HEBRAITE 1:2 - Thuhun Thah (BSI)

² Hi ni nunungte ah a Tapa in i kawmah thu a soita hi, amah chu sil zousiah luahtu diingin a guat a, khovelte zong amah mah in a siam hi;

HEBRAITE 1:2 Iomraidhean Croise

MATTHAI 13:39

Meelma a thehtu chu Diabol ahi; buh laah hun chu khovel tawpna diing ahi; huleh a aattute chu angelte ahi uh.

MATTHAI 17:5

A soi laitahin, ngai in, mei vaahtahin amahuh ahung khuhta a; huleh, ngai in, hu mei lah apatin aw khat in, Hichu ka Tapa deihtah ahi, amah ah ka kipaah mahmah hi; amah thu ngai un, a chi a.

MATTHAI 21:38

Hizongleh a enkolte’n a tapa chu a muh un, Hipa gouluahtu diing ahi; hung un, i that diing va, a gouluah diing chu i kitan diing uh, a chi va.

MATTHAI 26:63

Hizongleh Jesu chu a haam keei sih a. Huin siampu lalpen in a kawmah, Pathian hing min in ka hung vau ahi, Pathian Tapa Khrist na hihleh hih louh hung hilh in, a chi a.

MATTHAI 28:18

Huin Jesu chu a kawmva hung in amahuh a houpih a, Vaan leh lei a thuneihna zousiah ka kawmah piah ahita.

MATTHAI 3:17

Huleh ngai in, vaan a kipanin aw in, "Hi ka Tapa deihtah, ka kipaahna mahmah ahi, a chi hi.

MARK 1:1

Pathian Tapa, Jesu Khrist Tanchinpha kipatna;

MARK 12:6

Huleh ama’n tapa deihtah khat a neih nahlai jiahin, Ka tapa chu a zahtaat diing uh, chi'n a nunungpen in amah zong a kawmvah a sawlta hi.

MARK 12:7

Hizongleh hu louhoute’n, Hichu a gouluah diingpa ahi; hungun, i that diing uh, huchi'n a gouluah diing chu ei a ahi mei diing, a chi va.

JOHN 1:10

Amah chu khovel ah a um a, khovel amah siam ahi; huleh khovel in amah a he sih hi.

JOHN 1:14

Huleh Thu chu sa ahung suaah a, i lahah a um hi, (Pa ta khat neih loupi bangin a loupi jia i mu uh) hehpihna leh thutah a dim.

JOHN 1:3

Sil zousiah amah siam ahi a; silsiam himhim amah siamlouh bangmah a um sih hi.

JOHN 13:3

Jesu’n Pain sil bangkim a khutah a peta chih leh, Pathian a kipana hunga, Pathian kawma chiah kiit diing a hihdan he in,

JOHN 13:32

Amah a Pathian paahtawia a um inchu, Pathian in zong amah ah amah a paahtawi diing a, a paahtawipah ngal diing hi.

JOHN 15:15

Tu a kipat suaahte ka hung chi nawn sih diing; ajiahchu suaahin a pu in bang a bawl a he sih; lawmte ka hung chi zawta diing; ajiahchu ka Pa kawma ka jah zousiah na kawmvah ka hung hilhta hi.

JOHN 16:15

Pa sil neih zousiah keia ahi; hujiahin keimaha a la diing a, nanguh ahung musah diing, ka chi ahi.

JOHN 17:2

Huchia nangma’n a kawma na piah photmahte kumtuang hinna a piah theihna diing a mi zousiah tunga thuneihna na piah bangin.

JOHN 3:16

Ajiahchu Pathian in khovel a lungsiat mahmah a, huchi'n a Tapa tangkhat neihsun a pia, koipouh amah gingta in a beimang louh a, kumtuang hinna a neih zawh na diingin.

JOHN 3:25

Huin John nungjuite leh Judate kikal ah kisuhsiangthou thu ah kinialna ahung umta a.

JOHN 5:26

Ajiahchu Pain amah a hinna a kineih bangin Tapa in zong amah a hinna kineih diingin a peta hi.

JOHN 5:27

Huleh mihing Tapa ahihjiahin a kawmah vaihawmna thu zong a peta hi.

JOHN 9:29

Pathian in Mosi kawmah thu a soi chih ka he uh; hipa ahihleh khoi a kipana hung ahih ka he sih uh, a chi va.

SILBAWLTE 10:36

Pathian in hamuanna thu Jesu Khrist mina soi a, Israel haahte kawma a thu thot chu, (Jesu chu mi zousiah Lalpa ahi).

SILBAWLTE 2:17

Pathian in, Ni nunungte ah hichi ahung hi diing, Mi zousiah tungah ka Hagau ka leih diing a; huchi'n, na tapate un kilaahnate a mu diing va, na teehsete un mang a man diing uh;

ROMETE 1:4

Huleh sianthouna hagaulam daan a misi laha kipan a thohkiitna in silbawltheihna toh Pathian Tapa ahih a kilatsah tungtaang;

ROMETE 8:17

Huleh tate i hih inchu, gouluahtute i hi uh; a kawma paahtawi a i um theihna diing a amah i thuaahpih tahzet inchu Pathian gouluahtute, Khrist luahpihtute i hi uhi.

KORINTHTE I 2:7

Hizongleh kei un chu Pathian pilna thuguuh, i loupina diing a Pathian in khovel um ma a, a guatsa pilna kiphual thu chu ka soi zaw veu uhi.

KORINTHTE I 8:6

Eiuh diingin chu Pathian khat chauh, Pa chu a um a, amah a kuanin sil zousiah a um a, ei u’zong amah a um i hi uhi; huleh Lalpa khat chauh, Jesu Khrist a um hi, amah jiahin sil zousiah a um a, ei u’zong amah jiah a um i hi uhi.

GALATIATE 4:4

Hizongleh a hunbi ching ahung tuntahin, Pathian in a Tapa, chu numei suanin, daan nuai a bawl in ahung sawlkheta hi,

EPHESITE 1:10

Hunbi khenna kim ahung hun chiang a amah ngei a vaan a sil umte leh, leitung a sil umte a bawna Khrist a khata a suhtuahkhawmna diingin,

EPHESITE 3:9

Kumtuanga kipana Jesu Khrist mang a sil zousiah siamtu Pathian a phual a um thuguuh kiphual kipawlkhawmna chu mi zousiah musah diingin;

HEBRAITE 1:5

Bang jiahin ahiai i chihleh angelte lahah khoipen kawmah ahiai hi thute soi khaahna ana neih ngei, Nang chu ka Tapa na hi a, tuniin ka hung hingkheta hi, chih leh. Amah diingin Pa ka hi diinga, kei diingin amah chu Tapa ahi diing hi, chih.

HEBRAITE 1:8

Hizongleh Tapa tungtaang thu chu hichi'n a soi hi, Aw Pathian, na laltouphah chu kumtuang kumtuang in a um diing hi; dihtatna lalchiang zong na gam lalchiang ahi.

HEBRAITE 11:3

Ginna jalin khovelte chu Pathian thu a suhtuah khawm ahi chih i he a, huchi'n sil kimute zong sil kilangte a siam ahi sih hi.

HEBRAITE 2:3

Huchilawma hutdamna loupi ngaihsah sih lei, bangchi’n ahiai i suaahtaat diing uh? hu hutdamna thu chu a chiilin Lalpa zanga soi pat ahi a, huleh a thu jatute’n i kawmah a sukip uhi.

HEBRAITE 3:6

Hizongleh Khrist chu Tapa bangin amah innsung ngei ah a ginum ahi; a tawp dong a i hahkatna uleh i kinepna kipaahna uh i tuuhdet phot uleh, a innsung mite i hi uhi.

HEBRAITE 4:14

Huchi'n vaante haw a paisuaah Siampu Lal loupitah, Jesu Pathian Tapa i neih jiahin i thugin uh i pomkip diing uhi.

HEBRAITE 5:8

Tapa himahzongleh, a silthuaahte haw in thumandan a zilta hi;

HEBRAITE 7:28

Ajiahchu daanin mihing haatlouhna neite siampu in a siam veu hi; hizongleh kihaahsial thu, daan nung a hung um in chu, Tapa, kumtuang a diing a suhkimsa chu a guat zawta hi.

HEBRAITE 7:3

Amah chu pa nei lou, nu nei lou, khanggui nei lou, um patni nei lou, hintawp ni zong nei lou; hizongleh Pathian Tapa bang a siam, tawpni nei lou a siampu a um zing ahi.

HEBRAITE 9:26

Huchi hilouleh leilung siam chiil apat tampi vei a thuaahta diing hi; hizongleh tu huntawp ah amah chu sualna suhbeina diing a amah kipetawm diingin khatvei ahung kilangta hi.

PETER I 1:20

Amah chu khovel kisiam ma pehin guatlawh in a um ngei a, hizongleh hi hun nunungte ah nanguh diingin suhlat in a umta hi.

PETER II 3:3

Hikhu he masa un, ni nununglam ah, simmoh haatte, amahuh utna ngei banga gamta ahung um diing va,

JUDE 1:18

Hun nunung chiangin Pathian ngaihsah louhna lama amahuh utna banga um, simmoh haatte ahung um diing uh, a chih haw uh bang.