GALATIATE 4:3 - Thuhun Thah (BSI)

³ Huchibang mahin ei zong naupang i hih laiin khovel thubulte nuaiah suaah in ina um uhi.

GALATIATE 4:3 Iomraidhean Croise

MATTHAI 11:28

Nanguh tonggim leh puaahgih pote zousiah ka kawmah hung un, keima’n khawldamna ka hung pe diing hi.

JOHN 8:31

Huin Jesu’n amah gingta Judate kawmah, Ka thu a na um zing uleh ka nungjuite na hitahzet diing uh.

SILBAWLTE 15:10

Huchi'n i pulepate leh eihawn zong i zoh louhsa uh namkol chu tuin nungjuite ngawng a baat tum a bang diinga Pathian ze-et na hi viai?

ROMETE 7:14

Bang jiahin ahiai i chih leh daan chu hagaulam sil ahi chih i he a; hizongleh kei chu sa mi, sual suaah a khotsa ka hi.

ROMETE 8:15

Laua um kiit diingin suaah hihna hagau na mu uh ahi sih a; ta hihna Hagau na mu uh ahi zaw hi, hu Hagau jiahin Abba, Pa, chi'n i kikou hi.

KORINTHTE II 11:20

Bang jiahin ahiai i chih leh mi’n suaah in hung bawl le uh, hung negam le uh, hung hingmat le uh, amah leh amah kiliansah le uh, na maai vah hung beeng le uh, na thuaah zou jel uhi.

GALATIATE 2:4

Huleh huchu suaah ahung tansah theihna diing va, Khrist Jesu a i zalenna neih uh enkhe diing a guuhsima hung luut unau tahloute jiah giap ahi.

GALATIATE 3:19

Ahihleh bang diinga daan um ahiai leh? Hichu, chihaah, a kawma thuchiam piah a umpa ahung masiah, bohsiatna jiahin behlap in a um a, angelte zanga palai khut a suhkip ahi.

GALATIATE 4:2

A pa hunguat a tun masiahin a dontute leh a enkoltute nuaiah a um zaw hi.

GALATIATE 4:24

Hi thu hi tehkhinna ahi; hi numei nihte chu thuhun nihte ahi uh; khat chu Sinai taang apat sala taang diinga ta neinu ahi a, huchu Hagar ahi.

GALATIATE 4:25

Huleh Hagar chu Arabia gam a Sinai taang ahi a, tulaia um Jerusalem, huleh a tate toh sala taang khawm kisoina ahi.

GALATIATE 4:31

Huchi'n unaute, suaahnu tate i hi sih a, suaahlounu tate i hi zaw uhi.

GALATIATE 4:8

Huchi hitamahleh, Pathian na heet ma un, a pianzia mawng va pathian hiloute nna nana tong uhi.

GALATIATE 4:9

Hizongleh tu a Pathian na hung heet nung va, ahihlouhleh Pathian heet mi na hung hihzawh mah nung va, bang diinga thubul zawngkhal leh manlouhte suaah a luut kiit ut a, kiheikiit na hi viai?

KOLOSSITE 2:20

Huchih jiahin khovel thubulte apat Khrist toh si na hih taah uleh bang diinga khovel a hing banga daan thupiahte nuaia kituluut na hi viai?

KOLOSSITE 2:8

Pilvaang un, huchilou inchu mi koiaha in Khrist thu bang hilou in, mihing thugousiah leh, khovel thubulte bang zaw in, khovel pilna leh heemna mai in gaallaah in ahung lakha diing uh.

HEBRAITE 5:12

Ahun lam ngaihtuah inchu houtute na hihtaah diing uh ahi a, Pathian thubulte khat in ahung hilh kiit ngai na hita uh; huleh angum hilou a nawitui kiphamoh bang na hung hita uhi.

HEBRAITE 7:16

Amah chu tahsa thupiah daanthu bang a siam hilou in, hintawp nei lou silbawltheihna bang a siam ahi zaw hi.