GALATIATE 3:10 - Thuhun Thah (BSI)

¹⁰ Bang jiahin ahiai i chihleh daan silbawlte a um photmahte chu haamse nuai a um ahi uh; ajiahchu hichibanga gelh ahi, Daanbu a bawl diing a kigial zousiah jui zing lou chu haamsiat in a um uhi.

GALATIATE 3:10 Iomraidhean Croise

MATTHAI 25:41

Huzohchiangin a veilama umte kawmah, Nanguh haamsethuaahte, ka kawm apat chiahmang unla, kumtuang mei, diabol leh a sawllehte diing a a bawl vah luutta un;

ROMETE 4:15

Ajiahchu daan in lungthahna a siam a; himahleh daan um louhna ah bohsiatna zong a um sih hi.

ROMETE 6:23

Ajiahchu sual man sihna ahi a; hizongleh Pathian silthawnpiah chu i Lalpa uh Jesu Khrist jalin kumtuang hinna ahi.

ROMETE 8:7

Salam lunggulh chu Pathian toh kidouna ahih jiahin; huchu Pathian daan nuaiah a um sih a, um zong a um thei lou him ahi.

KORINTHTE II 3:7

Hizongleh suhbei a um diing loupina a suhloupi a a um jiaha Israel tate’n Mosi maaitang entang thei lou khopa sihna natohna, suangpeeha sut a gelh bawn a loupi inchu;

GALATIATE 2:16

Daan silte bawl jiahin mi siamtang in a um sih a, Jesu Khrist gintaat jiah chauhin siamtang in a um uh chih i he a, en zong daan silbawl jiah hilou a, Khrist ginna jiaha siamtang a i um theihna diingin Khrist Jesu chu i gingta ahi; ajiahchu daan silte bawl jiahin koimah siamtang in a um sih diing hi.