KORINTHTE I 15:58

Hujiahin, ka unau deihtahte, dettahin, suhliing guallouh in, Lalpa natoh phatuamngaitaha tong ngiitngeet in um un; na tohgimna uh chu Lalpa ah a thawn sih diing chih na he ngal va.

KORINTHTE II 13:5

Ginna ah na umna viai mah nang uleh nanguh kienkhia unla; nanguh mimal kienchian un. Nang u’ah Jesu Khrist a um chih nanguh ngei in kiheet lou na hi viai mah? deih louh na hih louhngal uleh.

GALATIATE 2:4

Huleh huchu suaah ahung tansah theihna diing va, Khrist Jesu a i zalenna neih uh enkhe diing a guuhsima hung luut unau tahloute jiah giap ahi.

GALATIATE 5:1

Hujiahin suaah hi nawn lou diing a Khrist in ahung zalensahna ah ding kip unla, suaah ngawngkol ah taang kiit nawn sih un.

GALATIATE 6:2

Khat leh khat na puaahgih uh kidawn chiat unla, huchi'n Khrist daan juikim un.

KOLOSSITE 1:23

Ginna a na um zing va, kingahna nei a na kip va, huleh tanchinpha na jah uh kinepna apat na kitawlmang louh uleh; hu tanchinpha chu vaan nuai a silsiam zousiah kawma taangkoupih ahi a; kei Paul hu thunatongtu diing a siam ka hi.

TIMOTHI I 2:15

Hizongleh ginna leh lungsiatna leh siangthouna nei a umtansiamtah a, a um zing uleh naupaaina ah hutdam in a um diing hi.

TIMOTHI I 4:16

Nangmah leh na thuhilh ah pilvaang in; hu silte ah um zing in; huchibang hihna jalin nangmah leh na thu jate na hundam diing hi.

HEBRAITE 12:15

Pilvaangtahin en un, huchilou inchu mi khattou Pathian hehpihna ching zou lou na umkha diing va; khaatna zung bang aha hung selnou in, hukhu in mi tampite suhbuah in a umkha diing uhi.

JAKOB 2:12

Hujiahin zalenna daan a vaihawmsah diingte bangin thu soi unla, sil bawl un.

PETER I 2:16

Mi zalente bangin, huleh na zalenna u’chu giitlouhna khuhkhumna diing a zang louin, hizongleh Pathian suaahte bangin um un.

JOHN I 2:24

Hujiahin a chiil apat a na jah u’chu nanguh ah umsah zing un. Hu a chiil apat a na jah uh nanguh a a um zing inchu, nanguh zong Tapa ah leh Pa ah na um zing diing uhi.

THUPHUANDOH 14:13

Huleh vaan a kipan aw khat in ka kawmah, Gial in, Tu apat misi Lalpa a site chu a hampha uhi; Hagau in, Ahi, a tohgimnate uh khawlsana, a silbawlte un hung jui diing ahihjiahin, a chih hi, a chih ka ja hi.

THUPHUANDOH 22:14

Hinna singkunga tan a neih theihna diing uleh, kota khopi sunga a luut theihna diing va a puansilhte uh sawpsiangte chu a hampha uhi.