JAKOB 1:17 - Thuhun Thah (BSI)

¹⁷ Silpiah hoih leh silpiah bukim photmah chu tunglam a kipan ahi a, vaahte Pa kawm apat hungsuh ahi, amah ah chu lamdanna leh kiheina liim mawngmawng a um sih hi.

JAKOB 1:17 Iomraidhean Croise

MATTHAI 7:11

Huchi ahihleh, nanguh migilou in bawn na tate uh sil hoih piahna taang na heet un chu, na Pa uh vaan a um in a kawma ngente sil hoih petham lou diing ahiai mah?

LUKE 11:13

Huchia nanguh migilou in bawn na tate uh sil hoih piah na taang na heet uleh, na Pa uh vaan a umin a ngentute kawmah Hagau Siangthou naah piah mahmah lou diing ahiai mah? a chi hi.

JOHN 1:9

Huchu Vaah dihtah, mi chin khovel a hung photmah hih vaahtu ahi.

JOHN 3:27

John in a dawng a, Vaana kipana piah ahihlouhleh mihingin bangmah a nei thei sih,

JOHN 3:3

Jesu’n a dawng a, a kawmah, Chihtahzetin, chihtahzetin ka hung hilh ahi, mi koipouh in a pianthah louhleh Pathian gam a mu sih diing hi, a chi a.

JOHN 8:12

Huin Jesu’n a kawmvah, Kei khovel vaah ka hi; koipouh kei hung jui chu mial ah a khohei sih diing a, hizongleh hinna vaah a nei zaw diing hi, a chi a.

SILBAWLTE 11:18

Hu thu chu a jah tahun a sipta va, Huchi ahihleh, Pathian in Jentelte zong hing diingin a kisiih uh phal ahita ve, chi'n Pathian a phatta uhi.

SILBAWLTE 5:31

Amah ngei chu Pathian in Kumpipa leh Hundampa a um diingin a jiatlam ah a hihlianta a, Israelte kawma kisiih a lungheina leh sual ngaihdamna pe diingin.

ROMETE 6:23

Ajiahchu sual man sihna ahi a; hizongleh Pathian silthawnpiah chu i Lalpa uh Jesu Khrist jalin kumtuang hinna ahi.

KORINTHTE I 4:7

Ajiahchu kua’n ahiai nang midang apat hung tuamsah? huleh ahung kipe lou bang ahiai na neih? huchi'n mi piah a nei na hih leh, bang diinga a kipe lou banga kisathei na hiai?

KORINTHTE II 4:6

Ajiahchu, Jesu Khrist meel a Pathian loupina heetna vaah hung pe diingin, mial laha kipana vaah hung vaahdoh diing a thupetu Pathian in ka lungtang uh a salhvaahta hi.

EPHESITE 1:18

Na lungsim mitte uh suhvaah a hung um a, a kouhna kinepna bang, misiangthoute a, a goutan diing loupina hauhzia bang,

EPHESITE 2:8

Ajiahchu hehpihna a ginna jala hutdam na hi uh; hu zong nanguh a suaah ahi sih a; Pathian silthawnpiah ahi;

PHILIPPITE 1:29

Ajiahchu, Khrist jiaha nangun amah na gintaat chauh uh hilou a, amah vang a thuaah zong na thuaah diing uh ahi chih piah na hi uhi.

TIMOTHI I 6:16

Amah chauh in sihtheih louhna a nei a, koimah naih theih louh vaah ah a um a, amah chu koima’n a mu ngei sih a, mu zong a muthei sih hi; amah kawmah kumtuang loupina leh silbawltheihna um hen. Amen.

HEBRAITE 13:8

Jesu Khrist chu jan ni toh, tuni toh, huleh kumtuang in a ngeimah ahi.

JAKOB 1:5

Na lahva koipouh in pilna a taahsap leh, mi zousiah kawma tailou leh it loua petu Pathian kawmah ngen heh; huchi'n a kawmah piah ahi diing hi.

JAKOB 3:15

Hutobang pilna chu tunglam a kipan ahi sih a, khovel leh, sapum utna leh, dawi a hung kipan ahi.

JAKOB 3:17

Hizongleh tunglam a hung kipan pilna chu a masapenin a siangthou phot a, huzohchiangin kilep a ut a, a nunnem a, a hounuam a, khotuahna leh gah hoih in a dim a, khentuam a nei sih a, a lepchiah sih hi.

JOHN I 1:5

Huchi'n hichu a kawm apat a ka jah uh, huleh na kawmva ka hung hilhsawn uh thuhaah chu ahi, Pathian chu vaah ahi a, amah ah mial mawngmawng a um sih hi.

JOHN I 4:10

Hi-ah lungsiatna a um, eiun Pathian i lungsiat chih ahi sih a, ama’n eiuh ahung lungsiat a, i sualnate thuphatawina hi diingin a Tapa ahung sawl chih ahi zaw hi.

THUPHUANDOH 21:23

Huleh hu khopi inchu a taanvaah diingin ni a ngai sih a, ha zong a ngai sih hi; ajiahchu Pathian loupina in hichu a taanvaah a, huleh Belaamnou chu a thaumei ahi mai hi.

THUPHUANDOH 22:5

Huleh huah jan a um nawn sih diing a; thaumei vaah leh ni vaah zong a ngai nawn sih diing uh; ajiahchu Lalpa Pathian in amahuh a taan vaah diing a; huleh amahun kumtuang kumtuang in vai a hawm diing uhi.