JAKOB 1:21 - Thuhun Thah (BSI)

²¹ Huchihjiahin bolhhoh zousiah leh giitlouhna dimlet chu koihmang unla, na hinna uh hundam thei thu kipsa chu thunuailuuttahin pom un.

JAKOB 1:21 Iomraidhean Croise

MATTHAI 5:5

Thunuaigolhte a hampha uhi; Leigou luah diing ahih jiahun.

JOHN 6:63

Suhingtu chu hagau ahi a, tahsa chu bangmah a phatuam sih; na kawmva ka thusoite chu hagau ahi a, huleh hinna zong ahi.

JOHN 6:68

Simon Peter in a dawng a, a kawmah, Lalpa, koi kawmah ahiai ka chiah diing uh? Nang in kumtuang hinna thute na nei hi.

SILBAWLTE 10:33

Hujiahin, na kawmah mi ka hung sawlpah ahi; na hung hi a hoih hi huchi'n, Pathian in na kawma ahung thupiah zousiah ja diingin, tuin Pathian mitmuh in ka bawnun hi ah ka um uhi, a chi a.

SILBAWLTE 13:26

Mite leh unaute, Abraham suan tate haw, huleh na lahva Pathian laudan siam zousiah haw, na kawmvah hi hutdamna thu hung kihaah ahi.

ROMETE 1:16

Bang jiahin ahiai i chih leh tanchinpha chu ka zumpih sih hi; ajiahchu a gingta photmah diingin hichu hutdamna diinga Pathian silbawltheihna ahi; Judate diingin ahi masa a, huleh Grikte diingin zong ahi.

ROMETE 11:17

Huleh a ba khenkhatte suhtana a um a, nang, olive tahlou a lahva phuhluut a na um leh, olive singa hoihna kikoppih na hih jiahin,

ROMETE 6:17

Hizongleh Pathian kawmah kipaahthu um heh, sual suaah ana himah zong leh uchin, nanguh hung kipia kihilhna thudan chu lungtang tahun na juita uhi.

KORINTHTE I 15:2

Na kawmva ka thusoi na pomdet uleh humah a hutdam zong na hi uhi, huchi ahih louh inchu a thawnin na gingta uh ahi.

KORINTHTE II 7:1

Hujiahin unau deihtahte, hi thuchiamte i neih jiahun, Pathian launa a sianthouna subukim in, tahsa leh hagau bolhhohna zousiah apat i kisusiang diing uhi.

EPHESITE 1:13

Amah ah nanguh zong thutah thu, na hutdamna tanchinpha uh na ngaihkhiah va, gin zong na gintaat nungun, amah ah chiamna Hagau siangthou a chiamchih in na um uhi,

EPHESITE 4:22

Na nidanglai umdan va mihing lui, heemna duhgawlna banga hoihlou deuhdeuh chu hawhkhia unla.

EPHESITE 4:25

Huchi'n zuau soi tawpsan in, mi chinin a veengte kawmah thutah soi chiat un; ajiahchu eihaw khat leh khat kihiangtuah chiat i hi uhi.

EPHESITE 5:4

Zahmohthute, thu ngolhuai a houlimte, chiamnuih thute bang zong kilawm lou ahi; hute sangin kipaahthu soi zaw un.

THESSALONIKATE I 1:5

Ajiahchu ka tanchinpha uh thu mai a na kawm uh tung lou a, silbawltheihna leh Hagau Siangthou leh heetchetna nasatah toh hung tung hi a; nanguh jiahin na lahva mi bangtobang ka hi va chih na heet bangun.

THESSALONIKATE I 2:13

Hi jiahin Pathian kawmah tawplou in kipaahthu ka soi uhi, ajiahchu Pathian thu kei u’a kipana na jah uh na pom laiun, mihing thu banga pom louin, thutah, nanguh a gingtate a zong nasataha natong thei Pathian thu bangin na pom zaw uhi.

TITA 2:11

Ajiahchu hutdamna hung tut Pathian hehpihna chu mi zousiah kawmah ahung kilangta hi,

HEBRAITE 12:1

Huchihjiahin eiuh zong heetpihtu meipi nasatah uum kiimvel a i um uh he in, ahung gihsah photmah leh, sual eimaha belh zing chu i koihkhe diing va, i ma a kitaidemna um ah kuhkaltahin i tai diing uh,

HEBRAITE 2:3

Huchilawma hutdamna loupi ngaihsah sih lei, bangchi’n ahiai i suaahtaat diing uh? hu hutdamna thu chu a chiilin Lalpa zanga soi pat ahi a, huleh a thu jatute’n i kawmah a sukip uhi.

HEBRAITE 4:2

Bang jiahin ahiai i chih leh amahuh kawm a soi a hihbangin, tanchinpha chu i kawma soi ahi a; hizongleh a thu jatute a ginna toh a kizop louh jiahin, a thu jahte u’chu amahun a phattuampih sih uhi.

JAKOB 4:8

Pathian naih un, huchi'n ama’n ahung naih diing hi. Misualte, na khut uh silsiang un; lungsim mumal neiloute na lungtang uh susiangthou un.

JAKOB 5:20

Amah misual a lammanna akipan kiheisahtu in sihna apat hagau khat a hundam diing a, sual tampite a khuhmang diing ahi chih kiheet heh.

PETER I 1:22

Unaute tunga lungsiatna daai lou nei diing khopa Hagau jala thutah jui a na hagau uh na suhsiangthou taah jiahun, phatuamngaitahin khat leh khat lungtang siangthou in kilungsiattuah un.

PETER I 1:9

Na ginna uh buchinna, na hagau uh hutdamna ngei chu mu in.

PETER I 2:1

Huchihjiahin giitlouhna zousiahte, heembawlna zousiahte, lepchiahnate, kithangsiatnate, huleh kisoisiatna zousiahte tawpsan unla.

PETER I 2:11

Deih mahmahte, mikhual leh khualzin bang na hih jiahun hagau doudaal zing tahsa utnate tawpsan diingin ka hung ngen hi;