GALATIATE 4:5 - Thuhun Thah (BSI)

⁵ Ta hihsahna i muhtheihna diing a, daan nuai a umte tankhe diingin.

GALATIATE 4:5 Iomraidhean Croise

MATTHAI 20:28

Mihing Tapa hilhial zong natohsaha um dinga a hung louha, natong diing leh mi tampi tatna diing a a hinna pe diing a a hung zawh mah bangin, a chi hi.

LUKE 1:68

Israel Lalpa Pathian chu paahtawi in um heh; ajiahchu ama’n a mite ahung kana, ahung tanta hi,

JOHN 1:12

Hizongleh amah kipaahpih photmahte chu a kawmvah Pathian tate hihtheihna diing silbawltheihna a pia hi, a min gingtate chu.

SILBAWLTE 20:28

Hujiahin Pathian kouhtuam, Amah sisana a leite vaah diingin Hagau Siangthou in houtu a ahung siamna pawlte zousiah leh nanguh tungah pilvaang un.

ROMETE 10:4

Ajiahchu a gingta photmahte diingin Khrist chu dihtatna muhna diingin daan suhtawpna ahi.

ROMETE 8:14

Ajiahchu Pathian Hagau puia um photmahte chu Pathian tate ahi uhi.

ROMETE 8:15

Laua um kiit diingin suaah hihna hagau na mu uh ahi sih a; ta hihna Hagau na mu uh ahi zaw hi, hu Hagau jiahin Abba, Pa, chi'n i kikou hi.

ROMETE 8:19

Ajiahchu silsiam zousiah in kinem mahmahin Pathian tate kilatna diing a ngaahlah mahmah uhi.

ROMETE 8:23

Huleh amahuh chauh zong ahi sih a, Hagau gah masa nei eihaw ngei zong, ta hihna, i sapum uh tatna muhna diing ngaah in, eihaw na chiang lungsim in i thuum veu uhi.

ROMETE 9:4

Israelmi ahi ngal va; ta hihnate, loupinate, thuhunte, daanthu piahnate, Pathian natohnate leh thuchiamte bang amahuh neih ahi a;

GALATIATE 3:13

Khrist chu ei luang a haamsiata hung um in, daan haamsiatna apatin ahung tandohta hi; ajiahchu hichibanga gelh ahi, Singdawna khailup photmah chu haamse thuaah ahi uh.

GALATIATE 3:26

Ajiahchu na bawnun Khrist Jesu ginna jiahin Pathian tate na hi uhi.

GALATIATE 4:21

Hung hilh un, nanguh daan nuaia um utte, daanthu ngaikhe lou na hi viai mah?

GALATIATE 4:7

Huchi'n suaah na hi nawn sih a, ta na hi zawta hi; huleh ta na hihleh, Khrist jala Pathian gouluahtu diing zong na hi hi.

EPHESITE 1:5

Amah lungguat leh deihzawng bangin, Jesu Khrist jiaha amah a diinga ta a bawl diingin ahung na guatlawhta hi,

EPHESITE 1:7

Amah ah a sisan jalin tatkhiahna i nei a, a hehpihna hauhdan dungjui a i sualnate ngaihdamna.

EPHESITE 5:2

Khrist in ahung lungsiat a, ei u’diing a Pathian kawma silpiah leh kithoihna namtui diinga a kipiah bangin, lungsiatna ah um un.

TITA 2:14

Ama’n chu giitlouhna zousiah apat ahung tat theihna diingin leh, amah diing a sil hoih bawl a phatuamngai leh teeltuam hi diing a ahung suhsiangthou theihna diingin i luang in a kipeta hi.

HEBRAITE 1:3

Amah chu a loupina vaah leh, a umze kibatpih lim ngei hiin, sil zousiah a silbawltheihna mu a tuding in, amah mah in i sualnate a silsiang zoh nungin, tunglama Loupipen jiatlam ah a touta hi.

HEBRAITE 9:12

Keelte leh bawngnoute sisan a hilou in, amah ngei sisan a eite diing a kumtuang a tatkhiahna muin mun siangthou ah setden diingin khatvei chauh a luutta hi.

HEBRAITE 9:15

Huleh hikhu jiahin amah chu thuhun thah palai ahi, thuhun masa nuai a tatsualnate lah apat a tatkhiahna diing a a sih taah jiahin, kouhte’n kumtuang a gouluah diing thuchiam chu a tang thei diing uhi.

PETER I 3:18

Ajiahchu Pathian kawma ahung pui theihna diingin Khrist in zong sualnate jiahin khatvei a thuaahta a, midih in midihlou luang in, tahsa in suhlup in a um a, hizongleh Hagau a suhhing in a um hi.

THUPHUANDOH 14:3

Huleh amahun laltouphah ma leh, silhing lite leh upate ma ah la thah hileh kilawm a sa va; leitung apat a tatdoh hu nuai khat le siing li leh saang lite chih louh koima’n hu la chu a he thei sih hi.

THUPHUANDOH 5:9

Huleh amahun la thah khat a sa va, Nang chu lehkhabu la a, hua chiam chihnate phel taah na hi; ajiahchu thah in na um a, chi chin, haam chin, michin leh nam chin apat mite na sisanin Pathian a diingin na hung tanta a;