GALATIATE 5:4 - Thuhun Thah (BSI)

⁴ Nanguh, daan a siam kitangsah pouhmahte, Khrist chu nanguh diingin a phatuam lou ahita a, hehpihna na puuhsanta uhi.

GALATIATE 5:4 Iomraidhean Croise

ROMETE 11:6

Huleh hehpihna jiah ahih inchu, natoh jiah ahita sih hi; huchilou in chu hehpihna chu hehpihna ahita sih diing hi. Hizongleh natoh jiah ahih inchu, hehpihna ahita sih diing; huchilou inchu natoh zong natoh ahita sih diing hi.

ROMETE 3:20

Hujiahin daan silbawlte jiahin koimah Pathian mitmuh in siamtangin a um sih diing uh; bang jiahin ahiai i chih leh daan jiahin sual kiheetna ahung um hi.

GALATIATE 2:21

Pathian hehpihna chu bangmahlou ka suaahsah sih; ajiahchu daan jiaha siamtanna a um inchu Khrist a thawn a si ahi diing hi.

GALATIATE 5:2

Ngai un, kei Paul in na kawmva ka soi ahi, zeh na tan uleh Khrist nanguh diingin bangmah phatuam lou diing ahi.

HEBRAITE 12:15

Pilvaangtahin en un, huchilou inchu mi khattou Pathian hehpihna ching zou lou na umkha diing va; khaatna zung bang aha hung selnou in, hukhu in mi tampite suhbuah in a umkha diing uhi.

HEBRAITE 4:1

Hujiahin i lau diing uh, huchilou inchu a khawldamna a luutna diing thuchiam um zing napi in, na lahva mi khattou chinglou bangin na umkha diing uhi.

THUPHUANDOH 2:5

Hujiahin na puuhna laitah he inla, kisiih in; huleh natoh masapente bawl kiit in; ahihlouh inchu kintahin na kawmah ka hung diing a, na thaumeitunna chu a mun a kipanin ka suan diing hi, na kisiih louhleh.